2 Kronikas 17:3 - DAWAN BÎLA AISKA

³ Dawan ba Josafat wal kata, kan witin ai damika Debit kau wahma kan daukan ba baku witin sin daukan bamna, Baal lilka sât sât daukan ba warkka daukras kan,

2 Kronikas 17:3 ပူးပေါင်းရင်းမြစ်များ

Blasi Sturka 39:21

Dawan ba Josep lamara kan, ai kupia yamni lâka ba ban mariki kan, bara sin daukan silak watla wihtka ba ban Josep ra yamni lukaia.

2 Samuil 5:10

Debit ba yu bani kau karnakira taki kan, bara Dawan Gâd karnakira ba sin witin wal kan.

2 Samuil 8:15

Debit lika Israel luhpia nani sut kingka aimakan bara kasakka lâka, wapni lâka kat daukan upla sut wal.

1 King Nani 11:6

Bara Salaman daukanka ba Gâd bui saura pali kaikata, kan witin ai aisa Debit baku Dawan nina kasak pali blikras kan.

1 King Nani 22:43

Bara witin ai aisika Asá yabalka nani sut ra tauki kan, tnaya ra sin tawras pali. Dawan nakra nani ra diara yamni baman dauki kan. Baha sut purkara, gâd bahki watla nani bara sakripais dauki kan upla nani bahara aidul ba sakras kan, bâra kîa yamni angki kan.

1 King Nani 3:3

Baha sut purkara Salaman Dawan ra latwan kaiki kan, Debit ai papika mita lâ nani mangki yan ba kat wapi kan. Witin sakripais daukaia ai brinka kan, kîa pain sin angki kan il nani ra.

2 King Nani 14:3

Amasías diara wapni baman daukan Dawan kaiki kan ba ra, ai damika Debit daukan pali baku lika daukras kan sakuna, ai papika Joás dîa daukan kan ba lika daukata.

2 King Nani 16:2

Ahaz ba king aimakan ba ra witin ba 20 mani bri kan, bara Jerusalem ra 16 mani king aimakan. Bara Dawan lamara diara yamni ba daukras kan ai damika Debit daukata baku,

2 King Nani 18:3

Bara witin ba diara wapni pali ba daukan Dawan mawanra, dîa ai damika Debit daukan ba kat.

2 King Nani 22:2

Josías Dawan mawanra diara kasak baman daukan, ai yabalka nani sut tilara ai damika Debit yabalka ba kat tauki kan, bara baha yabalka wina tnaya ra tawras ban wapi kan.

1 Kronikas 22:18

“Dawan Gâdkam ba man nani wal sa, bara tasba aiska ra kupia kumi lâka maikan sa, witin bui sika tasba aiska ba mihtam ra mangkan sa, bara tasba aiska na Dawan mihta ra sa bara ai upla nani ba sin.

2 Kronikas 14:11

Asá ba Dawan ai Gâdka ra ai pura sunan: “Dawan, tâ baikaia natka ba man mampa ra kumi sa swapnikira, apia kaka karnakira ra. ¡Bamna wan tâ baiks, Dawan wan Gâdka, kan yawan man ra bîla kaikanka brisa, man wan munram balan naha suldiar nani mapara aiklabaia! Man Dawan, wan Gâdka sma. ¡Mariks man mampara sip upla buaia apia ba!”

2 Kronikas 15:2

bara taki wan Asá wal prawaia, bara naku wiaia: “¡Asá, man ai wals, bara Juda bara Benjamín uplika sut! Dawan ba man nani wal sa, man nani sin witin wal sma kaka. Man nani bui witin plikma kaka, saki banhma; sakuna witin wina laihura wama kaka, witin sin mai swibia.

2 Kronikas 17:2

Bara witin suldiar nani aihwakaia swin Juda tawanka tara nani sut ra Juda tasbaya ra, bara Juda tasbaya ra bara Efraín tawanka nani sut ra suldiar takaskaia watla mâkan, witin ai aisa Asá mita aiklabi pura lui brin tawanka nani ba ra.

2 Kronikas 17:4

sakuna ai aisa Gâdka ra lika, ai bîla lâka nani ba alki dauki, Israel luhpia nani nina lika blikras.

2 Kronikas 20:32

Josafat ba kasak lâka ra, ai kingka lâka ba brih wan kata. Ai aisa Asá kan baku, ai daukanka nani ba Dawan mawanra wapni baman kata.

2 Kronikas 21:12

Baha piua Joram ba prapit Ilayas wina wauhtaya kum brin, bara bahara naku ulban kan: “Dawan Gâd, man damikam Gâdka ba, naku mai wisa: ‘Man aisikam Josafat yabalka ra wapras sma, damikam Asá, Juda kingka yabalka ra sin apia.

