2 Kronikas 9:2 - DAWAN BÎLA AISKA

² Bara ai makabanka nani sut tânka ba, Salaman bui tânka klir munan. Diara âpu kan king bui tânka sip wiras kaia ba.

2 Kronikas 9:2 ပူးပေါင်းရင်းမြစ်များ

1 King Nani 3:12

Bara kaiks, yang lika man bîlam nani kat daukamna. Bamna kaiks, yang kupia sinskira lâka ba maikuna, diara sut tânka pain bri kaia, bara man baku wala kainamra âpu kan, bara ningkamra sin âpu kabia.

1 King Nani 4:29

Bamna Gâd bui Salaman ra sins lâka bara diara tânka kaikaia lâka tara pali ba yan kata, sim auhya nani kabu un ra ba baku.

2 Kronikas 9:1

Sabá kwinka ba walan upla nani bui Salaman nina tara mayuni aisi kan ba, bara witin Jerusalem ra wan makabanka karna nani makabi walaia dukiara. Bara upla nani ai kan kir kutbi ai prana tara dauki Jerusalem ra balan, isint nani, gul bara walpa manakira nani ailal kiamil ra prahki bri balan. Witin Salaman ra balan ba ra, dîa dîa makabi walaia bri kata ba sut makabi walan, ai kupia ra bri kan ba sut sin win.

2 Kronikas 9:3

Salaman sins lâka bri ba Sabá kwinka baha kaikan, baku sin king watla mâkan ba kaikan,

Sins Lâka 13:20

Sinskira nani wal tauki bas, bara sinskira kama; taniskira nani wal tauki bas, bara mai sauhki mai tikbia.

Sins Lâka 18:4

Upla bîla aisinka nani ba lika lî tihuka baku sa; sins lâka kârma pura laiwi ba, tingni tara aubi baku sa.

Mark 4:11

Bara Jisas win: “Man nani ra lika Gâd king aimaki ba lâka dahra yukukan nani ba param mamrikan sa; sakuna latara uplika nani ra lika maprika lilka ni smalkan sa;

Mark 4:34

Maprika lilka âpu ni Jisas diara kum sin smalkras kan, sakuna ai disaipilka nani ra sut tânka ba smalkan.

Jan 15:15

Nanara man nani ba albiki nani mai wiras sni, kan alba ba ai dawanka dîa dauki ba kaikras. Bamna man nani ba upliki nani mai wisna, kan Aisiki dîa dîa ai win ba sut man nani ra param mamrikri bamna.

Kolosi 2:3

bamna Kraist ra sika sins lâka bara diara tânka briaia nani yuyaka aiska sut kuki swin ba.

Hibru Nani 4:12

Kan Gâd bîla ba rayaka brisa, bara karnika sin brisa. Baha ba sika sord mala napa wâl bri ba sut purkara kau mala sa, bara wan sulka bara wan spiritka biara pali ba kat dimi wisa, wan lukutbaika bara wan dusa bîla kat sin. Baha bîla ba mita wan kupia lukanka nani ba bara dîa daukaia luki ba sut sin klir pali sakisa.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.