2 Kronikas 15:2 - DAWAN BÎLA AISKA

² bara taki wan Asá wal prawaia, bara naku wiaia: “¡Asá, man ai wals, bara Juda bara Benjamín uplika sut! Dawan ba man nani wal sa, man nani sin witin wal sma kaka. Man nani bui witin plikma kaka, saki banhma; sakuna witin wina laihura wama kaka, witin sin mai swibia.

2 Kronikas 15:2 ပူးပေါင်းရင်းမြစ်များ

1 King Nani 11:25

Bara Salaman yua nani sut ra, Israel luhpia nani wal ai waihla kata. Hadad mapara diara saura kum ba sika, witin bui Israel luhpia nani ra misbara kaiki kan, bara baku natka ra Rezón ba Siria ra king aimakan.

1 King Nani 18:18

Bara Ilayas win: —Yang apia trabil dauki ba, sakuna man bara uplikam nani wal, Dawan lâka nani ba swi si Baal nina ni bliki banhram.

2 King Nani 21:14

Bara upliki nani tâka takaskan ba, lulki swimna bara ai waihla nani mihta ra mangkamna, bara diara nani bri ba sut ai mihta dakbia.

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

2 Kronikas 11:12

Baha nani tilara sin yaban kata langsa nani, kaina kahbaika mihta dukia nani, bara tawanka bani ra kaina sunaika tara pali yan, baku ba mita Roboam ba bahara ai pliska brin, Juda bara Benjamín ra.

2 Kronikas 12:5

Bara prapit Semaías ba Roboam ra wan bara baku sin Juda wihtka tara nani aikuki Jerusalem ra asla taki banhwan kan ba, Sisac dimi aula ba dukiara aisi banhwan kata: —Dawan bîla man nani bui witin ra lulki swiram ba mita, witin sin man nani mai lulki swin, bara nanara man nani Sisac mihta ra mai swisa.

2 Kronikas 13:12

Damra wali banhwi bas, kan yang nani kainira Dawan ai prîska nani aikuki bâra sa, bara ridi banhwisa war trumpit ba puhbaia man nani mampara. Baha mita, Israel luhpia nani, Dawan mapara war bukpara, kan almukkam nani Gâdka sa, bara man nani sip pura luma apia.”

2 Kronikas 13:4

Bamna Abiam, Semaraim untika purara bûi kata, bara Efraín untika winan ai bîla baikra tara wal winan: “¡Jeroboam bara Israel aiska sut, ai wali banhs!

2 Kronikas 15:15

Juda aiska lilia takan, upla nani ai kupia aiska ni Dawan ra swer takan bamna, ai lukanka aiska kira Dawan ra plikan bamna, bara witin sin param takan bara kupia kumi lâka yan, ai lamara iwi tawanka nani ba wal.

2 Kronikas 15:4

Ban sakuna ai pâtka nani tilara, tawan uplika ba Dawan ra tawan, Israel Gâdka ra, bara sin plikan, witin mihta sin param takan.

2 Kronikas 20:15

bara win: “Kasak pali wali banhs, Juda bara Jerusalem uplika nani, bara man, king Josafat. Dawan bui man nani ra mai wisa: ‘Si bripara, man nani tâ iwan sin takpara baha suldiar kwâra tara ba mapara, kan naha warkka na man nani dukiam apia, sakuna Dawan dukia sa.

2 Kronikas 20:17

Naha warka na man nani aiklabaia apia sma, pliskam pliki brih banhs, sâp banhwi bas, bara kaikma nahki Dawan bui swaki mai sâkbia ba. ¡Jerusalem uplika nani bara Juda aiska uplika nani, si bripara bara tâ iwan sin takpara; yauhka witin nani mapara was, kan Dawan ba man nani wal sa!’ ”

2 Kronikas 20:20

Yapra wala titan pali ba bûi banhwan, Tecoa twiya tani upla iwras tasbaya ra impakaia dukiara. Bara Josafat ai mina ra buan, naha wiaia dukiara: “Jerusalem bara Juda uplika nani, ai wali banhs: Dawan ra bîla kaikanka bris, Gâdkam ba, bara kasak tâm baikan ba damra walma; ai prapitka nani ra bîla kaikanka bris, bara diara aiska sut yamni takbia.”

2 Kronikas 24:20

Bara Sakaraya, prîs Joiadá luhpia ba, Gâd spiritka witin ra iwan ba ra, plis prumhni kum ra uli wan bara ningkara upla nani ra win: “Gâd ba naku wisa: ‘¿Dîa kan man nani lâika bîla walras sma? ¿Man nani bui pliki banhwisma Dawan lawanka ba? ¡Man nani bui lulki ai swiram, bamna yang sin man nani ra lulki mai swimni!’ ”

2 Kronikas 26:5

Trai munan Dawan lâka daukaia Sakaraya raya kata ba ra, kan witin bui smalkan Dawan ra kulkaia ba. Bara Dawan ra luki kan ba ra pâwanka nani manis brin kata.

