2 Korint 9:15 - DAWAN BÎLA AISKA

¹⁵ ¡Gâd ra tingki wip, kan witin diara uya tara pali wankan sa, sip aisi tnata alkaia apia praiska kat!

2 Korint 9:15 ပူးပေါင်းရင်းမြစ်များ

1 Kronikas 16:35

Witin ra wi banhs: ¡Dawan swaki wan sasakra sma ba, swaki wan sâks! ¡Kiamka wala tila ba wina wahbi wan sâks, baku mika ninam sunukira ra mayuni banhwamna, liliakira sin mamyuni banhwamna!

1 Kronikas 16:8

“¡Dawan ra tingki wi banhs! ¡Ai nina mâki wins! Ai uplika nani ra yas kaikbia ai warkka nani ba.

Lawana Nani 30:12

Bahamna man Dawanki, yang Gâdki, yang sip sâp kamna apia: ¡lawana aiwanamni man ra mamyunaia bara tingki mai wimni ban kaia ra!

Lawana Nani 30:4

Man nani, Dawan uplika kasakkira nani, ¡Dawan ra lawana nani aiwans! ¡Ai nina holikira ba, man nani mayuns!

Lawana Nani 92:1

Dawan Laih Purara iwisma ba, ¡nahki painkira sa man ra tingki mai wiaia ba, man ra mai kulkaia bara lawana sin aiwanaia bal!

Aiseya 49:6

Witin wisa: “Baha ba aitani apia sa, man ba yang duki dadaukra baman kaia Jekob kiamka ba bukaia baman bara sin Israel tâka kau bâra ba, kli bri balaia baman ba dukiara apia; yang mai daukamni man ba nisan nani ingnika kaia, yang bui upla swaki sakisna ba lâka, man tasba aiska ra brih waia sma.”

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Luk 2:14

“¡Gâd ra mayunan kabia laih purara! ¡Kupia kumi lâka tasba ra, witin mita yamni kaiki uplika nani tilara!”

Luk 2:38

Baha sim piua ra Ana sin bal diman, bara Dawan ra tingki win. Ningkara, tukta Jisas dukiara mahka aisin, baha nani Jerusalem pri sakan kabia bîla kaikan sut ra.

Jan 1:16

Yang nani sut witin ai yuyaka tara nani ba wina, yamnika sât sât nani bri banhri sa.

Jan 3:16

“Bamna Gâd tasba ra uya latwan kaikan, bara witin mita ai Luhpia kumi baman bri kan ba yan; bara baku mika ani uplika witin ra kasak lukbia ba, sut pali tanis tiwbia apia, sakuna raya ban kaia lâka ba bribia.

Roman 5:15

Bamna Adam swakwanka ba sip apia sa, Gâd prisant wanki dukia ba wal prakaia. Upla kum swakwanka ba mita upla ailal pruan; sakuna swaki sakan lâka Gâd mita mana âpu wanki ba upla kumi bâk, naha sika Jisas Kraist, baha ba lika kau tara pali sa bara upla ailal mapa ra sin hilp kum.

Roman 6:23

Saurka ba mita mana baku wanki ba lika prura, sakuna Gâd wina prisantka ba lika, raya ban kaia lâka Kraist Jisas wan Dawan wal asla.

Roman 8:32

Gâd ai Luhpia pali ba sin wankaia apia wiras, sakuna yawan sut wan mata ban prura mihta ra mangkan; bamna, ¿nahki yawan na witin ai Luhpia wal asla diara sut ba wankras kabia ki?

1 Korint 15:57

¡Sakuna Gâd ra tingki pali, witinka mita wan Dawan Jisas Kraist bâk pura luaia lâka wanki ba!

2 Korint 2:14

¡Sakuna Gâd ra tingki kabia! Kan witin mita Kraist Jisas ra wan praki yawan na pura lalura nani wan daukisa, bara yawan bâk sin ai smalkanka ba latan marikisa, bara baha ba kîa damni pain kum baku tasba aiska ra kiawalisa.

2 Korint 9:11

Baku mika man nani kupiam pihni lâka ra diara manis yaia bri kama. Bamna yang nani mihtik, baha lalah sakan blikuma ba dukiara wan muihni nani Gâd ra tingki wibia.

2 Korint 9:14

Bara witin nani sin man nani dukiamra ai pura sunbia, uya latwan sin mai kaikbia, Gâd latwanka lâka ba man nani bâk kaikan bamna.

Epesus 5:20

Piua bani diara sut dukiara, Gâd Aisa ra tingki wi bas, wan Dawan Jisas Kraist nina ra.

Jems 1:17

diara pain bara kasak nani ba, kasbrika pura ba wina balisa; Gâd kasbrika pura ingnika nani paskan ba mita wankisa. Gâd lika piua bani ban kaia ra ban bâra sa, bara witin mita dista kumi ni sin yawan ra wan madiskras sa.

Param Marikanka 4:9

Bara diara rayakira nani ba mayunra, prana bara tingki sin king iwaika ra iwi ba ra yabuya piua bani, witinka ban kaia ra ban raya ba,