2 Korint 8:8 - DAWAN BÎLA AISKA

⁸ Yang naha na adar baku pali lika man nani ra mai wiras; sakuna want sna upla wala nani diara karna dauki ba man nani kaikaia, bara praki kaikma man nani latwanka lâka ba aitani kat brisma sapa.

2 Korint 8:8 ပူးပေါင်းရင်းမြစ်များ

Isikiel 33:31

Baku bamna, upliki ba aula Dawan lamara, bara bal iwbia, ai natka ba baku, bîlam ba walaia. Kuna walan daukras. Kli kli aisisa latwan lâka lawana ba baku, kuna ai kupia ba lika lalah ninara auya sa.

Roman 12:9

Latwan kaiks kasak tânka ra wal pana pana. Saura lâka ba misbara kaiks, kuna diara pain ba nina blîks.

1 Korint 7:12

Wala nani ra yang pali wisni, Dawan lika apia: wan muihni kum ai maya mairin kum brisa, bara mairka ba lalukra apia sa, sakuna ai kupia kumi luki waitna ba wal ban brih iwi kaia lukisa kaka, wan muihnika ba mairka ba ra swiaia apia sa.

1 Korint 7:25

Bara marit takras uplika nani ba dukiara lika, Dawan wina lâ kumi sin briras sna; sakuna yang dîa lukisna ba aisuna, Dawan mita umpira ai kaikan ba mita upla kasak kum baku.

1 Korint 7:6

Naha na adar baku lika mai wiras sna, sakuna hilp kum baku.

2 Korint 6:6

Yang nani rayaki klin ba wal sin latan marikisna, diara kasak ba tânka kaikaia lâka ra, wan kupia takaskaia lâka bara umpira kaikan lâka ra, Spirit Holikira yang nani tani ra ba mita, wan latwanka lâka kunin âpu kira ba mita sin,

2 Korint 8:10

Man nani painkam ba tâwan, yang brinki aiska ba naha dukia kat mangkuna. Mani luan piua wina man nani pain pali dauki kapram, bara baman apia, kuna daukaia kapram ba karnikam aiska ni daukram.

2 Korint 8:24

Bara serts nani ba yaka pain kaikaia dukiara, man nani mita kasak pali latwan kaikisma ba latan pali mariks, bara man nani dukiamra yang nani aitani âiyapah banhwi kaia sna ba sin.

2 Korint 9:2

kan man nani kupiam wilin ba tânka param kaikisna. Baha dukiara kupi aiska ni Macedonia tasbaya aiska ra aisisna, nahki man nani Acaya uplika nani ba, mani luan wina ridi pali banhwisma hilp munaia; bara Macedonia uplika nani aihkika prais man nani ra mai kaiki karna taki buan.

2 Korint 9:7

Upla bani dîa yaia ai kupia ra lukan ba kat yaia sa; saura luki baku taiban lâka ni lika apia, kan Gâd mita latwan kaikisa liliakira ni yabi uplika ra.

Epesus 4:15

Kau pain sa, latwan lâka spiritka ni yawan diara kasak baman aisi kaia, diara sut ra Kraist wal asla taki pâwi kaia sa, kan witinka sika wîna tara aiska lal ba.

Epesus 6:24

bara Gâd mita wan Dawan Jisas Kraist ra, latwan kaiki uplika nani sut ra yamni munbia, latwan lâka kum sip aihka takras ba wal.

Hibru Nani 10:24

Bara yawan pana pana wan walka nani ra hilp munaia trai kaikaia sa, latwan lâka bri kaia bara diara yamni nani sin dauki kaia.

Jasua 24:14

—Naha sut ba mita, man nani bui Dawan ra pain kulks, bara ban kasak ai dukia dauks kupiam wina, bara ai lâka aiska kulks. Damikam nani gâd bahki nani ra Éufrates awalka un ra bara Idsip ra mayuni kata ba wina dakwi taks, bara Dawan dukia dauki banhs.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.