2 Pita 2:1 - DAWAN BÎLA AISKA

¹ Bamna Israel nisanka tilara, gâd prapitka kuninkira nani sin bâra kan; baku sin man nani tilamra smasmalkra kuninkira nani bâra kabia. Witin nani ai lukanka ra wan sauhki nani ba, yukuwan lâka ra wan smalkbia, bara witin nani ra swaki sakata Dawanka pali ra sin kulkaia apia wibia; naha na lika witin nani ra pat pali âpu daukaia tânka sa.

2 Pita 2:1 ပူးပေါင်းရင်းမြစ်များ

1 King Nani 22:6

Bara Israel kingka mita prapit nani 400 asla dauki, baha nani ra makabi walan: —¿Ramot Galaad tasbaya ba mapara war aiklabaia wamna, apia kaka wamna apia ki? Bara prapit nani ba win: —Aiklas, Dawan bui king lâka man mihtam ra mangkaia sa bamna.

Impakan Sturka 15:16

Dawanki, swis witin nani sirang iwbia, swis witin nani tatatwi kabia, swis witin nani walpa baku sip aiawras kabia, man klamhkla karnika ba mita, uplikam nani ba sut bal lui wabia ba kat, naha uplika nani na man dukiam saki briram bamna.

Aiseya 9:15

(Lal ba sika, almuk bara wihta nani ba, prapit nani kunin smalki ba, baha nani sika wâika ba.)

Jirimaya 29:21

“Dawan, karnika sut bri ba, Israel Gâdka ba, Ahab, Colaías luhpia waitna ba, dahra aisisa; Sedequías, Maaseías luhpia waitna ba, dahra aisisa; witin nani bui yang nani ra, Dawan nina ra kunin aisi mai wisa: ‘Yang daukaisna witin nani ba Nabucodonosor munhtara kauhaia, bara witin baha nani ba ikbia bara man nani kaiki kama.

Jirimaya 37:19

¿Anira sa baha dahra aisasarika nani, witin nani bîla kasak aisisa Babilon kingka bal aiklabia apia, upla nani mapara naha kuntrika mapara sin apia wisi aisi kata ba?

Jirimaya 6:13

“Tara nani bara sirpi nani ba, upla sut, saura dauki wina baman lalah briaia lukisa; prapit nani prîs nani sin sut, upla ra taibi lalahka dakbaia warkka daukisa.

Inanka Nani 2:14

Dahra aisasarikam nani diara kaikan, dahra kunin man ra aisi mai win ba, kau diara wala apia kata, kunin baman saki mai win sa. Witin nani saurkam ba param ra saki mai wiras kan, man lukkam ba lakaia dukiara; ban sakuna, diara kunin baman kaikan dahra aisi, bara baha ra kasak lukaia mai daukan.

Oseas 9:8

Gâd mita ai prapitka ba, Efraín aihwaki kaiki kaia mangkan, sakuna man nani bui witin ai yabalka ra mina alkaika nani kahbisma; ¡Gâd tempelka bîla kat sin man nani bui witin ra misbara kaikisma!

Miqueas 2:11

Kunin aisasara kum, upla nani ra kunin muni dahra aisi wibia: “Yang lika wain laya bara laya tahpla dukiara aisi wisna”, baha sât prapitka sika naha uplika nani na brin daukisa.

Miqueas 3:11

Lâ wihtka nani ra, lalah aibapi ai lâka pliki ba baman ra raitka yabisa, tawan wihtka nani ba, prîs nani ba sin, ai mana briaia dukiara baman smalkisa, bara prapit nani ba lalah mana baman dahra aisisa, ai raitka briaia dukiara blahwi aisisa, Dawan bui witin ra ai tâ baikisa, bara naku wisa: “Diara saura yawan ra balbia apia, kan Dawan yawan wal sa.”

Miqueas 3:5

Yang tawanki uplika nani ba lika, yabal saura bara tiwan bâk impakisa, prapit kunin muni ba tâka mita. Baha nani ya bui plun yabi nani ra, kupia kumi lâka dukiara aisi wisa; sakuna war aiklabaia lâka bukisa, baha nani bui witin ra plun yabras ba mapara. Dawan ba mita baha prapitka nani ra wisa.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Matiu 10:33

Sakuna ya ai kulkras wibia kaka upla mawan ra, yang sin Aisiki kasbrika purara ba mawan ra kulkamna apia.

Matiu 24:11

Kuninkira ailal bubia, bara wibia witin nani ba Gâd prapitka sa, bara upla ailal ra kunin munbia.

Matiu 24:24

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

Matiu 24:5

Kan upla ailal yang nini mâki balbia, bara naku aisabia: ‘Yang sika Misaya’; bara upla ailal ra kunin munbia.

