2 Kronikas 3:1 - DAWAN BÎLA AISKA

¹ Salaman Dawan watla ba mâkaia tâ krikan Jerusalem ra, Moria ilka ra, bahara sika Dawan ba Debit ra latan takan ba, witin ba Salaman aisika; Debit bui baha pliska ra ridi daukan Dawan watla ba mâkaia, wibia kaka Ornán Jebús uplika ba pliska kum kata, bahara plawar taya saki kan.

2 Kronikas 3:1 ပူးပေါင်းရင်းမြစ်များ

Blasi Sturka 22:14

Bara Ebraham baha ilka ba nina ba “Brin wan dauki ba, Dawan wina wankisa” mâkan. Baha mita baha yua wina naiwa kat kau ban baha ilka nina baku mâkisa: “Diara brin wan dauki ba, Dawan wina wankisa.”

Blasi Sturka 22:2

Bara Gâd bui witin ra win: —Man luhpiam waitna Aisak ba bris, luhpiam unhsak ba, man bui witin ra latwan pali kaikisma ba, bara Moria tasbaya ra taki was. Bahara wama ba ra, yang il kum mamrikamna, bara man baha ilka ra luhpiam ba angki sakripais dauki aik.

2 Samuil 24:16

Insal ba bui Jerusalem ba âpu pali daukaia takan bara Dawan kupia wirha takan, witin insal ra adar yan baku, rausauhkanka tara daukan ba, bamna insal ra win: “¡Aitani, baha kat takasks, tawan ba kau klala yapara!” Dawan insalka ba, Arauna, Jebús uplika nani wi ba, plawar mâ taya sakaika watla ba kat bâra kan.

1 Kronikas 21:18

Bamna Dawan insalka ba, Gad ra ai bîla swin Debit ra wibia Dawan altarka kum bukbia, Ornán plawar taya saki ba pliska ra.

1 Kronikas 22:1

Baha mita Debit win: “Nahara kabia, Dawan tempelka ba, aiska angki sakripaiska daukaia pliska wan Dawan ra yaia baha sut ba Israel dukia.”

1 Kronikas 6:10

Johanán ba Azarías aisika kata; Salaman tempel watla tara mâkan bara prîs aimaki kata Jerusalem ra.

2 Kronikas 3:2

Bahara watla ba mâkaia tâ krikan, lî wainhka kati lapta wâl, ai kingka lâka ba mani walhwal bri kan piua ra.

Apastil Nani Sturka 7:47

Sakuna Salaman sika Gâd watla ba paskan.