2 Pita 3:10 - DAWAN BÎLA AISKA

¹⁰ Sakuna Dawan yua lika balbia, bîla kaikras ba piua ra, sim âimplikra tihmia ra aula ba baku. Bamna bin tara ni kasbrika purara nani sut âpu daukan kabia, bara dîa dîa bilara ba pauta mita âpu daukbia, bara tasba na sin dîa dîa bilara ba sut aikuki, Gâd lâ tara daukbia ba ra kahban kabia.

2 Pita 3:10 ပူးပေါင်းရင်းမြစ်များ

Lawana Nani 102:26

Baha nani sut ba yu kum âpu takbia, sakuna man lika bâra ban kama. Baha nani sut ba kwala aisawi lui baku lubia; ¡man bui lakma, bara lakan kabia, prâk kum daiki wala dimi ba baku!

Lawana Nani 46:6

Nisan nani bin tara daukisa, king tasbaya nani ba tatatwisa, tasba ba slilwisa ai bîla baikra saki ba waluya ba ra.

Lawana Nani 97:5

Dus nani unta biara ra pâwi ba, blas baku slilwisa Dawan mawanra tasba aiska dawanka ba mawanra.

Aiseya 2:12

baha yua karnika sut bri Dawanka ba, diara daukbia witin nani baman sa luki, tara takan nani ba mapara, purara uli nani ba sut, mâyara batakaia;

Aiseya 24:19

Tasba aiska ba nikban kabia, tasba aiska ba baikanka sirpi ra daukan kabia.

Aiseya 34:4

Bara kasbrika purara slilma nani ba sut sin plapi kabia, sim wauhtaya karbi baku karbia; bara ai lampka nani sut ba ingnika daskbia apia, wain kiwka wina wahia lâwan nani kauhi ba baku, kwah damni dusa wina wahia kauhi ba baku sin.

Aiseya 51:6

“Man nani namkra ba kasbrika purara kaiks, bara man nani tasba mâyara sin kaiks; kasbrika pura ba lap tiwan kabia, kiasma baku, bara tasba ba almuk takbia dimaia kwalka almuk taki ba baku, bara baku natka ra upla nani ba sin tanis tiwbia, kukas baku prui tiwbia. Sakuna yang swaki mai sakri lâka ba, bâra ban kabia lui waras, kasakki lâka bara pura luanka ba wal tiwbia apia.

Joel 1:15

¡Dawan ai warkka daukaia yua ba, pat baila pali sa! ¡Yua saura pali kabia, sauhki tikanka tara kabia upla nani purara, Dawan karnika tara bri ba mita baha ba brih aula bamna!

Joel 2:1

Saion ilka purara man nani trumpit ba puhbi bas; Dawan ilka holikira ba purara, man nani bin tara dauks, Juda ra iwi nani ba sut tatatwi kabia, kan Dawan yua aula ba, pat baila sa bamna:

Joel 2:31

Dawan yua tara sibrinkira aula ba, kau balras ba kainara lapta ingnika ba tihmia tara man takbia, bara kati ba sin, pauni tala baku takbia.”

Joel 3:14

Upla ailal bâra sa Dawan ai kupia wal lâ daukan ba ilka bîla ra, kan pat baila sa Dawan yua ba.

Emus 9:13

Dawan naku aisisa: “Yua nani aula, baha yua ra plawar mâ pihwan nani ba kau kriki bara pat kli mâ mangkaia piua ba aimakan kabia; wain mâ mangkan ba kau taibi danh daukras ba ra, plawar mâ mangkaia piua ba pat balan kabia, il tara nani bara kiuhsi nani bâk, wain laya nani ba laiwi kabia lî plapi ba baku.

Emus 9:5

Dawan karnika sut pali bri ba, tasba na ai mihta ni kangbia bara slilwi kabia, upla nani bahara iwi ba sin ini banhwi kabia. Nilo awala lisamra tara suni kli rahwi ba baku, tasba na lisamra tara suni kli rahwi kabia.

Miqueas 1:4

Witin ai mina nani munhtara, il tara nani sut slilwan kabia, blas pauta lakni lamara slilwi lap tiwi ba baku; lî aubra tara nani mita klaki daukan baku, il bîla langnika nani ba, wâl ra kwâkan kabia.

Nahum 1:5

Il tara ba, Dawan mawanra tatatwisa; il sirpi nani ai kainara ba sin mahka slilwisa. Witin ra kaikuya ba ra tasba aiska ba tatatwisa, tasba aiska bara bilara diara nani bâra ba sin.