Matiu 7:15

“Aman kaiks, witinka nani Gâd prapitka wisi kuninkira nani ba. Witin nani sîp baku man nani ra aula, sakuna ai kupia bîla lika yul wail nani baku sa.

Mark 13:22

Bamna kuninkira nani ba Misaya baku balbia, prapit baku sin, bara sain tara nani, diara aihka nani sin upla nani ra kunin munaia wisi, daukbia; bara sip kabia kaka, Gâd pali pliki sakan nani ra ban kunin munbia.

Luk 12:9

Sakuna ani uplika mita upla wala nani mawanra ai kulkras wisi aisi ba, yang sin Gâd insalka nani mawanra witin ra kulkras sna wimna.

Luk 21:8

Jisas bila: “Aman kaiki bas, yarka sin kunin mai munbiara. Upla ailal yang nini bri balbia, bara ban naku wibia: ‘Yang sika Kraist’; bara ‘Nanara sika piua ba.’ Sakuna nina blîkpara.

Luk 6:26

“¡Alai kabia man nani ra, tasba aiska mita mamyunbia ba ra, kan ai damika nani mita baku sika daukan ba prapit kuninkira nani ra!

Roman 16:18

kan bahmuna sât uplika nani ba wan Dawan Jisas Kraist dukia daukras sa, sakuna ai biara warkka daukisa, bara witin nani ai bîla damnika bara ai bîla ni pain aisi ba mita upla sins aitani briras nani ra kunin munisa.

1 Korint 11:19

¡Bamna, man nani ba aihka dakwi takaia sma, bara baku mika baha nani kasak kristian nani ba latan kaikan kabia!

1 Korint 6:20

Gâd mita mana kum ni mai atkan sa. Baha mita man nani, wînam ra Gâd ra pain kulkaia sma.

1 Korint 7:23

Gâd bui man nani ba mana tara ni mai atkan sa; baku bamna, upla nani mita yarka alba nani mai daukbiara.

Galesha 2:4

Kasak pali, wan muihni kuninkira tila nani yukuwi, yang nani tilira dimi banhwan ba bui lika want kan, Taitus ba Aisa sainka bribia. Naha nani lika biki kakaira nani baku diman, yang nani Jisas Kraist wal asla takri mita pri lâka brisna ba kaikaia, bara kli alba wan daukaia wisi.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Galesha 4:17

Baha uplika nani ba uya man nani ra lukisa, kuna ai kupia pain lâka ni lika apia. Witin nani brin daukisa man nani ba, yang nani wina dakbi mai sakaia, bara ningkara man nani mita, witin nani ra brin mai dauki kira plikma dukiara.

Galesha 5:20

aidul nani ra mayunaia, sukia warkka daukaia. Upla ra misbara kaikaia, tar baiwan lâka, bara nina tâwan lawaia nani. Diara bahki dukiara wan kupia baikaia, bara wan kupia lâka baman pliki daukaia, dakwi takaia lâka, bara dakni sât sât paskaia sin.

Epesus 1:7

Gâd latwan pali wan kaiki ai Luhpia ai tâlia laiki, pruan ba tâlia ra pri wan sakan sa, bara yawan saura daukan pâtka ba swin tiwan sa.

Epesus 4:14

Bara yawan na tuktan ban kaia apia sa, witin nani ai natka isi sât wala takisa, ya ya smalkanka raya smalki nani ba payaska ba mita raski brih auya, âuya mâira nani aimawahkan yabalka ra tauki nani ba mita sin kunin munisa.

Kli Smalkanka 32:6

¿baku Dawan ra aibapaia sma ki? Tawan saura kum sins lâka âpu sma ba, ¿witin ba man aisikam apia, man mai papaskra sin? ¡Witin mai paski rayakam maikan!

Pilipai 3:19

piua tnata ra, naha nani sut sauhki tikan kabia. Witin nani gâdka lika ai wîna brinka nani, bara ai swira briaia dukia nani ba watlika ra, kalwi banhwisa. Witin nani ba naha tasba dukia nani ra baman lukisa.

Kolosi 2:18

Swirka pât ra mai lakbiara baha nani bawikira lâka bri baku, insal nani ra mayuni ba; yarka prisantkam mihtam wina mai dakbi bribiara. Witin nani lika ai nakra ni kaikras dukia ba ra dimi auya, bara ai lukanka ni praut taki puskisa upla lukra ni.

Kolosi 2:8

Man nani aman kaiki bas: Upla nani kunin baman diara bahki aisi ba mita yarka kunin mai muni mai brih wabiara; kan baha nani ba Kraist ra ai tâ baikras sa, sakuna upla iwanka lâka kat bara naha tasba lâka karnika baman ra wataukisa.

1 Timoti 5:8

Kan upla kum ai taika nani ra main kaikras sa kaka, bara kau pali ai watla uplika nani ra lukras sa kaka, witin ba kasak lukan lâka ba kulkras sa, bara kasak lukras uplika wal, witin ba kau saura sa.

