2 Korint 8:23 - DAWAN BÎLA AISKA

²³ Upla kumi Taitus dukiara makabi walbia kaka, wis witin na lika yang pâinika sa bara aikuki asla wark dadaukra nani banhwisna man nani dukiamra. Wan muihni wala wâl ba dukiara makabi walbia kaka, wis baha nani lika serts nani ba mita blikan sa, bara Kraist ra mayuni banhwisa.

2 Korint 8:23 ပူးပေါင်းရင်းမြစ်များ

Luk 5:10

Baku sin Sebedi luhpia waitna nani Jems bara Jan, Saiman pânika nani kan ba sin tâ iwan kan. Sakuna Jisas Saiman ra win: —Si bripara; naha piua wina man upla âialkra kama.

Luk 5:7

Bamna witin nani duri wala ra ai pânika nani bâra kan ra ai mihta wauhan bal hilp munbia dukiara. Bara witin nani balan, bara duri wâlsut ba inska nani ni banhwan kan, rungwaia man kata.

Jan 13:16

Kasak pali yang mai wisni, alba kumi sin kau tara apia sa ai dawanka ba wal, bara blikan uplika kumi sin kau tara apia sa witinka bui blikan ba wal.

1 Korint 11:7

Waitna ba lika ai lal srukaia apia sa, kan witin ba lika Gâd lilka pali sa bara prana ba sin. Sakuna mairin ba lika waitna prana sa;

2 Korint 12:18

Man nani mai kaikaia Taitus ra makabi blikri ba ra, wan muihni wala kum ba sin blikri. ¿Taitus mita kunin mai munan ki? ¿Kasak apia yang nani wâl ba sim sât tâinka briri, bara sim spiritka sin bri banhri?

2 Korint 7:6

Sakuna Gâd, witinka swapnikira nani ra karnakira saki ba karna wan sakan, Taitus balan ba ra;

2 Korint 8:16

Bamna Gâd ra tingki wisna, yang kupi ra dîa man nani dukiamra luki kapri ba, baha sim lukanka witin Taitus kupia ra sin mangkan.

2 Korint 8:18

Taitus wal wan muihni kumi sin bliki banhwisna, bara serts nani sut mita wisa, witin lika swaki sakan warkka pain pali daukisa.

2 Korint 8:19

Baha baman apia, kuna serts nani mita wan muihni na sakan, yang nani aikuki impaki naha latwan lâka warkka na daukaia, bara naha warkka na pain dauki banhwisna, wan Dawan nina mayunaia dukiara bara marikaia nahki man nani wark pain wilin dauki nani sma ba.

2 Korint 8:22

Witin nani ba wal, yang nani tili wina wan muihni wala kum sin blikisna, bara naha lika diara ailal mapa ra witin wilin ba tânka wan marikan, bara nanara lika man nani dukiamra sin uya pali lukisa.

2 Korint 8:6

Bahamna, yang nani Taitus ra makabri, naha latwan lâka lalah sakaia warkka na man nani tilamra aiska pali daukbia, kainara pat witin daukata ba baku.

Pilipai 2:25

Sakuna aitani lukisna, wan muihni Epafrodito ba mai blikamna, witinka yang tnaiya ra wark karna pali takan ba, bara man nani mita blikram ba hilp ai munaia dukiara.

Pilipai 4:3

Bara man sin, wark daukaia mapa ra pâinika kasak sma ba, mamkabisna naha mairka nani ra hilp munma, witin nani ba yang wal swaki sakan sturka yamni ba smalki karna wark taki bamna, Clemente bara wala nani yang wal wark takan ba aikuki. Witin nani nina ba raya kaia wauhkataya ra ulban sa.

Kolosi 1:7

Naha na wan latwankira Epafras mai smalkan, witinka ba yang nani aikuki wark takan, bara man nani sin witin ba Kraist dukia dadaukra painkira kulki banhwisma.

1 Tesalonaika 2:2

Man nani pain kaikisma, yang nani na pat kanra Pilipai tawanka ra nahki saura ai wisata bara nahki sin rau ai sauhkata ba, Tesalonaika ra balras katna ba ra. Baku ai muni banhwan, ban sakuna, Gâd mita yang nani ra hilp ai munan ai sturka yamni ba sibrin âpu mai smalki banhwamna dukiara, aiklabanka karna tilara.

2 Timoti 4:10

kan Dimas ai lulki ai swih Tesalonaika ra wan, witin naha tasba dukia nani ba kau want kan bamna. Crescente lika Galesha tasbaya ra wan, bara Taitus ba Dalmacia ra.

Taitus 1:4

Taitus, kasak lukan lâka ban bri ba tânka ra luhpi aihwa sma ba, naha wauhkataya mai ulbisni. Gâd wan Aisa bara Dawan Jisas Kraist wan Sasakra wal mita man ra yamnika maikbia, bara kupia kumi lâka sin.

Pilimon 1:17

Baku bamna, yang na muihkam pali ai kulkisma kaka kasak lukanka ra, Onésimo na yang pali baku waitlika ra bris.

Pilimon 1:24

bara Mk, Aristarco, Dimas, bara Luk sin; naha nani sika wark daukaia hilp ai muni nani ba.

3 Jan 1:8

Baha mita yawan bui witin nani ra hilp munaia sa, bamna baku lika aikuki bakahnu diara kasak ba aisi smalkaia dukiara sa.