Malaquía 4:5

“Man nani kaiki bas: Dawan yua tara sibrinkira yua aula ba kainara, prapit Ilaidsa ba yang bui man nani ra blikaisna.

Matiu 24:35

Kasbrika tasba wal lui wabia, sakuna bîli nani lika aimakan kabia.

Mark 13:31

Kasbrika purara ba bara tasba wal lui wabia, sakuna yang bîli nani lika sut kat aimakbia.

Luk 12:39

Bamna naha kaiki banhwi bas: Utla kum dawanka dîa piua âimplikra balaia ba kaikbia kaka, swika ai watla ra dimi implikbia apia.

Roman 8:20

Kan paskanka aiska ba diara bahki takan sa, bara baha ba witin nani yan baku takras, kuna Gâd mita baku kaia mangkan ba mita. Sakuna ai kainara bîla kaikaia lâka ba lika ban bâra kata,

1 Korint 1:8

Gâd, witin bui man nani ra tnata kat ban bapi bûi kaia mai bri kabia, bara baku mika wan Dawan Jisas Kraist balbia ba ra, upla kumi sin man nani wina pât kumi sin sâkbia apia.

1 Korint 5:5

baha waitnika ba Sitan mihta ra mangkan kaia sa, ai wîna tara ba sauhki tikaia dukiara, bara ai spiritka ba lika Dawan Jisas balbia yua ra, swaki sakan kabia.

2 Korint 1:14

pat tânka wiria kaikisma ba baku; bamna wan Dawan Jisas balbia yua ra, yang nani dukira âmyapah kama, sim yang nani bui man nani dukiamra âiyapah kamna ba baku.

1 Tesalonaika 5:2

Man nani pain kaikisma, Dawan yua ba lika bîla kaikras pali kama ba ra balbia, sim âimplikra kum tihmia ra aula ba baku.

1 Tesalonaika 5:4

Sakuna, muihki nani, man nani lika tihmia ra apia sma, bamna Dawan yua ba mita âimplikra baku mai alkbia apia.

2 Pita 3:11

Baku diara nani sut na âpu daukan kaia sa kaka, ¡luki kaiks nahki holikira bara Gâd ra luki tauki kaia sma ba!

2 Pita 3:12

Gâd yua balaia ba bîla kaiki bas, bara trai muns yarka baha ba pat balaia. Baha yua lika pauta mita kasbrika purara nani sut âpu daukan kabia, bara uba lapta ba mita dîa dîa bilara ba sut slilwi lubia;

2 Pita 3:7

Sakuna nanara kasbrika pura bara tasba bâra ba lika, ban swin sa pauta klauhan ba dukiara, Gâd ai bîla aisin sa, baha pata klauhan ba ni tnata yua ra angkan kabia, bara saurakira nani sut âpu daukan kabia.

Judas 1:6

Bara insal nani, ai pliska bri kan ba main kaiki briras, sakuna ai watla pali ba sin swin nani ba, baha nani ra Gâd mita ban kaia ra priski, silak watla tihmu ra brisa, lâ tara yua balbia ba kat.

Param Marikanka 16:15

“Man nani kaiks, yang na bîli kaikras kan aulni, âimplikra baku. Yamni pali sa, ya aihwaki bara ai kwalka sin ban bri ba, witin ba kwala âpu takbiara sîa, bara upla sut mawanra sin ai swira takbiara sîa.”

Param Marikanka 20:11

Bara yang lika king iwaika pihni kum kaikri, baha purara iwi kan ba sin. Ai mawan wina tasba bara kasbrika pura ba aiska lap tiwan, bara baha nani pliska kumi sin sip kaikras kan.

Param Marikanka 21:1

Baha ningkara, yang kasbrika pura raya kum bara tasba raya kum sin kaikri. Kasbrika pura pas kata ba, bara tasba pas kata ba sin lap tiwan, bara kabu sin kli âpu kan.

Param Marikanka 3:3

Kupiam krauki bas smalkanka briram ba, bara baha nina blîks bara kli tawi Gâd ra bal. Man raya apia kama kaka, âimplikra baku man ra wamna, bîli kaikras kama ba ra.

Param Marikanka 6:14

Kasbrika purara lap tiwan wauhtaya kum karbi blaki ba baku, bara il nani ba sut, kî dakura nani ba sin ai pliska nani wina kitban kan.