2 Kronikas 1:11 - DAWAN BÎLA AISKA

¹¹ Dawan pana Salaman ra win: “Yang upliki nani kingka mai mangkri bara baha ba kupiam lukra brinkam sa, man yuyakira takaia makabras sma, pramna tara briaia sin apia, mai kulkanka tara maikbia makabras sma, waihlam nani ikaia sin makabras sma, man mani ailal tasba ra raya kaia sin makabras sma, ban sakuna sins lâka bara diara tânka briaia baman makabisma yang upliki nani na tâura aimaki tâ brih impakaia dukiara;

2 Kronikas 1:11 ပူးပေါင်းရင်းမြစ်များ

1 King Nani 10:24

Upla nani ba brin dauki kan Salaman ra kaikaia, bara sinska lâka Gâd mita yan ba sin walaia.

1 King Nani 3:28

Bara Israel aiska king lâ daukan ba walan, bara king ra sibrin taki banhwata, kan kaiki banhwan Gâd wina sinska lâka brin lâ kasak ba aisi daukaia dukiara.

1 King Nani 8:18

Ban sakuna, Dawan bui aisiki Debit ra win: ‘Tempel kum yang nini ra mâkaia kupiam ra brisma ba, baha sât lukanka brisma ba yamni sa;

1 Kronikas 28:2

Bamna Debit ai mina ra bûi bara win: “Yang ra ai wals, muihki nani bara upliki nani sin: Yang luki kapri Gâd lâka auhbaia watla ba pliska kum paskaia, bara bahara swika ban bâra kaia, bara baha pliska ra sin Dawan ai king iwaika bribia. Baha paskaia dukiara diara sut pat aitani kat wapni daukri kan.

2 Kronikas 1:12

maikisni sins lâka bara diara tânka kaikaia sinska nani; baha purkara yuya ailal maikamni, diara wala nani sin ailal, prana aiska ba sin bara kulkanka lâka sin, man kainamra king nani bâra kan ba sin briras kan ba, man ninamra aula nani ba sin bribia apia.”

Sins Lâka 14:8

Sinska lâka ba, sinskira ra yaban ai daukanka tânka brisa, sakuna sinskas ba ai sinskas ba mita kunin munisa.

Sins Lâka 23:7

Witin ai lukanka ra dîa luki ba witin ba baku sa; mai wisa bal piaia, diaia, sakuna ai kupia ba man wal apia sa.

Sins Lâka 8:15

Yang ra sika tingki ai wiaia sa, king nani king aimaki ba, wihta tara nani sin ai raitka ba, adar nani sin ulbi ba.

Apastil Nani Sturka 5:4

Baha tasbaya kau wauhi atkras kapram piua ra man dukiam kan, nanara wauhi atkram na piua ra lalahka ba sin man dukiam sa. Bamna kaiks, ¿dîa muni baku daukaia kupiam ra lukram? Gâd ra sika man kunin munisma ba, upla ra lika apia.

Hibru Nani 4:12

Kan Gâd bîla ba rayaka brisa, bara karnika sin brisa. Baha ba sika sord mala napa wâl bri ba sut purkara kau mala sa, bara wan sulka bara wan spiritka biara pali ba kat dimi wisa, wan lukutbaika bara wan dusa bîla kat sin. Baha bîla ba mita wan kupia lukanka nani ba bara dîa daukaia luki ba sut sin klir pali sakisa.

Jems 3:13

Man nani tilamra upla sinskira bara diara tânka kakaira kum bâra sa kaka, latan marikbia witin wapni tauki ba lâka ni, ai sinska mita bawikira lâka yabi ba ni.

Jems 3:17

Sakuna Gâd wina sinska lâka bri uplika nani ba, tâura ai rayaka ba sunu brisa; baha ningkara, kupia kumi lâka brisa, upla ra pain munisa, bara diara tânka kat dauki uplika nani sa. Umpira lâka brisa bara ai uplika ra yamni munisa; witin nani kasak kat daukisa kunin lâka âpu.

1 Samuil 16:7

Sakuna Dawan bui witin ra win: “Mawan painka ra kaikpara, ai pâwanka ra sin apia, baha sut ba yang bahki kulkri sa. Yang lika waitna diara kaiki ba baku kaikras; upla lika mawan painka ra bamna kaikisa, sakuna yang lika kupia kat kaikisna.”