2 Samuil 11:15 - DAWAN BÎLA AISKA

¹⁵ Wauhkataya ra naku ulban kan: “Urías ba anira war karna aiklabi ba tâ pali ra mangks, bara baha ningkara witin ai mânka swis, baku witin insauhki prubia.”

2 Samuil 11:15 ပူးပေါင်းရင်းမြစ်များ

2 Samuil 11:16

Baku bamna, Joab tawan ba kutbi brih mahka aiklabaia, witin ai dara wali kan anira suldiar nani kupia kau karna nani bâra kan ba,

2 Samuil 11:17

baha kat tawan main kakaira nani ba pat dingki balan Joab mapara aiklabaia, bara Debit wihtka tara nani tila baha aiklabanka ra kauhan, Urías sin baha nani tilara kauhan.

2 Samuil 12:9

¿Bara dîa muni yang bîli bahki kulkram, bara yang yamni kaikras sna ba man daukram? Urías hitita ba, man bui ikram, Amón uplika nani ba mita yarka ikaia, bara ai maya ba man mayam briram.

1 King Nani 15:5

Debit lika Dawan nakra nani ra yamni daukan ba mita, Dawan lâka nani ba wina ai rayaka aiska ra tnaya ra tawras kata, Urías hitita tânka ba baman lika apia.

Lawana Nani 51:14

Upla ikaia lâka ba wina pri ai sâks, Gâd, swaki ai sasakra Gâdka sma ba. Bara maisa pakamni upla nani ra lawana aiwani kira, man kasak sma ba tânka.

Lawana Nani 51:4

Man mampara sika yang saura daukri ba, Dawan, man mampara baman saura daukisna ba, man mapara sma ba. Baha mita man lâmka daukisma ba kasak sa; upla kumi sin âpu sa, baha mapara buaia.

Smasmalkra 8:11

kan alki klala yaras ai saurka daukan ba mana, naha tâka mita upla kupia ra tuskisa saura daukaia baman.

Jirimaya 17:9

“Upla kupia lukra kuninkira pali warha ba baku kau diara wala âpu sa. ¿Ya sip sa baha tânka ba briaia?

Jirimaya 20:13

¡Man nani bui Dawan ra aiwans, man nani bui Dawan ra mayuns!, kan witin swaki sakisa sari bri nani ra watawikira nani mihta wina.

1 Samuil 18:17

Yu kum Saúl bui Debit ra win: —Merab luhpi mairin almukka ba man mayam maikaisna, sakuna naha pramiska wal: Yang aiklaklabriki kum kupiam karna kama bara Dawan warka nani ba sin aiklabi kama. Saúl ai kupia ra lukan, baku witin pali mita lika Debit ba ikbia apia, sakuna yaka filisteo nani mita ikan kabia.

1 Samuil 18:21

Mical ba Debit ra yabia lukan, bara yaka maya bui filisteo nani mihta ra mangkbia. Bamna kli aima wala ra Debit ra win: —Nanara lika man ba yang daipna takma.

1 Samuil 18:25

Bamna Saúl bui Debit ba filisteo nani mihta ra mangkaia lukanka ba wal, witin nani ra naku aisin: —Man nani Debit ra wis upla ai maya kum briaia mana yabi ba natka baku, yang kau brin ai dauki ba witin wina aikaia, filisteo waitnika nani wîna taya 100 kum, baha wal yang waihli nani ra pana munaia.