2 Korint 8:9 - DAWAN BÎLA AISKA

⁹ Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.

2 Korint 8:9 ပူးပေါင်းရင်းမြစ်များ

Aiseya 53:2

Dawan ba ai brinka sa ai dukia dadaukra ba, dus disang swap pâwi ba baku pâwaia ai wakia tasba lâwan ra alki ba baku. Mawan painka âpu, prana sin âpu; yawan bui witin ra kaikbia ba ra, yamni kaikaia tânka âpu kabia;

Aiseya 62:1

Saion ra latwan kaikisna bamna, bîli prakamna apia; Jerusalem, latwan mai kaikisna bamna, ris brimna apia pura luram ingnika bal takbia ba kat, swaki mai sakan lâka ba lamp ami ingnika baku ambia ba kat.

Aiseya 65:8

Dawan aisisa: “Wain mâ ba laya pain alkan bara upla baha swin aisawras, kan witin nani baha wina wain manis sakaia sip sa. Bara yang sin albiki nani ra latwan kaiki baku daukamna, nisan nani ba sut âpu daukamna apia.

Matiu 17:27

Sakuna yawan upla kumi ra sin kupia sauhkaia want apia, baku bamna, man lakun ra was, kiulh ba lulki, bara pas inska pibia ba bris. Baha inskika bîla ra lalah mâ kum sâkma, bara baha ba aitani kabia tempel lal mana yang aibapaia sna ba bara man mamna sin; bri si baha nani ra aibaps.

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Matiu 8:20

Jisas bila pana win: —Sikiski nani ba ai dimaika nani brisa, daiwan tnawira nani ba sin ai watla nani brisa; sakuna Upla Luhpia ba lika ai lal kahbaika sin âpu sa.

Mark 6:3

Kan naha lika kiamda ba sika, Meri luhpia, bara Jems, Josep, Juda, bara Saiman muihnika, bara ai lakra nani sin wan tilara takaskisa. Bara witin ra saura lukan.

Luk 16:11

Bamna naha tasba dukia saura nani wal sip pain apia sma kaka, ¿ya mita sip kabia diara manira nani ba mihtam ra mangkaia?

Luk 2:7

Bahara witin ai luhpia waitna tawahkia ba aisuban, bara kwala ra karbi, daiwan pata watla ra tnikan, witin nani hutil ra takaskaia plis âpu kan bamna.

Luk 8:3

bara Cuza maya mairin ai nina ba Juana, waitnika ba lika Herod watla ra klark kata; wala ba Susana, bara mairin wala nani sin uya; witin nani lika Jisas ra bara disaipil nani ra dîa diara bri kan ba wina hilp muni kata.

Luk 9:58

Jisas pana win: —Sikiski nani ai watla nani brisa, tnawira nani sin ai watla nani brisa; sakuna Upla Luhpia Waitna ba lika ai lal kahbaika sin briras sa.

Jan 1:10

Baha Bîla ba naha tasba ra kan; Gâd mita witinka bâk naha tasba na paskan, sakuna naha tasba ra iwi nani ba mita witin ra kaikras kan.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 1:17

Gâd mita lâ ba Moses bâk yan kata; sakuna latwan lâka bara kasak tânka ba lika, Jisas Kraist bâk baman lika sip kata.

Jan 12:30

Bara Jisas baha uplika nani ra win: —Baha bîla baikra wali banhram ba lika, yang dukira apia sa, sakuna man nani dukiamra sa.

Jan 16:15

Diara sut Aisa bri ba yang duki sa; baha mita sika mai wîri, Spirit ba yang duki wina bribia, bamna man nani ra latan mamrikbia.

Jan 17:19

Witin nani dukiara, yang rayaki aiska na man mihtam ra mangkisni, bara baku mika witin nani sin diara kasak ba mita holikira sakan kabia.

Roman 11:12

Bamna, Ju nani mina prukanka, swakwanka ba mita tasba aiska na hilp brin kaka, bara witin nani mâyara tawan ba mita Ju apia uplika nani sin hilp brin kaka, ¡Ju nani kli tawi dimbia bara nahki kau hilp bribia lukisma!

Roman 15:3

Kan Kraist pali sin ai kupia lâka baman plikras kan; sakuna, Ulbanka dîa aisi ba kat ai mapara takan: “Baha nani mita saura mai wi kan nani ba yang purira kauhan sa.”

Roman 5:8

Sakuna Gâd ai latwanka tara ba wan marikisa: yawan kau upla saurakira nani kan, sakuna Kraist lika wan tâwan pruan.

Roman 8:32

Gâd ai Luhpia pali ba sin wankaia apia wiras, sakuna yawan sut wan mata ban prura mihta ra mangkan; bamna, ¿nahki yawan na witin ai Luhpia wal asla diara sut ba wankras kabia ki?

1 Korint 1:4

Piu bani man nani dukiamra Gâd ra tingki wisna, Kraist Jisas bâk man nani ra, witin ai kupia yamni lâka maikan ba.

1 Korint 15:47

Pas upla tasba yuya ni paskan kan ba tasba wina kan; waitna wala witinka ba kasbrika pura wina sa.

2 Korint 6:10

Yang nani sari bri baku, kuna piua bani lilia sna; yang nani lika umpira, sakuna upla ailal yuyakira daukisna; ban kra yang nani diara âpu baku sna, sakuna diara sut bri banhwisna.

Epesus 2:7

Naha daukan ba ni wan marikisa, witin naika piua ra latwan tara wan kaiki kabia ba, bara yawan ra ai kupia pihni lâka ba lika Kraist Jisas ba mita baman.

Epesus 3:19

Bahamna, puri sunisna baha latwanka lâka tânka ba man nani brima, baha tânka ba kau tihu sa tânka wala sut kaikan wan dauki ba wal, bara baha mita Gâd latwanka lâka ni aibanhwan pali kama.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Kolosi 1:24

Bamna nanara lilia sna, man nani tâmwan pât wahwisna ba, kan naha natka bâk, yang wîni tara ra kaikisna Kraist pât wahwanka nani kau âpu ba ai sertska dukiara, witin ai wîna tara ba.

1 Timoti 6:18

Witin nani ra smalki wis, diara pain ba daukbia, bara wark yamni nani mapara yuyakira taki kabia, bara wilin kabia dîa bri nani ba upla wala nani aikuki yui briaia.

Hibru Nani 1:2

bara nanara naha tnata yua nani na ra lika, witin mita ai Luhpia bâk wan aisin sa. Naha Luhpia na bâk Gâd mita tasba nani na paskan, bara diara nani sut ba witin mihta ra swin sa.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

Param Marikanka 2:9

Man pât nani wahwisma bara umpira sma ba sut yang kaikisna, man lika yuyakira sma sakuna. Witinka nani ai nina Ju mâki ba bara mampara saura aisi ba sin kaikisna, sakuna baha nani lika Ju apia sa; baha nani lika Sitan daknika uplika nani sa.

Param Marikanka 21:7

Bamna ani uplika nani sip muni pura lui bubia ba, naha sut ai dukia bribia; bara yang na witin nani Gâdka kamna, bara witin nani ba yang luhpi nani kabia.

Param Marikanka 3:18

Baha mita, man ra mai smalki mai wisni, yang wina gul pauta ra pain pali slilkan ba atkma, bara baha mita kasak pali yuyakira kama. Yang wina sin kwala pihni atks, bara wînam kwala âpu swiram kira ba dimaia. Yang wina sin wan nakra saika atks, bara namkra diara kaikaia sip kama.