2 Kronikas 28:2 - DAWAN BÎLA AISKA

² sakuna Israel kingka yabalka nani ba alkan, bara sin bras ni lilka nani paskan Baal lilka ba,

2 Kronikas 28:2 ပူးပေါင်းရင်းမြစ်များ

2 Kronikas 21:6

Sakuna Israel kingka nani nina blikan, bara Ahab kiamka nani yabalka ra sin wapata, kan ai maya mairin ba lika Ahab kiamka kan bamna; baha mita ai daukanka ba saura kata Dawan nakra ra.

2 Kronikas 33:3

idan nani gâdka bahki watla ai aisika Ezequías sauhki tikan kata ba, kli paskan; Baal altarka kata ba paskan, Aserá lilka nani sin kli daukan; baha sut purkara slilma nani kasbrika purara ba ra mayuni priaska daukan.

Impakan Sturka 34:17

“Piu kumi sin man nani mihtam ni gâd bahki slilki paski dauki bripara pali.

Aiseya 2:8

¡Sakuna aidul nani sin banhwan sa! Upla ai mihta ni paskan gâdka nani ra mayunisa, ai mihta sirpika nani ni paskan ba.

Jirimaya 1:16

Naku sika klalka yabaia lâ daukaia sna ba, baha saura dadaukra nani ai lulki ai swin ba mapara, witin nani sika dus mâka kîa pain angki bara upla wala nani ra witin ai tasbaya wina apia nani gâdka lilka klauna paski bri kata ba, bahara ai pura suni mayunan.

Jirimaya 32:35

Baha purkara Ben-hinom ilka bîla ra sin Baal altarka nani paskan, ai luhpia waitna ai luhpia mairin nani Moloc ra sakripais dauki yaia, baku dauki yan Juda saura daukaia, diara tâski yang adar yaras lukanki ra sin âpu kan ba daukan.

Oseas 2:13

Piua luan ra, witin nani kîa yamni angki, gâd bahki nani ra yabi kan ba mana klala yabaisna, mihtadingka nani, lilura nani ni ai prana dauki, ai waitnika latwankira nani nina bliki kan, yang ra ai âuya ai tiki si. Yang Dawan, baha kasak aisisna.

Oseas 2:17

Baal nina ba, un nani wina dikamni, witin nani kli Baal nani nina mâki aisabia apia.

Libait Lâka 19:4

“Aidul nani nina bliki wapara, bras aidulka nani sin paskpara. Yang sika man nani Dawan Gâdkam.

Miqueas 1:5

Jekob uplika nani, Dawan mapara buan tâka wina naha pâtka aula; Israel luhpia nani saura daukan ba tâka mita sin. ¿Jekob mita mapara buanka daukata ba, anira sa? ¡Sameria tasbaya ra sa! ¿Dawan ra kulkras lâka ra, Jekob mita lilka bahki nani paski, bahara pura sunaia watla nani mâkan ba anira sa? ¡Jerusalem tasbaya ra sa!

Wihta Nani 2:11

Sakuna Israel luhpia nani daukanka nani ba, Dawan nakra ra saura pali baman kata, kan witin nani mahka Baal lilka sât sât nani ra mayunan.

Wihta Nani 2:13

Witin nani Dawan ba swin, Baal lilka bara Astarté lilka sât sât nani ra ai pura sunaia dukiara,