2 Kronikas 18:5 - DAWAN BÎLA AISKA

⁵ Bara Israel kingka mita prapit nani 400 asla dauki, witin nani ra makabi walan: —¿Ramot Galaad tasbaya ba mapara war aiklabaia wamna, apia kaka wamna apia ki? Bara prapit nani ba win: —Was bara aiklas, Gâd bui king lâka ba man mihtam ra mangkbia bamna.

2 Kronikas 18:5 ပူးပေါင်းရင်းမြစ်များ

1 King Nani 12:9

Baha nani ra makabi walan: —¿Dîa kupia kraukanka yawan yabia naha uplika nani ra, kan witin nani isti ai munisa dîa wiaia sna ba, karban wirha aisiki mita yabi kan dukiara?

1 King Nani 18:19

Bamna nanara blîks, Israel luhpia nani sut Carmelo ilka ra asla takaia, Baal prapitka nani 450 ba bara Aserá gâdka prapitka 400 ba sin, baha nani ra Jezabel main kaiki plun dakaki ba.

1 King Nani 4:13

Ben-guéber, Ramot Galaad ra, witin sin Manasés luhpia Jaír tawanka nani ai mihta ra bri kan, baha ba Galaad ra sa, baku sin Argob tasbaya ba sin, baha ba Basán ra sa, tawan tara nani asla sut 60 bâra sa, baha nani ba kutban kan, prakaika ba bras bara ayan ni daukan kata;

2 King Nani 3:13

sakuna Ilaidsa bui Israel kingka ra win: —¿Yang na man wal dîa daukaia brisna ki? Man aisikam nani piua ra prapit nani kan nani ba ra wih wals. Bara Israel kingka ba baku aisin witin ra: —Apia, kan Dawan bui sika naha kingka nani yumhpa ra asla daukan, Moab uplika nani mihta ra mangkaia dukiara.

2 Kronikas 18:14

Bara witin king ra balan, bara king makabi walan: —Micaías, ¿yang nani Ramot Galaad tasbaya mapara aiklabaia wamna, apia kaka ban swi banhwamna ki? Bara Micaías win: —Was bara pura luma, bara Dawan bui tawanka ba mihtam ra mangkbia.

2 Kronikas 18:4

Sakuna kau kainara, Dawan kupia lâka pliki wals.

2 Kronikas 18:6

Bara Josafat mita win: —¿Naha tani ra nâra sa ki Dawan prapitka wala kum, yawan bui witin ra aima wala kum makabi walaia?

Jirimaya 23:14

Yang kaikri prapit nani Jerusalem ra bâra ba, diara saura pali daukisa: upla maya lâka krikisa bara upla ra taibisa, baha dauki ba mita watawikira nani ba kau tâ baikisa, upla kumi watawika lâka ba swi si tnaya ra tawras. Witin nani ba bara tawan uplika nani ba Sodoma bara Gomora uplika nani baku sa.

Jirimaya 23:16

Karnika sut bri ba, Dawan, aisisa: “Israel luhpia nani, prapit nani aisi ba walpara. Witin nani aisi ba kunin baman aisisa, witin nani luki kaiki si ban baku aisisa yakan, yang bui witin nani ra diara wiras.

Jirimaya 23:17

Yang bîli kulkaia apia aisi nani ba wisa: ‘Diara sut yamni man takbia.’ Lal karna ai kupia lukanka kat luki tniwi nani ba aisisa: ‘Man nani puramra diara saura kumi sin balbia apia.’ ”

Jirimaya 42:20

Man nani mistik saura kum daukisma man nani bal yang ra makabram, yang Dawan Gâdkam ra makabaia, man nani naku ai wiram: ‘Dawan wan Gâdka ra yang nani tâiwan man puram suns, bara witin dîa yang nani ra aisabia ba sut ai wis, baha yang nani daukamna.’

Isikiel 13:22

Man nani, kuninkam lâka ni, upla yamni nani ba sasibrira daukram, yang baha daukaia lukras katna ba, bara kli tawan taim watawikira nani ra tâ baikisma ai daukanka saura nani ba ban dauki kaia. Baku yang bui witin nani ra rayaka yabamna apia dukiara.

Miqueas 2:11

Kunin aisasara kum, upla nani ra kunin muni dahra aisi wibia: “Yang lika wain laya bara laya tahpla dukiara aisi wisna”, baha sât prapitka sika naha uplika nani na brin daukisa.

Miqueas 3:11

Lâ wihtka nani ra, lalah aibapi ai lâka pliki ba baman ra raitka yabisa, tawan wihtka nani ba, prîs nani ba sin, ai mana briaia dukiara baman smalkisa, bara prapit nani ba lalah mana baman dahra aisisa, ai raitka briaia dukiara blahwi aisisa, Dawan bui witin ra ai tâ baikisa, bara naku wisa: “Diara saura yawan ra balbia apia, kan Dawan yawan wal sa.”

2 Timoti 4:3

Kan piu kum balbia ba ra upla nani ba smalkanka yamni ba kau lika walan daukbia apia, sakuna ai brinka karna nani nina blîkbia, bara smasmalkra ailal pliki bribia, witin nani dîa walaia want ba baman baha nani mita smalkbia dukiara.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.