Amasías Dawan lâka wina tnaya ra tawan yua ba wina, Israel aiska ba witin mapara kan, bara witin plapi Laquis ra wan; sakuna nina bliki baha tawanka kat wih iki banhwan.
Baha ningkara king Senaquerib Asiria wina ba, witin Laquis ra war dauki tauki kan, ai war uplika nani sut aikuki, bara Jerusalem ra war tâ bri uplika nani kum blikan wan, Juda kingka Ezequías, bara Jerusalem uplika aiska ra naha sturka maisa pakaia:
Amorreo nani ba Bet-horón ra plapi auya kan taim, Israel luhpia nani sîa plapi kan ba ra, Dawan ba witin nani purara ais klaswan baku yakaban, bara amorreo nani kau ailal pruan Israel luhpia nani sordka ra pruan ba wal.
Bara amorreo kingka nani matsip ba, wibia kaka Jerusalem king nani ba, Hebrón, Jarmut, Laquis bara Eglón, aikuki asla takan bara ai aiklaklabra sut asla taki wan Gabaón mapara aiklabaia.
