2 Kronikas 9:8 - DAWAN BÎLA AISKA

⁸ ¡Dawan Gâdkam ba yamni pali kabia, witin aitani lukan bara man lika Israel kingka iwaika ra iwaia mai mangkan ba! ¡Dawan lika piua bani Israel ra latwan kaikisa, bamna mai mangkan sa, witin nani ba asla kukaia lâ wapni bara kasak kat daukaia!”

2 Kronikas 9:8 ပူးပေါင်းရင်းမြစ်များ

2 Samuil 23:3

Israel Gâdka ba witin aisin; Israel kan kakahbra ba witin bui yang ra ai win; upla purara kasak lâka ra wihta aimaki ba, “Dawan ra sin sibrin luki wihta aimaki ba,

2 Samuil 8:15

Debit lika Israel luhpia nani sut kingka aimakan bara kasakka lâka, wapni lâka kat daukan upla sut wal.

1 King Nani 10:9

¡Dawan Gâdkam ba yamni pali kabia, witin aitani lukan ba man ba Israel king iwaika ra iwaia! Kan Dawan lika piua bani ra Israel ra latwan kaikisa, bara man ba king mai mangkan sa, lâ wapni bara kasak kat daukaia.”

1 King Nani 3:28

Bara Israel aiska king lâ daukan ba walan, bara king ra sibrin taki banhwata, kan kaiki banhwan Gâd wina sinska lâka brin lâ kasak ba aisi daukaia dukiara.

1 Kronikas 17:22

Kan Israel ba bâk saki briram, man uplikam kaia ban kaia ra, bara Dawan, man sika ban kaia ra witin nani Gâdka kama.

1 Kronikas 28:5

Bara nanara luhpi nani sut tilara, âu, Dawan bui luhpa waitna nani ailal aikan sa, bamna Dawan bui luhpi Salaman ba bâk sakan sa, Dawan king aimaki iwaika ra iwbia Israel luhpia nani purara.

1 Kronikas 29:10

Baku bamna, Debit bui Dawan ra sin yamni pali win, upla nani sut mawanra, naha bîla nani aisi: “¡Dawan, yamni pali kama, wan aisika Israel Dawanka sma ba!

1 Kronikas 29:20

Ningkara Debit upla nani ra win: “Nanara Dawan Gâdkam ra yamni wis.” Bamna upla nani sut bui Dawan ai aisika nani papaskrika ra yamni win; ningkara ai lal makupi banhwan bara Dawan king ra sin mayunan.

1 Kronikas 29:23

Bamna king Salaman ba, Dawan king iwaika ra iwan ai aisika Debit watlika ra, bara uya pali tara takan, Israel luhpia nani bui sin ai bîla wali kata.

2 Kronikas 13:8

Bara nanara man nani Debit kiamka nani wark dauki bâk Dawan ai warkka dauki ba mapara buaia trai kaikisma, kan man nani kau ailal sma ba mita, bara Jeroboam sin gul ni bîp nani paski gâdkam nani maikan brisma ba mita.

2 Kronikas 2:10

Sakuna man naha bîla kaiki bas plun blikaisna ba, dus tara nani klaki wark taki nani ba dakakaia: 4,400,000 batil plawar, barli mâ sin 4,400,000 batil, 440,000 batil wain, baha purara sin batana laya ba sim numbika.”

2 Kronikas 2:11

Bara Hiram Tiro kingka ba pana wauhkataya kum ulbi, Salaman ra naku win: “Dawan ba ai uplika nani ra latwan kaikisa, bahamna man ra king mai mangkan, ai uplika Israel luhpia nani tilara.”

2 Kronikas 9:7

Mayam mairin nani ba lilia pali sa si, bara warkkam tatakra nani ba sin lilia ai dara walisa si, piua sut lamamra iwi sins lâka aisisma ba wali banhwi ba.

2 Kronikas 9:9

Bara baha wina kwin ba gul 5 ton bahmuna, isint kîa pain nani, walpa manakira nani ba ailal pali king ra yan. Kau aima kumi sin baku isint ban ailal pali Israel ra brih waras kan, baha Sabá kwinka Salaman ra bri si yan ba baku.

Lawana Nani 18:19

pri lâka ra ai sakan; ¡witin pri ai sakan, witin bui yang ra latwan ai kaikan bamna!

Lawana Nani 22:8

bara aisisa: “Naha sika Dawan kat luki kan; swis Dawan bui witin ba swaki sâkbia; witin ai brinka ba sika Dawan, bamna witin bal swaki sâkbia.

Lawana Nani 72:2

baha wapni daukaia bara kasakka lâka wal ba mita, man uplikam umpira nani ba pura wihta aimakbia.

Lawana Nani 99:4

Man ba king kum karnakira sma, man sin kasakka lâka ra latwan kaikisma man bui bapram, wal baku kaia lâka ba; Jekob luhpia nani ra, kasakka lâka ba bara wapni kaia lâka ba sin.

Sins Lâka 21:3

Kasakka lâka bara wapni lâka ba dauks, kan Dawan mita baha ba kanra yamni kaikisa daiwan nani iki angki dauki ba wal.

Sins Lâka 29:4

King lâ wapni aisi dauki ba mita, tasbaya ba buki bapisa; sakuna lal mana sakaia upla ra taibi makabi waitnika, ai tasbaya ba dringbisa.

Aiseya 42:1

“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.

Aiseya 62:4

Witin nani kli wibia apia man ba mai “Lulki Mai Swin Sa”, tasbayam ra sin kli wibia apia: “Sauhkan Sa”, Sakuna man ninam ba “Yang laikki”, bara tasbayam ba nina “Yang Mayi Mairin”. Kan man ra sika Dawan laikka ba, bara witin ba man tasbayam ra maya waitna kum baku kabia.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Kli Smalkanka 7:8

Dawan Idsip wina mai sakan, man nani alba kapram, karnika tara ni king fero karnika wina pri mai sakan. Latwan mai kaikisa bara man nani almukkam nani ra pramis daukan ba daukaia want sa.