2 Kronikas 26:16 - DAWAN BÎLA AISKA

¹⁶ Sakuna ai karnika ba brin ba ra kli praut takan, baha tâka witin ra sauhki tikan. Witin Dawan ai Gâdka ra kulkras daukata, kan witin Dawan tempelka ra dimi mahka kîa yamni dukia nani ba angkan altar ra.

2 Kronikas 26:16 ပူးပေါင်းရင်းမြစ်များ

1 King Nani 12:33

Baku bamna, kati 8 aimakan yua ba sin 15 ra, sakripaiska ba altarka purara Jeroboam bui daukan Betel ra, gâd bahki ra mayunaia dukiara. Baha liliaka sika witin ai kupia ra luki si daukan ba, witin dîa want ba kat, bara Israel luhpia nani ai pura suni kaia yua kum piua yaia, baha katka bara baha yua altar ra bal kîa yamni angki yan.

1 King Nani 13:1

Jeroboam ba Betel ra kîa yamni dauki dukia nani altar purara angki kan, bara Dawan mita prapit kum blikan Juda wina Betel ra;

2 King Nani 14:10

Edom ra pura luram ba kasak kulkisna, baha mita man kupiam ra lukisma man baman sma. Aitani pain, man baman sma baku luki bas; sakuna kanra yamni kabia man watla ra takaski bâra kama. ¿Dîa kan man un pâtkam plikisma bara Juda ra sin pât ra dingkaia lukisma?”

2 King Nani 15:5

Ban sakuna, Dawan bui lipar sikniska ba wal klala yaban, bara ai yua nani aiska ra lipar sikniska brin, pruan yua ba kat. Bara witin ba utla kumi tnaya ra yaban iwi kan, king watla ra apia. Bara Jotam king luhpia ba king watla ba kaiki kan, bara tawan ba sin pura kaiki kan.

2 Kronikas 12:1

Roboam kingka lâka karna takan, bara witin ai dahra walan witin ba karna sa, bamna Gâd lâka wina tnaya ra tawan, Israel luhpia nani sut sin witin daukan baku daukan.

2 Kronikas 25:19

Man bila wisma Edom uplika nani ba sauhki tikram, baha wal man liliam brisma, bara mayunra ba kau plikisma. Sakuna kau yamni sa wamtla ra kama. ¿Dîa kan man bui klauna plikisma sauhki tikaia bara Juda ra sin pât dingkisma?”

2 Kronikas 26:15

Baha purkara Jerusalem ra war misinka sâtka nani paskan, tawer nani ra mangkan, kutbanka nani purara bara il nani purara sunan baha wina trisba lulkaia, walpa tara sin lulkaia. Ai sturka ba laihura plapi tawan, Dawan bui hilp munan bara sin karna takan kata ba.

2 Kronikas 27:2

Jotam daukanka nani ba Dawan nakra ra wapni kan, Ozías ai aisa daukan kan baku. Ban sakuna Dawan tempelka ra dimras. Sakuna upla nani ba ai saurka nani ban dauki kan.

2 Kronikas 32:25

Ban sakuna, Ezequías yamnika nani uya brin ba tingki lâka âpu, bara ai kulkanka ni aibanhwan kan, baha mita Dawan ba kasak ai kupia sauhkan witin ra, Juda ra bara Jerusalem uplika nani ra sin.

Sins Lâka 16:18

Praut lâka ninara sauhki tikan lâka sin aula; pura luaia spiritka ba ninara, kauhanka tara sin balisa.

Daniel 11:12

Witin pura luanka brin ba, bara ai waihla nani ailal pali pruan ba kaiki purara kaia lukanka ni aibanhwan kabia, sakuna ai karnika ba piua wihka wabia apia.

Daniel 8:8

“Bara guts wainhka ba piua bani kau karnakira taki kan, sakuna piua bani kau karnakira taki kan ba piua kat, ai aringka tara ba kriwan, bara baha watlika ra aringka wala walhwal pâwi bal takan, bara aringka tâ walhwal ba pâsa mapa walhwal ra tawan kata.

Abakuk 2:4

Naha smalkanka bîla ulbi bris: Upla watawikira nani ba ai prautka lâka ra iwisa; sakuna kasakkira nani ba lika Gâd ra kasak luki ba mita raya kabia.”

Kulki Kaikanka 16:1

Quehat kiamka wina Libait kum, nina ba Coré, Ishar luhpia, Ruben kiamka wina kau waitna yumhpa, nina nani ba Datán, Abiram, Eliab luhpia nani, bara On, Pélet luhpia ba,

Kulki Kaikanka 16:18

Bamna kumi bani kîa yamni angkaia dukia bri ba brin, bara angkaia watlika ra masku klauhan ba auhban bara kîa yamni nani sin, Moses bara Eran wal, tint watla, Dawan wal aisaia pliska ba ra wih buan.

Kulki Kaikanka 16:35

Baha purkara Dawan pauta klauhan blikan bara 250 upla kan ba sin angki ikan.

Kulki Kaikanka 16:7

bara baha nani masku klauhan nani auhs; kîa yamni dukia nani ba sin auhs, bara yauhka Dawan altarka ra swis. Ani waitnika ra Dawan mita bâk sâkbia ba, baha uplika sika sunukira kulkan kabia. ¡Libait nani, naha kat aitani!

Kulki Kaikanka 17:5

Bâk wahbi sakri waitnika kînka ba, yarka pâwbia, bara baha kaiki Israel luhpia nani kli maiwanra man nani dukiamra saura aisabia apia.”

Kli Smalkanka 8:14

Tara pulan lâka ni aibanhwi, Dawan Gâdkam âmya tikpara, alba kapram Idsip wina mai sakan ba.

Kli Smalkanka 8:17

“Kupiam ra lukpara: ‘Naha kukanka sut na, yawan wan karnika ni sakan.’

Kolosi 2:18

Swirka pât ra mai lakbiara baha nani bawikira lâka bri baku, insal nani ra mayuni ba; yarka prisantkam mihtam wina mai dakbi bribiara. Witin nani lika ai nakra ni kaikras dukia ba ra dimi auya, bara ai lukanka ni praut taki puskisa upla lukra ni.