2 Pita 2:19 - DAWAN BÎLA AISKA

¹⁹ Pramis munisa pri lâka ra iwi kaia sakuna sim piua ra, witin nani lika tâski lâka ba albika sa; bamna upla bani ani dukia mita witin ra yan taibi ba, baha dukia albika sa.

2 Pita 2:19 ပူးပေါင်းရင်းမြစ်များ

Aiseya 28:1

¡Alai pali kabia Sameria, Efraín prautka lâka bara kraunka ba, tangnika painkira pranakira ba srawan, baha il plahpia laih purara bâra kan ba, bara wain di lal saura takan ba!

Jirimaya 23:9

Baha bîla prapit nani ra aisin ba: Kasak pali yang ra ai turban; wîni aiska tatatbisa, laya tahpla diri baku sna, waitna kum wain mita pura lui taiban ba, Dawan tâwan sika ai bîla holi ba tâwan sin.

Libait Lâka 13:8

Bara prîs ba kli sikniska ba laki kaikbia, sukwanka ba kau ban taya aiska ra auya kaka, bara witin param aisi wibia witinka ba lipar alkan bara tâski sa.

Jan 8:34

Jisas baha nani ra win: —Kasak pali mai wisni, baha nani saura dauki ba lika saurka lâka albika sa.

Apastil Nani Sturka 19:16

Pirit saura bri kan waitnika bui witin nani ra pâli alkan, bara ai karnika aiska ni dingki alkan. Bara ban baha nani pura luan, saura pali sin munan, bamna utla ba wina kwala sin âpu kasak insauhkan kira ban taki plapi banhwan.

Galesha 5:1

Bamna yawan pri kabia wisi, Kraist mita pri wan sakan. Baku bamna baha pri lâka ba kat ban bapi bûi bas, bara kli sin alba lâka twilkaika ra kapara.

Galesha 5:13

Man nani, muihki nani, mai paiwan sa pri lâka bri kaia. Kuna naha pri lâka brisma wisi, wînam brinka nani nina blîkpara. Sakuna, pana pana dukia dadaukra nani bas, latwan lâka aikuki brisma ba tânka kat.

2 Timoti 2:26

Bara baha ningkara, witin nani ai sinska ra kli tawbia, bara dibil mita priski bri ba wina pri takbia, witinka ra dîa want ba daukaia luki bamna.

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

1 Pita 2:16

Upla pri nani baku iwi bas; kuna pri lâmka ba wal saura lâka pura prakaia lika yus munpara. Sakuna Gâd napakanka nani baku iwi bas.

2 Pita 1:4

Naha dukia nani tila bâk pramis nani sin wan munan, bara baha nani ba uya tara bara manakira pali sa; bamna baha sim pramiska nani bâk, sip kama Gâd tânka ba man nani briaia, bara brinka saura nani naha tasba ra tâski lâka bri balan ba wina swakwaia.

2 Pita 2:20

Baku sin, baha nani wan Dawan Sasakra Jisas Kraist wal kakaira takan ba, witin nani lika naha tasba tâskika wina swak takan sa, sakuna baha diara tâski nani ba mita kli blaki pura lubia kaka, witin nani lika kanra kata ba wal kau saura takan sa.