2 Timoti 4:3

Kan piu kum balbia ba ra upla nani ba smalkanka yamni ba kau lika walan daukbia apia, sakuna ai brinka karna nani nina blîkbia, bara smasmalkra ailal pliki bribia, witin nani dîa walaia want ba baman baha nani mita smalkbia dukiara.

Taitus 1:11

Baha nani bîla ba prakaia sa, kan witin nani mita diara smalkaia apia ba smalki, watla bîla aiska nani kupia aihka lakisa; ai swira sin âpu lalah nahki briaia dukiara baman luki banhwisa.

Taitus 3:10

Upla kum mita serts ra dakwi takan lâka daukisa kaka, witin ba aima kumi, apia kaka aima wâl kupia krauks, bara bîlam walras sa kaka, kangbi sâks;

Hibru Nani 10:29

Bamna, Gâd Luhpia ra ai mina ni taibi uplika ba, bara tâlia ra bahki kulki ba, bara kupia yamni Spiritka ra sin saura muni ba mapara, ¿nahki kabia ki? ¡Man nani luki kaiks nahki witin ba kau klala saura pali briaia ba! Kan baha tâlia mita sika lâ daukan ba karna saki ba, bara baha ni sin uplika ba holikira daukan sa.

1 Pita 1:8

Man nani lika Jisas Kraist ba namkra pali ni kaikras, ban sakuna, latwan kaikisma; man nani bui witin ra kasak lukisma, namkra ni kaikras sma sakuna; bara ba mita lilia tara bara pranakira sin brisma, bara liliaka tânka ba bîlam ni sin sip aisaras,

2 Pita 2:3

Lalah ra uya want ba mita, kunin smalkanka ni kasak pali mai smalkbia; kuna witin nani ra pât ra lulki swiaia ba lika ai bîla kaikisa, kan witin nani ba pat piua wihka luan wina pât ra lakan sa bamna.

1 Jan 2:26

Yang naha na man nani ra ulbri, baha nani kunin mai muni nani ba dukiara.

1 Jan 4:1

Muihki laitwankira nani, Spirit brisa wisi aisi nani ba sut ra kasak lukpara, sakuna tânka nani ba pliki kaiks, Spirit brih aisi ba sut Gâd wina sa sapa. Kan tasba na prapit kuninkira nani ni aibanhwan sa, bamna wisa dîa witin nani aisi ba lika Gâd wina baman sa.

Judas 1:18

man nani ra mai aisin ba: “Tnata yua nani ra upla nani bâra kabia, diara holi ba dukiara lawaska kiki kabia, bara witin nani ai brinka ba kat baman sin tauki kabia.”

Judas 1:4

Bamna upla tila nani, kunin lâka ni tilara diman sa. Baha nani ulbanka ra pat maisa pakan sa, pât ban kaia ba ai dukia bribia. Baha nani lika upla saura nani sa, witin nani lika Gâd umpira kaikanka lâka ba brih, kunin lâka ra laki wan Dawanka kumi ba, Jisas Kraist ra kulkaia apia wisa.

Param Marikanka 13:14

Bara baha sainka nani daiwan saura pas kata ba mawanra yan dauki kan bâk, tasba ra iwi uplika nani ra kunin munan, bara witin nani ra adar yan baha daiwra saura ba sord ni klakan sakuna ban raya kaia sip kan ba, lilka kum daukaia.

Param Marikanka 2:13

Yang kaikisna, man ba Sitan king aimaki pliska ra iwisma, sakuna man lika yang tâiwan kasak pali ban sma. Antipas mita, yang witniski kasakkira ba, man nani tilamra Sitan iwi pliska ra ikan piua ra, man lika yang ra ban kasak luki kapram.

Param Marikanka 2:9

Man pât nani wahwisma bara umpira sma ba sut yang kaikisna, man lika yuyakira sma sakuna. Witinka nani ai nina Ju mâki ba bara mampara saura aisi ba sin kaikisna, sakuna baha nani lika Ju apia sa; baha nani lika Sitan daknika uplika nani sa.

Param Marikanka 3:8

Dîa daukisma ba sut yang kaikisna; kaiks mamwanra dur kwâkan kum mangkri sa, bara baha ba upla kumi mita sin sip prakras sa; man karnika wiria man brisma, sakuna yang bîli ban wali kapram ba ra, yang ai kulkaia apia wiras kapram.

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.

Param Marikanka 6:10

Naha nani ai bîla baikra karna wini kan: “Dawan, man holikira sma ba bara kasak kat pramis daukisma ba, ¿ahkia kat man ba lâ daukma naha tasba ra iwi nani ra, bara pana ikma wan pruanka nani ra?”