2 Kronikas 16:8 - DAWAN BÎLA AISKA

⁸ ¿Etiopía uplika nani bara Libia uplika nani suldiar ailal pali bri kan, kasak karna pali kan, aras wina uli aiklabi uya pali, war waginka nani sin bri kan apia? Ban sakuna, Dawan mita mihtam ra mangkan, man bui witin ra tniwram bamna.

2 Kronikas 16:8 ပူးပေါင်းရင်းမြစ်များ

2 Kronikas 12:3

bara 1,200 wagin nani, aras ra uli aiklabi nani ba 60,000, bara war uplika kwâra tara wal, Idsip wina witin wal aula kan ba aikuki: Libia uplika nani, suquieno nani bara Etiopía uplika nani sin.

2 Kronikas 13:16

Israel luhpia nani ba Juda sîa plapata, kan Dawan bui witin nani mihta ra mangkan bamna.

2 Kronikas 13:18

Baku Israel luhpia nani ba, kasak umpira yaban takan baha piua ra, sakuna Juda uplika nani lika karna pali ai dara wali kata, kan Dawan ra kasak lukan ba mita, ai almukka nani Gâdka ba.

2 Kronikas 14:8

Asá lika Juda wina 300,000 aiklaklabra nani brin, bara Benjamín wina sin 280,000 suldiar nani brin baha nani sin trisbaya bara ai kan kahbaika nani bri kan. Witin nani sut ba kupia karna kan.

2 Kronikas 16:7

Baha piua nani ra prapit Hananí bâra kata, bara witin king Asá ra wan kaikaia, witinka Juda kingka ba, bara wiaia: “Siria kingka ba suldiarkam nani mihta wina swakwi wan, kan man Siria kingka ra tniwram bamna, sakuna Dawan Gâd ra lika tniwras kapram.

2 Kronikas 24:24

Siria wina war aiklaklabra wiria baman wan, sakuna Dawan mita baha nani mihta ra aiklaklabra daknika kau ailal mangkan, baha ai damika nani Dawanka ra lulki swin bamna. Baku Joás ra klala yabaia kan ba yan.

Aiseya 18:2

baha wina Nilo awala bâk kuntri lengstarka nani blikisa, yauhrus dusa ni duri tara nani paski lî bâk impakisa. Bîla twatwilkra nani, man nani isti was, tawan kum upla yakura taya lipni nani bara ani anira nisan wala nani mita sîa ba karnakira, prautkira nani ba tasbaya ra awala man kir bâra iwisa.

Nahum 3:9

Etiopía bara Idsip wal ba ai karnika pali kan; Libia uplika nani baku sin Fut uplika sut ba, ai aslika nani kan.