2 Kronikas 17:11 - DAWAN BÎLA AISKA

¹¹ Ban sakuna, kau ni filisteo nani kum kum ba prisant nani blikan, silbar ai lal mana Josafat ra bara Arabia uplika nani lika 7,700 sîp, guts nani sin 7,700 brih wan.

2 Kronikas 17:11 ပူးပေါင်းရင်းမြစ်များ

2 Samuil 8:2

Moab uplika nani ra sin pura luan, bara yan witin nani sut tasba ra aitnikan, bara kulki kaikaia kiwka brih kulki kaikan: kiwa wâl kulkanka bilara aimakan ba, ikaia pâtka ra lakan, kiwa kumi kulkanka bilara aimakan ba, ikras swin. Baku Moab uplika nani ba sin yan Debit ra bawan, bara ai lal mana sin aibapaia kan.

1 King Nani 5:1

Tiro kingka Hiram bui sin ai albika nani Salaman ra blikan. Witin walan Salaman ba Dawan lâka ra yamni munan bara ai papika Debit watlika ra king aimakata, kan Hiram bui piua bani Debit ra latwan kaiki kan.

2 King Nani 3:4

Bamna Mesá Moab kingka ba, sîp sahwi kan, bara Israel kingka ra sîp luhpia nani 100,000, sîp wainhka nani 100,000 bara taya ba wal sin lal mana aibapi kan.

2 Kronikas 17:12

Bamna Josafat kau karnakira tara pali taki auya kata. Juda ra kan kahbaika pliska nani paskan bara tawan nani diara auhbaika pliska sin.

2 Kronikas 17:5

Baha mita, Dawan ai kingka lâka ba karna daukan. Juda aiska prisant nani yabi kan, bara lalah uya brin, kulkanka sin.

2 Kronikas 21:16

Bamna Dawan bui daukan filisteo nani bara Arabia wina nani, Cus lamara iwi kan ba, ai kupia sauhki Joram mapara balan,

2 Kronikas 26:8

Amón uplika nani sin Ozías ra ai lal mana aibapi kan, bara witin ai sturka Idsip tasbaya kat wan, ai karnika ba sin uya tara takan kata.

2 Kronikas 9:14

diara wauhi atki tauki uplika nani wina lal mana bri kan ba kau kulkras, baha purara sin Arabia kingka nani bara baha tasbaya wihtka tara nani ba wina sin, gul bara silbar Salaman ra bri bali kan ba sin kau kulkras.

2 Kronikas 9:24

Bara witin nani sut wina mani bani silbar, prâk nani, aiklabaia dukia nani, diara kîa pain nani, aras nani bara muyul nani ai prisantka bri si yabi kan.

Aiseya 13:20

Baha tasbaya ra upla kli iwaia pliska âpu kabia, upla kiamka kum wina wala kat sin bahara iwi takaskan kabia apia; Arabia uplika nani sin, kli bahara utla papakni mâkan kabia apia, Sepad nani sin ai sîpka nani ba ra wabia apia.

Isikiel 27:21

Arabia bara Quedar lalka nani sut man wina baman diara atki kan: mai aibapi kan sîp luhpia nani, sîp tara nani bara guts nani ni.