2 Korint 7:7 - DAWAN BÎLA AISKA

⁷ bara witin balan ba baman apia, kuna man nani mita kasak tâ baikram ba Taitus wan win, nahki man nani brin mai daukisa wan kaikaia, bara sin wan win man nani sarkam lâka, bara yang dukira man kupiam trabil brisma ba; bara baha mita uya pali lilia ai daukan.

2 Korint 7:7 ပူးပေါင်းရင်းမြစ်များ

Lawana Nani 141:5

Upla kasakkira klala aikbia kaka, kupia pihni lâka kabia, bara lawi ai daukbia kaka sin isint kîa kum baku kabia. Baha sut bahki lulki swimna apia; yang ra ai prukbia sin ban puri suni kamna.

Lawana Nani 30:5

Dawan ai lawanka ba tisku lap tiwuya, witin yawan ra yamni luki ba lika, wan rayaka yua sut ra ban kaia ra ban sa, tihmia ra yawan inisa kaka, titan ra yawan pat lilia brisa.

Lawana Nani 38:18

¡Saurki nani ba daihra sakisna; baha dukiara lukan man, kupi sarka man tnata âpu!

Lawana Nani 51:1

Dawan, man lamtwanka lâka ba mita kupiam lukra swapnika ba mairiks; kupiam latwanka tara ba mita, pâtki ba diki sâks.

Matiu 26:75

Bâra mika Jisas win ba ai kupia tanh krawan: ‘Kau kalila aiwanras kaka, aima yumhpa yang ra ai kaikras wima.’ Bara Pita baha wina taki, sari pali inan.

Matiu 5:4

“Lilia pali sa sari bri banhwi nani ba, kan Gâd mita maisa nihkan kabia bamna.

Luk 22:44

Bara baku mika witin uya pali pât wahwi kan ba tilara, kau ai tâ baiki ai pura suni kata, bara ai laptika ba tala tahwan tara baku tasba ra tahwi kata.]

Apastil Nani Sturka 11:23

Bernabé bahara wan ba ra, kaikan nahki Gâd upla nani ra ai yamnika yaban ba, bamna witin lilia kan. Bara mahka upla nani ra smalkan ai kupia aiska ni Dawan ra kasak lukaia tânka.

Roman 1:12

baha tânka ba lika, kasak lukan lâka yang bara man nani brisma ba ni pana pana hilp munaia.

1 Korint 5:2

¡Baku kan, man nani lika yamni daukram luki banhwisma! ¡Kau ni sari pali banhwi kaia kapram! Ani waitna nahmuna dukia daukan ba, man nani tilam wina kangbi sakan kaia sa.

2 Korint 1:14

pat tânka wiria kaikisma ba baku; bamna wan Dawan Jisas balbia yua ra, yang nani dukira âmyapah kama, sim yang nani bui man nani dukiamra âiyapah kamna ba baku.

2 Korint 1:4

Pât nani sut yawan wahwi ba tilara witin yawan wan maisa nihkisa, bara baku yawan sin sip kabia wala nani pât wahwi ba sin maisa nihkaia, witin wina baha maisa nihkra yawan ra wanki ba, baha nani ra yabaia.

2 Korint 2:9

Naha diara na tânka pat mai ulbri kata, bara baha lika man nani ba, yang smalkanki kat ban kaia banhwisma sapa tânkam pliki kaikisna.

2 Korint 5:2

Kasak pali, yawan wan wîna tara mapa ra kau raya ba ra, wan mamna sin lulkisa, bara wan watla kasbrika purara ba ra mahka brin wan daukisa wih dimaia;

2 Korint 7:6

Sakuna Gâd, witinka swapnikira nani ra karnakira saki ba karna wan sakan, Taitus balan ba ra;

2 Korint 7:8

Wauhkataya ulbatna ba sarkam paskri, kuna baha dukiara nanara sari lika ai daukras. Baha dukiara pat sari ai daukan sa kaka, yang kaikri wauhkataya ba mita piua prahni kum sarkam paskan.

2 Korint 8:16

Bamna Gâd ra tingki wisna, yang kupi ra dîa man nani dukiamra luki kapri ba, baha sim lukanka witin Taitus kupia ra sin mangkan.

Pilipai 1:20

Kan yang kasak lukisna Gâd bui yang ra ai swibia apia saura ra waia, sakuna kasak luki aisi kamna, bamna nanara bara piu bani ra sin, Kraist mayunaia tânka ba yang wîni ra kau pali upla nani mita kaikbia, raya kamna bara pruri kamna kra sin.

Kolosi 2:5

Bamna yang lika man nani tilamra upla baku natka ra âpu sna, sakuna spirit baku lika man nani tilamra sna, bara yang âiyapah ai daukisa kaikaia, man nani sut lika diara wapni kat daukisma, bara aikuki asla kasak lukankam lâka ba Kraist ra bri banhwisma.

1 Tesalonaika 3:6

Sakuna nanara Timoti man nani wina tawi balan sa, bara kasak lukankam lâka bara latwankam lâka sturka sin pain baman bal, yang nani ra aisan. Witin wan wisa, man nani ba yang nani dukira piua sut pain baman lukisma, bara yang nani na ai kaikan pali mai daukisa, yang nani bui man nani mai kaikan ai dauki ba baku.

1 Tesalonaika 3:8

Baha ba yang nani maipa ra rayaka raya kum baku sa, Dawan kat ban bapi bûi banhwisma bamna.

Hibru Nani 2:1

Baha mita sika, yawan diara nani walan ba pain pali alki kaia sa, bara baku mika yawan yabal ba wina tnaya ra tawbia apia.

Jems 5:17

Prapit Ilayas ba yawan baku upla kum kan; witin lî auhbia apia wisi ai pura sunan ba ra, mani yumhpa pura bakriki naha tasba ra lî auhras kan.

2 Jan 1:4

Yang uya lilia pali takri, kan man luhpiam tila nani kaikri ba ra, witin nani lika kasak tânka kat ban iwisa; Gâd Aisa dîa adarka wankan ba tânka kat.

Judas 1:3

Muihki laitwankira nani, uya pali brin ai dauki kan, baha swaki sakan lâka yawan nani bri ba dukiara man nani ra ulbaia, sakuna nanara daira walisna naha ba daukaia sna, baku natka ra mamkabaia, man nani kasak lukankam ba dukiara aiklabi kama, baha lika aima kum yaban kata Gâd uplika nani ra.