2 Kronikas 4:22 - DAWAN BÎLA AISKA

²² alahmi wisbaika nani ba, kâp tara nani ba, ispan tara nani ba bara masku auhbaika nani ba sut gul aihwa ni paskan. Tempel ra dimaia bilka ba, bilara dur nani dus wahia baku paskan ba, tempel bilara Holi Pali Pliska ra dimaika ba sut gul aihwa pali ni lalauban.

2 Kronikas 4:22 ပူးပေါင်းရင်းမြစ်များ

1 King Nani 6:35

Bara kusbi daukan rayaka brih nani ba lilka, kûku dusa lilka tangni wal kraun daukan sâtka lilka nani mangkan, bara gul ni lalaubi prakan.

1 King Nani 7:50

Baku sin kâp nani, diara klakaia dukia sirpi nani, diaia tara nani, ispan tara, kîa yamni angkaia dukia nani, sut ba gul ni paskan. Baku walpa klauhira nani wal, utla bilara dimaia dur pîska nani ba sin, walpa klauhira ni daukan kata. Holi pali pliska ba bara tempel bilara diara nani ba sut sin gul ni paskan.

2 King Nani 12:13

Bara baha lalahka Dawan tempelka ra brih bal kan ba lika silbar kapka tara, diara klakaika dukia sâtka, mihta bara mawan wal sikbaika, trumpit, gul dukia nani sin kau paskras kan Dawan tempelka ba dukiara,

2 King Nani 25:14

Baha purkara sin, yamhpus alkaika, tasba kiubaika nani, ispan tara plun witkaika bras nani daukan bâra kan ba sin, bara dîa dîa tempel ra wark daukaia dukia kan ba, sut brih wan.

2 Kronikas 4:21

Tangni baku paskan nani ba, lamp nani ba, wisbaika nani ba, baha nani sut ba gul ni paskan;

2 Kronikas 5:1

Salaman bui Dawan tempelka mâkaia win warkka ba witin nani sut daukan ba ra, witin ai aisa Debit Gâd dukia nani gul ni bara silbar ni diara watla nani paskan bri kata ba brih wan, bara baha sut Gâd tempelka ra dingki swin.

Impakan Sturka 25:38

bamna lamp amaika ba bara laya banhki ba sin, gul aihwa pali ba ni paskan kaia sa.

Impakan Sturka 27:3

Diara altar ra yus muni kaia dukia ba sut bras ni baman daukan kabia, yamhpus auhbaika ba, yamhpus sakaika ba, kapka tara nani ba, diara sabi alkaika alhnikira ba, masku nani auhbaika nani sut ba, bras ni paskan kabia.

Impakan Sturka 37:23

Lamp nani kahbaika 7 ba, pauta turbaika nani ba, yamhpus auhbaika ba sut, gul ni daukan.

Jirimaya 52:18

Naha diara wala nani na sin brih wan: yamhpus auhbaika nani ba, subil nani ba, diara nani klin daukan dukia nani ba, kâp tara nani ba, ispan tara nani ba bara diara watla paskan pura sunra dauki yus muni dukia nani kan ba sut kwahkan.