2 Kronikas 32:8

Witin waitna nani karnika ba ra kulkisa, sakuna yawan lika Dawan wal sa, Gâd wan tâ baikisa war aiklabaia.” Tawan uplika Ezequías aisin ba walan ba ra, ai kupia karna takan.

2 Kronikas 33:11

Baha mita Dawan bui witin nani ra brih balan, Asiria kingka war wihtka nani, bara baha nani mita Manasés ra kiulh wal alki, bara bras sînka nani wal wilkan bara Babilon ra brih wan.

2 Kronikas 33:12

Sakuna witin ai sarka tilara kan bara Dawan ra makaban, bara bawan ai almukka nani Gâdka ra.

2 Kronikas 34:3

Josías mani 8 king aimaki kan, witin ba kau wahma kan ba ra, witin ai almukka Debit Gâdka ba plikan. Bara mani 12 king aimakan ba ra, mahka idan nani ai pura suni pliska nani ba, Aserá lilka nani, aidul nani slilki paskan gâdka nani lilka ba sut slingban.

Esdras 8:22

Yang lika king ra suldiar nani aras uli nani ba makabaia swiri ai dauki kan, witin nani wan waihla nani ba mapara yabal ra wan kaina kahbi wan brih wabia dukiara, kan pat king ra wîri sa, yang nani Gâdki mita ya nani witin ra pliki ba aikuki sa, baku sin Gâd ba lulki swisa bara ai kupia baiwanka nani sin, baha nani uplika witin wina laihura taki nani ba mapara kahbisa.

Lawana Nani 34:4

Yang Dawan ra plikri, bara witin bui yang ra ai walan, bara pana yang ra aisin, yang sibrinki nani sut wina pri ai sakan.

Lawana Nani 53:2

Laih kasbrika pura pali ba wina, upla nani tasba ra ba kaikisa, ban kra upla kumi pan diara tânka kaikaia brisa sapa, upla kum pan Gâd ra pliki ba bâra sa sapa.

Aiseya 45:19

Yang yukuwi aisaras kapri, tasba ra plis tihmia kum ra dimi sin aisaras. Jekob kiamka nani ra yang wiras: ‘Man nani wih ai pliks plis kum diara âpu ba ra.’ Yang Dawan kasak aisisna, baha rait ba mai wisna.

Aiseya 51:1

“Yang ra wals, man nani kasakka lâka ra iwaia nina bliki nani sma ba, bara yang ra ai plikisma ba —Dawan aisisa—. Man nani baha walpaya ra kaiks, baha wina man nani mai klaki sakan ba, bara kaiks baha walpaya sakaika ba, baha wina man nani mai daiki sakan ba;

Aiseya 7:13

Bara Aiseya bui win: “Nanara man nani wals, Debit king watla bilara sma uplika nani. Man nani mampara diara saura sa, upla ra trabil muni swapni sakaia ba, ¿ban sakuna man nani, yang Gâdki ra sin baku munaia lukisma ki?

Jirimaya 2:17

Naha diara nani man nani puramra balan man nani ai lulki ai swiram ba tâka, yang sika Dawan, man nani Gâdkam yabal ra tampahki katna ba.

Emus 5:14

Yamni ba dauki kaia pliki bas, saura dauki kaia lika apia, bara man nani raya kama. Bara baku lika aisisma ba kasak kabia: Karnika sut pali brih Dawanka ba, man nani wal kabia.

Sakaraya 1:3

Bahamna nanara, yang bîli na upla nani ra wis: ‘Yang ra kli tawi bal, bara yang sin man nani ra tawamna. Yang, Dawan, kasak aisisna.

Kulki Kaikanka 14:42

Bamna kainamra kau wapara, kan Dawan ba man nani wal apia sa. Waihlam nani bui puram lubia.

Kulki Kaikanka 14:43

Bahara Amalec uplika nani bara Kenan uplika nani ba sin, man nani wal aiklabaia kainamra bîlam kaikisa bara mai iki âpu mai daukbia. Man nani mita Dawan ra lulkram piua ba kat auma, witin lika man nani wal apia sa.

Matiu 13:9

Man nani kiamam walaia brisma kaka, wali bas.”

Kli Smalkanka 20:1

“Waihlam mapara man nani war aiklabaia taki wama ba ra, kaikrika witin nani ba aras nani, war aiklabaia waginka nani aikuki bara war aiklabaia daknika ailal brih aula kaka, si bripara, kan man nani lika Dawan Gâdkam wal sma, Idsip wina mai sakan ba.

