2 Kronikas 1:1 - DAWAN BÎLA AISKA

¹ Salaman, Debit luhpia ba, Dawan wina tâ baikanka brin, witin ai kingka lâka ba karna bri kaia dukiara, bara ai karnika ba tara pali takan kata.

2 Kronikas 1:1 ပူးပေါင်းရင်းမြစ်များ

Blasi Sturka 21:22

Baha piua nani ba tilara Abimélec Ebraham wal sturi kum aisaia wan. Ficol sin witin wal wan, witin lika suldiar kiaptinka ba. Bara Abimélec bui Ebraham ra naku win: —Yang nani kaikisna man lika diara nani sut daukisma ba, Gâd bui tâm baikisa.

Blasi Sturka 39:2

Sakuna Dawan Josep wal ban kan bamna, ai mapara diara sut yamni baman taki kan, witin ai dawanka Idsip waitnika ba watla ra iwi kan ba yua nani ra.

Blasi Sturka 39:21

Dawan ba Josep lamara kan, ai kupia yamni lâka ba ban mariki kan, bara sin daukan silak watla wihtka ba ban Josep ra yamni lukaia.

Blasi Sturka 39:3

Ai dawanka ba baha tânka brin, Dawan ba Josep wal ba mita witin diara sut dauki ba yamni baman taki kan.

1 King Nani 2:12

Bara Salaman ai aisika Debit king iwaika ra iwan, bara ai king lâka ba ban kan sip lakras.

1 King Nani 2:46

Baha ningkara Joiadá luhpia Benaías ba blikan wan bara Simí ra sabi ikan. Baku king lâka ba Salaman mihta ra baku ban kaia lâka ra wan.

1 Kronikas 17:8

Yang lika man wal katna ani ani ra waram piua ra, waihla nani man mampara balan ba sut âpu daukatna, ninam ba sin purara bukri, naha tasba ra tara kulkan uplika nani ba baku.

1 Kronikas 22:11

Bamna nanara, luhpi, Dawan ba man wal kabia bara tâm baikbia Dawan Gâdki tempelka kumi mâkaia, witin aisin ba kat man bui daukma.

1 Kronikas 29:23

Bamna king Salaman ba, Dawan king iwaika ra iwan ai aisika Debit watlika ra, bara uya pali tara takan, Israel luhpia nani bui sin ai bîla wali kata.

1 Kronikas 29:25

Bamna Dawan bui Israel luhpia nani mawanra, Salaman ba tara pali bukan kata, ai kingka lâka prana ba, witin ai kainara kau king wala nani ba briras kata.

1 Kronikas 29:30

Ai kingka lâka dukiara, ai karnika aiska bri kan ba, dîa dîa witin ra takan ba, Israel ra bara kuntri wala nani ra takan sturka ba sin.

2 Kronikas 32:23

Baku bamna, upla ailal ai prisantka nani Jerusalem ra brih wan Dawan ra yabaia, diara mana tara dukia nani Ezequías, Juda kingka ra sin prisant yan. Baha piua wina witin ai nina ba tara kulkan nisan nani wala mawanra.

Impakan Sturka 3:12

Bara Gâd pana aisi, win: —Yang lika man wal kamni, upliki nani ba sut Idsip wina brih sakram kabia ba piua ra, man nani sut baha ilka kat bal yang ra mayunra aiki kama. Baha ba yang pali mita mai blikri ba tukinka kum kabia.

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Jasua 3:7

Bara Dawan Jasua ra win: “Naiwa wina, piua bani yang bui maikrika Israel luhpia nani mawanra, man diara kau tara nani dauki kama. Bara baku witin nani kaikbia yang lika man wal sna, naipakan Moses wal kapri ba baku.