2 Kronikas 1:10 - DAWAN BÎLA AISKA

¹⁰ Baku bamna, nanara sins lâka aik bara diara tânka briaia ba sin, bara baku yang sip kamna naha uplika nani tâ briaia, ¿kan man uplikam ailal pali na ya mita wihtka aimaki kabia?”

2 Kronikas 1:10 ပူးပေါင်းရင်းမြစ်များ

2 Samuil 5:2

tânka pali ba kat lika, Saúl ba wan kingka, sakuna kasakka tânka ba kat man sika Israel luhpia nani tâ bri kapram war ra. Ba purkara, Dawan sin man ra pramis maikan, man sika Israel tâ bri pura wihtka aimakaia.”

1 King Nani 3:9

Baku bamna, aik kupi ra sins lâka, bara baku lika sip kamna tâ briaia uplikam lâka wapni kat aisi dauki kaia, saura yamni ba tânka pain bri kaia. ¿Bamna uplikam nani ailal pali na ya sip kabia ki tâ briaia?”

1 Kronikas 22:12

Dawan bui diara tânka briaia lâka bara sins lâka ailal maikbia, witin bui Israel kingka mai mangkbia yua ra, bara Dawan Gâdkam lâka nani sut ba kulki kama.

Lawana Nani 119:34

Diara tânka briaia ba aik, bara man lâmka ba alki bri kamni, ¡bara kupi aiska ni daukamni!

Lawana Nani 119:73

Mihtam ni ai daukram bara sin ai paskram; sins lâka aik, bara man lâmka bîla nani lan takamni.

Sins Lâka 4:7

Diara sut purkara, sins lâka ba alki bri bas, bara lâ wapni aisi dauki ba sin.

Sins Lâka 8:15

Yang ra sika tingki ai wiaia sa, king nani king aimaki ba, wihta tara nani sin ai raitka ba, adar nani sin ulbi ba.

Kulki Kaikanka 27:17

bara tâ brih wabia ani ani sut ra, baku mika sîp sepadkas baku kabia apia.

2 Korint 2:16

Tanis tiwi uplika nani ba mapa ra lika, baha dus nani angkan kîa painkira ba prura kîa; sakuna swaki saki uplika nani mapa ra lika baha rayaka kaia kîa yabisa. ¿Bara ya baha mapara sip kabia?

2 Korint 3:5

Yang nani karniki ni diara daukaia sip sna ba mita lika apia sika; sakuna, Gâd ba mita sika yang nani diara sut daukaia sip sna ba.

Kli Smalkanka 31:2

“Yang 120 mani brisna, bara yang karnika âpu sna kau namhpa namhpa taukaia. Ba purkara Dawan mita ai win, yang Jordan awalka ba luamna apia.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.