Kli Smalkanka 31:17

Sakuna yang kupi baiwanka witin nani purara klauhan kabia, bara yang bui witin nani ra lulki swimni. Witin nani dukiara sin lukamna apia, bara saura sari lâka nani baman balbia ai purara, bara wibia: ‘¿Yawan naha pâtka bri na, wan Gâdka yawan nani wal apia ba mita apia ki?’

Kli Smalkanka 4:29

Sakuna baha tilara Dawan Gâdkam ra pliks, kupiam aiska kira bara sulkam aiska kira, bara sâkma.

Hibru Nani 10:38

Sakuna yang upliki kasakkira ba lika, kasak luki raya iwi kabia, sakuna witin ai ninara tawbia kaka, witin dukiara lilia kamna apia.”

Hibru Nani 12:25

Baha mita, aman kaiki bas, bara witinka wan aisi ba ra walaia apia lika wipara. Baha nani ba witinka naha tasba ra Gâd dahra aisi kan ba ra walaia apia win ba, swak takras kata; baku bamna, yawan pali lika kau swak takbia apia, witinka kasbrika purara wina wan smalki wan aisi bara wan nina laki tris tawbia kaka.

Jems 4:8

Gâd lamara man nani was, bara witin lika man nani lamamra wabia. ¡Saura dadaukra nani, mihtam nani ba siks! ¡Bara man nani bui Gâd ra latwan kaikisma, bara sim piua ra tasba ra latwan kaikaia lukisma nani ba, kupiam nani sunu dauks!

Jasua 22:31

Bara Finees prîs Eleazar luhpia ba, witin nani ra win: —Nanara yang nani daira walisni Dawan ba yang nani wal sa. Bamna man nani lika Dawan mapara buras kapram, baku bamna Dawan klalka wina dakbi wan sakram.

Jasua 24:20

Man nani bui witin ba swi si, bara gâd wala nani dukia daukma kaka, Dawan ba pana saura mai munbia, bara sut sauhki mai tikbia, witin bui man nani ra diara pain manis daukan sa kuna.

Param Marikanka 2:11

¡Ya ai kiama bri ba, Spirit mita serts nani ra wi ba, pain walbia! Ya ya sip muni pura lubia ba, prura wala ba mita saura kumi sin munbia apia.’

Param Marikanka 2:17

¡Ya ai kiama bri ba, Spirit serts nani ra wi ba, witin walaia sa! Ya sip muni pura lubia ba, manâ yukukan ba wina yang mita yârika pibia; bara walpa pihni kum yabamna, bara baha walpaya ra nina raya kum ulban sa baha ba upla kumi sin kakaira apia, uplika brisa ba baman.’

Param Marikanka 2:29

¡Ya ai kiama bri kaka, Spirit bui dîa serts nani ra wi ba walaia sa!’

Param Marikanka 2:7

¡Ya ai kiama bri kaka, Spirit mita serts nani ra wi ba pain walaia sa! Ya ya sip muni pura lubia ba, raya kaia dusa Gâd paradaiska ra ba wina, yang mita yârika pibia.’

Param Marikanka 3:13

¡Ya ai kiama bri ba, Spirit mita serts nani ra dîa wi ba walaia sa!’

Param Marikanka 3:22

¡Ya ai kiama bri kaka, Spirit mita serts nani ra dîa wi ba walaia sa!’ ”

Param Marikanka 3:6

¡Ya ai kiama bri, Spirit ba dîa serts nani ra aisi ba walaia sa!’

Wihta Nani 10:13

Baku man nani ra swaki mai sakri, sakuna man nani ban yang ra ai lulki ai swiram gâd wala bahki nani ba mayunaia dukiara, bahamna yang kli man nani swaki mai sakamna apia.

Wihta Nani 9:7

Jotam baha sturka ba walan ba ra, witin Guerizim ilka purara plapi ulan, bara il pura ba wina ai bîla baikra karna wini aisin, tawan uplika nani ba sut walaia dukiara: “¡Siquem uplika nani, man nani bui yang ra pain ai wals! ¡Bara Dawan sin man nani ra baku mai walbia!

1 Samuil 12:14

Nanara diara sut man nani ra yamni wabia, yamni kulkan lâka Dawan Gâdkam ra yama kaka, dukia daukma, witin ra walma, ai lâka bîla nani wali daukma, king ba sin man nani aikuki Dawan nina blîkma kaka.

1 Samuil 12:15

Sakuna man nani lika Dawan ra walras bara ai lâka bîla nani sin wali daukras kama kaka, witin ba man nani mampara kabia, kingkam mapara sin.