2 Kronikas 20:3 - DAWAN BÎLA AISKA

³ Josafat sibrin takan bara witin Dawan ra tniwan. Bara maisa pakan Juda aiska ra plun wahwi ai pura sunbia,

2 Kronikas 20:3 ပူးပေါင်းရင်းမြစ်များ

2 Kronikas 11:16

Ban sakuna, kasak pali Dawan ra ai kupia aiska ni plikaia luki nani ba, Dawan Israel Gâdka ra, Libait prîska nani lâka nina blikan; bara Jerusalem ra wih banhwan sakripais daukaia ai almukka nani Dawan Gâdka ra.

2 Kronikas 19:3

Ban sakuna, diara yamni nani manis bâra sa tâm baikaia, kan Aserá lilka nani sut sauhki tikram tawan bilara kata ba, bara Dawan ra plikram.”

2 Kronikas 7:14

upliki nani ba yang ra bawbia kaka, yang nini ra ai pura sunbia, bara yang maiwan plikbia kaka, bara ai yabalka saura nani ba wina ai kupia lakbia kaka, yang kasbrika pura wina walamni, ai saurka nani ba swih tikamna, bara ai tasbaya ba kli pain daukamna.

Nihimaya 9:1

Baha sim katka ra lapta yua 24, Israel luhpia nani plun piras asla taki banhwan, ai kupia kriwan sari tukinka kwalka ba dimi, yamhpus ai purara yakaban;

Ester 4:16

“Bamna man, nanara was, bara Susa ra Ju nani bani wal prawma ba ra witin nani ba sut asla dauki yang dukira puram suns, plun piras bara lî sin diras kira lapta yumhpa dauks, kakna bara tihmia ra, bara yang sin baku daukamna warkki dadaukra nani ba aikuki. Baha ningkara, yang lika king mawanra wamna, lâ krikamna bara ai ikaia kaka ai ikbia si.”

Jirimaya 36:9

Bara Josías luhpia waitna Joaquim, Juda ra pat kati 9 bara mani matsip king kan, Jerusalem uplika nani Juda tawanka wala nani wina sin, kaiki plun piras Dawan ra ai pura sunaia balan.

Daniel 9:3

Bamna puri sunra bara makabanki ba sut, Dawan wan Gâdka ra aisari, plun piras, kwala almuk saura dimi, yamhpus ra sin iwi.

Joel 1:14

Upla sut ra paiws bara kaiki plun piras tânka ba, dauki banhs; tâ uplika almuk nani bara kuntri ra iwi uplika nani ba sut, Dawan tempelka ra asla dauks, bara ningkara Dawan ra puram suni banhs.

Emus 5:4

Israel luhpia nani ra, Dawan naku aisisa: “Man nani, yang ra bal, bara raya kama.

Jona 1:16

Duri wawakra nani ba baha kaikan bara Dawan ra kulkanka tara yaban bara sakripais dauki ai pura suni pramis nani daukan.

Matiu 10:28

Man nani ra mai ikaia sip nani ba ra sibrin lukpara, witin nani karnika âpu sa rayakam ban kaia ra man nani ra mai ikaia bara hil pauta ra mai sauhkaia ban kaia ra, bahara sibrin luks.

Wihta Nani 20:26

Bara Israel luhpia nani suldiarka sut tawan uplika nani sin kli Betel ra wan, bara Dawan mawanra yu aiska plun piras ai sarka tara bri inan. Dawan mawanra wîna aiska angki, kli wal wapni sakaia sakripaiska dauki Dawan ra yaban.

1 Samuil 7:6

Israel luhpia nani Mispá ra aidruban, bara lî panhki Dawan mawanra tasba ra laikan, prisant kum yabi ba natka kat. Baha yua witin kaiki plun piras, bara ai saurka Dawan mapara daukan ba dahra aisi sakan. Baha yua wina Samuil sin Israel luhpia nani wihtka aimakan.