2 Kronikas 7:14 - DAWAN BÎLA AISKA

¹⁴ upliki nani ba yang ra bawbia kaka, yang nini ra ai pura sunbia, bara yang maiwan plikbia kaka, bara ai yabalka saura nani ba wina ai kupia lakbia kaka, yang kasbrika pura wina walamni, ai saurka nani ba swih tikamna, bara ai tasbaya ba kli pain daukamna.

2 Kronikas 7:14 ပူးပေါင်းရင်းမြစ်များ

2 Kronikas 20:3

Josafat sibrin takan bara witin Dawan ra tniwan. Bara maisa pakan Juda aiska ra plun wahwi ai pura sunbia,

2 Kronikas 20:4

bara Juda uplika nani ba asla takan witin nani Dawan ra hilp makabaia. Juda tawanka nani sut wina sin upla balan.

2 Kronikas 6:27

kasbrika purara pali ba wina man wali kama, bara man albikam nani bara uplikam Israel luhpia nani saurka ba ban swih tikma, yabal yamni ba mariki kama bara witin nani bahak impaki tauki kabia, bara ai tasbaya purara lî yabrika auhbia, man bui witin nani ra yaram ba, ai almukka nani tasbaya ra.

2 Kronikas 6:30

kasbrika purara pali ba wina wali kama, baha man iwaikam ba wina, bara pâtka ba ban swih tikma. Bara man mahka dîa daukaia lukma ba daukma, kumi bani ra ai pâtka ba kat mana yama, man baha nani kupia ba kaikisma bamna. Man baman sika upla nani sut kupia tânka kaikisma ba.

2 Kronikas 6:33

man kasbrika purara ba wina walma, iwaikam ba wina tringsar nani mai wini aisi ba kat dauki yama. Baku ba ra tasba ra iwi uplika nani bui ninam ba kakaira takbia, bara sibrinkam sin bribia, uplikam Israel luhpia nani baku baha tânka bribia, man ninam ba mâkan sa naha watla ra, yang bui daukri na ra.

Lawana Nani 27:8

Kupi ai wisa: “Dawan mawan kaikaia pliki bas.” Bara yang, Dawan, man mamwan kaikaia plikisna.

Lawana Nani 60:2

Man mita sika tasba ba nikbi baikram; ¡bara nanara baiwanka nani ba praks, kan kalhwi auya sa!

Sins Lâka 28:13

Ani uplika ai saurka nani pura biki ba, ai bisniska ba sip yamni takbia apia; sakuna baha nani ai dahra saki si mahka swi ba, saurka swih tikbia.

Aiseya 45:19

Yang yukuwi aisaras kapri, tasba ra plis tihmia kum ra dimi sin aisaras. Jekob kiamka nani ra yang wiras: ‘Man nani wih ai pliks plis kum diara âpu ba ra.’ Yang Dawan kasak aisisna, baha rait ba mai wisna.

Aiseya 59:20

Saion atki sasakra baku balbia, Jekob kiamka nani ai saurka wina ai kupia lakan nani ba sin sasakrika baku. Dawan, baha kasak aisisa.

Aiseya 63:19

Yang nani na, man mita wan tâ briras baku banhwisna, ninam ba, yang nani aima kumi sin briras kan baku banhwisna.

Jirimaya 14:9

¿Dîa muni sirang ikan uplika kum baku sma ba, aiklaklabra kum ai walka ra hilp munaia sip apia ba baku sma ba? Sakuna, Dawan, man lika yang nani tili kat sma, upla sut tânka brisa yang nani lika man uplikam sna; ¡ban wan luki wan swipara!

Jirimaya 33:6

Sakuna yang kli witin nani ba sîka rakamna, bara pain kulkan kupia kumi kaia kli baku takaia apia liliaka briaia daukamni.

Jirimaya 50:4

Dawan aisisa: “Baha yua ra, Israel bara Juda uplika nani ba yang ra balbia ai Dawanka ai Gâdka ai pliki ini kabia.

Jirimaya 51:9

Yang nani Babilon ba pat sîka daukri, sakuna rawras. ¡Man nani swis! Kaisa yawan naha wina mahka wap kumi bani wan tasbaya ra, witin nani lâ sauhkan ba kasbrika pura kat ulan, kasbrika nani ba pura ba kat bukan.

Jirimaya 8:22

¿Galaad ra sîka kum pan âpu sa ki? ¿Upla raki uplika kum bâra âpu kabia ki? ¿Dîa muni witin bui yang upliki nani ba rakras sa?

Isikiel 33:11

Kuna yang, Dawan, rayaki ba mata, swer takisni, watawikira nani pruanka ba brinki apia sa, witin ai rayaka natka ba lakbia bara raya kabia want sna, lâka saura brisma ba swis. ¿Dîa muni pruaisma?’

Isikiel 33:12

“Man, upla luhpia, tawankam uplika nani ra wis: ‘Upla yamni kum saura daukbia kaka, ai kupia yamnika kanra bri kan ba mita swaki sâkbia apia, bara saurakira kum ba saurka daukaia lâka swibia kaka, ai saurka kanra dauki kan ba tâka mita prubia apia. Upla yamni ba saurka daukbia sa kaka, ai kupia yamnika lâka bri kan ba tâka mita lika raya kabia apia.

Kulki Kaikanka 6:27

“Bamna witin nani baku yang nini ba Israel luhpia nani purara aisabia, bara yang mita yamniki ba yamna.”

Apastil Nani Sturka 9:11

Bara Dawan mita naku win: “Man bus bara yabal kum nina Wapni wi ba kat was, bara Judas watla ra wama ba ra, Tarso wina waitnika kum nina Saulo wi ba dukiara makabi wals. Witin ai pura sunisa,

Kli Smalkanka 28:10

Bara baku tasba aiska ba kaikbia Dawan ra wan pura sunaia lâka ba man nani ra maikan sa, bara witin nani lika man nani ra sibri kabia.