2 Pita 3:12 - DAWAN BÎLA AISKA

¹² Gâd yua balaia ba bîla kaiki bas, bara trai muns yarka baha ba pat balaia. Baha yua lika pauta mita kasbrika purara nani sut âpu daukan kabia, bara uba lapta ba mita dîa dîa bilara ba sut slilwi lubia;

2 Pita 3:12 ပူးပေါင်းရင်းမြစ်များ

Lawana Nani 50:3

Wan Gâdka ba aula, sakuna sâp lika balras sa; witin aula ba, ai kainara pauta klauhi, skwal baku diara sauhki tiki balbia.

Aiseya 24:19

Tasba aiska ba nikban kabia, tasba aiska ba baikanka sirpi ra daukan kabia.

Aiseya 34:4

Bara kasbrika purara slilma nani ba sut sin plapi kabia, sim wauhtaya karbi baku karbia; bara ai lampka nani sut ba ingnika daskbia apia, wain kiwka wina wahia lâwan nani kauhi ba baku, kwah damni dusa wina wahia kauhi ba baku sin.

Miqueas 1:4

Witin ai mina nani munhtara, il tara nani sut slilwan kabia, blas pauta lakni lamara slilwi lap tiwi ba baku; lî aubra tara nani mita klaki daukan baku, il bîla langnika nani ba, wâl ra kwâkan kabia.

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Matiu 16:28

Kasak pali man nani ra mai wisna, nahara upla kum kum na lika prubia apia, Upla Luhpia Waitna ai prana wal balbia ba witin nani kaiki banhbia kat.

Pilipai 1:6

Yang pain pali kaikisna, Gâd bui ai warkka yamni man nani ra tâ krikan ba, ban witin bui dauki kabia Jisas Kraist balbia yua kat.

Taitus 2:13

Baha mita sin wan smalkisa, baha yua holikira pramis wan munan ba, yawan bîla kaiki kabia; bara baha sika wan Gâdka tara bara wan Sasakra, Jisas Kraist prana ba latan takbia ba ra.

2 Pita 3:10

Sakuna Dawan yua lika balbia, bîla kaikras ba piua ra, sim âimplikra tihmia ra aula ba baku. Bamna bin tara ni kasbrika purara nani sut âpu daukan kabia, bara dîa dîa bilara ba pauta mita âpu daukbia, bara tasba na sin dîa dîa bilara ba sut aikuki, Gâd lâ tara daukbia ba ra kahban kabia.

2 Pita 3:11

Baku diara nani sut na âpu daukan kaia sa kaka, ¡luki kaiks nahki holikira bara Gâd ra luki tauki kaia sma ba!

2 Pita 3:4

bara makabi wali kabia: “¿Kraist kli balaia pramis win ba dîa takan? Wan damika nani pruan, bara tasba paskan piua wina naiwa kat dîa kan ba ban sa.”

2 Pita 3:7

Sakuna nanara kasbrika pura bara tasba bâra ba lika, ban swin sa pauta klauhan ba dukiara, Gâd ai bîla aisin sa, baha pata klauhan ba ni tnata yua ra angkan kabia, bara saurakira nani sut âpu daukan kabia.

Judas 1:21

Gâd latwanka lâka ra ban bas, bara bîla kaiki bas wan Dawan Jisas Kraist mita ai kupia pihni lâka ra, raya ban kaia lâka ba wankbia.