2 Kronikas 10:16 - DAWAN BÎLA AISKA

¹⁶ Israel luhpia nani sut kaikan king ba witin nani ra walras kan, bara pana naha bîla nani win: “¡Yang nani Debit wal diara âpu! ¡Jesé luhpia prapatika ba wal yang nani diara âpu! ¡Kumi bani wamtla ra was, Israel luhpia nani! ¡Bamna Debit ai taya nani kaina sunbia!” Bamna Israel luhpia nani sut mahka ai watla nani ra wan.

2 Kronikas 10:16 ပူးပေါင်းရင်းမြစ်များ

2 Samuil 15:13

Bîla twatwilkra kum Debit ra wan wiaia, Israel luhpia nani ba Absalón daknika ra tniwisa.

2 Samuil 16:11

Ba ningkara, witin Abisai ra bara wihta tara nani ra sin tawi, aisi, win: —Yang luhpi pali rayaki ba tikaia plikisa, bara Benjamín taika kum ba, ¡kau nahki prais saura lukisa lukisma! Swis witin nani saura ai wibia, Dawan bui witin ra adar yan kaia sa baku daukaia.

2 Samuil 20:1

Benjamín kiamka wina watawikira kum, nina Sebá bara Bicrí luhpia waitna, Guilgal ra bâra kan. Witin tawan ra maisa pakan war bukaia, bara naku witin aisi kan: “¡Jesé luhpia Debit wal yawan diara briras, wan prapatika sin âpu! ¡Bamna Israel luhpia nani sut wamtla ra was!”

1 King Nani 11:13

King lâka aiska ba dakbi sakamna apia, kiamka kum mihta ra swimni, Debit albiki ba latwanka ra, bara Jerusalem latwanka ra sin, kan baha ba yang mita bâk sakri sa bamna.”

1 Kronikas 17:14

sakuna ban kaia ra karna daukamna, yang waitla ra bara kingki lâka ba mapara sin, ai king iwaika ba ban kaia ra ban kabia.’ ”

2 Kronikas 10:17

Roboam Israel luhpia nani Juda ra kan piua ra witin baha nani purara ban king aimaki kan.

2 Kronikas 10:19

Bara baku sika Israel luhpia nani ba Debit watla mapara bûi dakwi takan, naiwa yua ba kat ban sa.

Lawana Nani 132:17

Bahara yabrika, Debit karnika kum pâwi takbia. Lamp kumi pat ridi daukri sa, king pliki sakri ba dukiara.

Lawana Nani 76:10

Bara upla kupia baiwanka nani baman mayunra ra lakisma; witin nani ai waihla pali nani ba sin kraunkam takisa.

Aiseya 11:1

Jesé plamaika ba wina, tnawa kum bal takbia, wakia nani ba wina sin tnawa urhwi takbia.

Emus 9:11

“Debit tintka watla kauhan ba, kli bukaia yua ba aula. Tnaya kutbanka ra unta takan ba paskamni, slingwanka nani ba sin bukamna, witin raya kan piua ra kata ba baku kli paskamni.

Luk 19:14

Sakuna ai kuntrika uplika nani mita misbara kaikan, bara witin ninara upla nani bliki, maisa paki, win: ‘Yang nani want apia sna naha waitnika wan kingka kabia.’

Luk 19:27

Bamna waihli nani yang ai kingka ai briaia apia win ba, nahara brih bal, maiwan kat sut iki banhs.’ ”

Jan 6:66

Baha piua wina, upla manis Jisas nina bliki kan ba mahka swin, bara kli sin witin wal taukras kata.

Jan 7:53

Baku bamna, kumi bani mahka ai watla ra wan.

Apastil Nani Sturka 2:30

Ban sakuna, Debit lika prapit kum kata. Bamna witin pain pali kaiki kan, Gâd swer taki kira witin ra pramis munan tânka ba, nahki ai kiamka ba wina kumi ai iwaika ra iwbia.

1 Korint 15:25

Kan Kraist ba king kaia sa, Gâd mita ai waihla nani sut ai mina nani munhtara mangkbia ba kat.

Param Marikanka 22:16

“Yang Jisas, insalki blikri sa, serts nani ra naha sut param saki wiaia. Yang sika king Debit plamaika bara kiamka ba; yang sika titan slilmika ingnikira ba.”

Wihta Nani 8:35

Bara witin nani ai kupia pihni bara tingki lâka sin marikras kan Jerubaal ra, wibia kaka Gedeón watla uplika nani ra, yamnika nani uya pali daukan kan sakuna.

1 Samuil 20:27

Sakuna yu wala ra, lilia ba pat yu wâl dauki kan, Debit iwaika ban bîla baman bâra kan. Bara Saúl ai luhpia Janatan ra makabi walan: —¿Dîa kan Jesé luhpia ba nahwala plun piaia balras kan, naiwa sin balras ba?

1 Samuil 22:13

Saúl witin ra makabi walan: —¿Dîa muni man Jesé luhpia wal maipara buisma? Man bui witin ra brit yaram, sord sin kum, bara Dawan wal sin aisi Debit dukiara tânka plikram, witin bui yang maipara buaia bara ai kutbi kir ikaia plikisa nanara.

1 Samuil 22:7

Saúl wihta tara nani ra win: —Benjamín waitnika nani, yang ra wals: ¿Man nani lukisma Jesé luhpia ba tasbayam bara wainkam nasla nani maikbia, bara man nani sut sin wihta tara nani, kiaptin nani mai mangkbia ki?

1 Samuil 22:9

Bamna Doeg, Edom wina ba, Saúl wihtka tara nani tilara bâra bûi kan ba, naha bîla nani aisi witin ra win: —Jesé luhpia ba yang kaikri Nob ra wan Ahimélec wal aisaia, witinka lika Ahitub luhpia ba.