2 Kronikas 1:4 - DAWAN BÎLA AISKA

⁴ Ban sakuna, Gâd lâka auhbaia watla ba lika Debit mita tintka watla mâki baha bilara bri si swin kan Jerusalem ra, witin baha ba Quiriat-jearim wina bri balan kata ba.

2 Kronikas 1:4 ပူးပေါင်းရင်းမြစ်များ

2 Samuil 6:17

Dawan lâka auhbaia watla ba brih wan bara ai pliska ra mangkan tint watla bilara, Debit bui pliska pat ridi daukan ba kat. Baha ningkara, kli wal wan uplika takaia lâka ba Dawan lamara daukaia dukiara, daiwan wîna aiska angkan sakripais nani sin daukan,

2 Samuil 6:2

Juda tasbaya Baalá wina, witin nani ai daknika aiska buan, Gâd lâka auhbaia watla ba saki brih waia, Dawan karnika sut pali bri ba nina ra ai pura suni ba, kirubin nani purara ai kingka lâka bri ba.

1 Kronikas 15:1

Debit Tawanka ra Debit bui utla nani yan paskan, baku sin Gâd lâka auhbaia watla ba dukiara plis kum ridi daukan, bahara tint watla kum sin bapan.

1 Kronikas 15:12

bara witin nani ra win: “Man nani ba Libait taika nani lalka nani sma, lâ ba kat sunu taki banhs tamya nani sut aikuki; baku mika sip kabia Gâd lâka auhbaia watla ba brih balaia, Israel Gâdka ba, baha pliska ridi daukri ba ra.

1 Kronikas 15:3

Ningkara Israel luhpia nani sut Jerusalem ra asla daukan, Gâd lâka auhbaia watla ba pliska ridi daukan ba ra brih waia dukiara.

1 Kronikas 16:1

Gâd lâka auhbaia watla ba bri si tint watla ra dingkan, baha sika Debit bui daukan kata baha dukiara. Ningkara daiwan wîna angki, kîa yamni dauki kan, Dawan wal kli uplika takan lâka ba dukiara.

2 Kronikas 5:2

Bara Salaman Israel almuk nani asla daukan Jerusalem ra, kiamka bani lalka nani ba, bara Israel luhpia nani watla uplika tâ bri nani ba sin, baha lika Dawan lâka auhbaia watla ba Saion wina Debit Tawanka ra lakaia dukiara.

2 Kronikas 6:2

Sakuna yang tempel kumi paskri man bahara iwaia, man bahara ban kaia ra iwi kaia.”

Jasua 9:17

Bara witin nani baha uplika nani ninara nina bliki taki wan. Yu yumhpa wapan bara tawanka nani ra wan, baha nani sika: Gabaón, Quefirá, Beerot bara Quiriat-jearim kat wih diman.