2 Kronikas 22:9

Bara Ocozías ra sin plikaia blikan, sakuna witin ba Sameria ra yukuwi kan, bara alki muni Jehú ra brih wan bara ningkara iki banhwan. Sakuna wîna tara ba biki banhwan, tânka bri kan baha ba Josafat luhpia kan ba, kan kasak witin Dawan ra ai kupia aiska wal plikan ba. Naku natka ra Ocozías taika kumi swiras kan, baha nani kumi sin sip apia kan king lâka karnika ba kli bukaia.

2 Kronikas 27:6

Jotam karna takan, witin Dawan nakra ra kasak wapni pali kan mita.

2 Kronikas 29:2

Ezequías daukanka nani ba sut Dawan nakra ra wapni kata, ai damika nani bara Debit sin daukan ba baku.

2 Kronikas 34:2

Josías daukanka nani ba wapni kan Dawan nakra ra, kan witin ai almukka Debit yabalka ra wapan, baha yabalka wina kitwi takras kan.

Lawana Nani 46:11

¡Dawan karnika sut bri ba yawan nani wal sa! ¡Jekob Dawanka, yawan yukuwaika sa!

Lawana Nani 46:7

¡Dawan karnika sut pali bri yawan nani wal sa! ¡Jekob Gâdka ba yawan yukuwaika sa!

Impakan Sturka 3:12

Bara Gâd pana aisi, win: —Yang lika man wal kamni, upliki nani ba sut Idsip wina brih sakram kabia ba piua ra, man nani sut baha ilka kat bal yang ra mayunra aiki kama. Baha ba yang pali mita mai blikri ba tukinka kum kabia.

Impakan Sturka 4:12

Bamna was, yang lika man wal kamna aisisma piua ra, bara mai smalkamna dîa aisaia sma ba sin.

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 8:10

Daukaia luki ba lilka dauks, kan baha ba sauhki tikan kabia; dîa lâka upla wala ra kabia want ba kat daukbia apia, kan Gâd ba yawan nani wal sa bamna.

Jirimaya 2:23

¿Man nahki ai wima: ‘Yang tâski takras gâd bahki nani ra sin mayunras’? Il bîla ba ra kaiks man tânkam daukram ba, man dîa sut daukram ba bâra sa kiamil mairin wainhka pliki plapi taukan baku taukram ba, tnaya bani ra;

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Matiu 18:20

Kan ani anira upla wâl, apia kaka yumhpa yang nini ra asla prawbia kaka, yang sin bahara witin nani lilapas kat sni.

Matiu 25:16

Alba lalah 5,000 brin ba, baha lalahka ba wal bisnis dauki kau lalah 5,000 sakan.

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

2 Timoti 4:22

Dawan Jisas Kraist man wal kabia, bara Gâd mita man nani sut ra yamnika maikbia. Baku kabia.

Jasua 1:5

Rayakam yua nani sut ra upla kumi sin man nani wal aiklabi, puram lui mai batakbia apia; yang lika man nani wal kamna, Moses wal kapri ba baku, lamamra ban kamna bara lulki mai swimna apia ban kaia ra.

Jasua 1:9

Yang sika mai blikisna kupiam karna bara bapi bûi kama dukiara. Si bripara, kupiam lukanka sin swapni takbiara, man ani anira wama ba, yang, man Dawankam bara man Gâdkam, man wal kamna.”

Wihta Nani 2:11

Sakuna Israel luhpia nani daukanka nani ba, Dawan nakra ra saura pali baman kata, kan witin nani mahka Baal lilka sât sât nani ra mayunan.

Wihta Nani 2:18

Dawan bui witin nani ai wihtka kum sakuya ba ra, baha wihta ra witin mita tâ baiki kan, bara wihta raya kan ba yua nani sut ra lika Israel luhpia nani ba waihla nani karnika ba wina dakbi pri saki kata, kan witin nani ba taiban lâka ra munan ba mita pât nani wahwi kan, ai mamna lulki ba witin wali kan, bara baha nani dukiara ai kupia swapni taki kan.

Wihta Nani 6:12

Dawan insalka ba witin ra param taki aisin: —¡Waitna karna, sibrinkas waitna, Dawan ba man wal sa!

Wihta Nani 8:33

Gedeón pruan ba ningkara, Israel luhpia nani Dawan ra mayunras kli swin. Baal lilka nani sât sât daukan bahara ai pura sunaia dukiara, bara Baal-berit ba witin ai gâdka bâk saki brin.

1 Samuil 18:12

Saúl lika Debit sibrinka bri kan, kan witin kaikan Dawan Debit ra tâ baikisa, sakuna witin ra lika apia.

1 Samuil 18:14

Dawan ba Debit wal kan ba mita, diara sut witin dauki ba tilara lilia baman bri kan.

1 Samuil 18:5

Debit diara daukaia Saúl mita adar yabi kan ba, Debit witin baha daukaia sip ba, kasak dauki witin ra mariki kan, bara Saúl mita Debit ba suldiarka nani sut wihtka mangkan. Bara suldiar wihtka nani ba suldiar nani sut baha yamni kaikan.