2 Korint 7:11 - DAWAN BÎLA AISKA

¹¹ Sarka lâka man nani wauhram ba lika, Gâd pain kaikan ba tânka kat sa; ¡bara nanara dîa baha wina takan ba kaiks! Diara briaia dukiara kupiam wilin sakan, bara dîa dauki banhram ba dukiara sin tânka aisaia; baha mita kupiam sauhki banhwan bara sibrin sin mai dingkan. Kuna ningkara man nani ai kaikan mai daukan, bara ridi pali kapram ya saura daukan ba klala yaia. Naha diara sut na tilara, man nani latan marikram pâtkira mai kulkaia tânka âpu sa.

2 Korint 7:11 ပူးပေါင်းရင်းမြစ်များ

Nihimaya 13:25

Baku yang bui witin nani aikuki aisi blauhri bara lahtubri. Witin nani tila nani ba lika prukri bara tâwa sin daikri, bara taibi munri Gâd nina ra swer taki aisaia, ai luhpia mairin bara ai luhpia waitna nani ba upla sât wala nani ba wal kli maya baikaia apia, mairka nani ba luhpia waitna nani maya baku bribiara, luhpia nani mita sin mairka nani ba ai maya bribiara.

Job 42:6

Baha mita dîa sna ba wina kupi lakisna, tasba yuya bara yamhpus ra iwisna ba wina.

Lawana Nani 119:139

Man bîlam nani tâwan lawan baman âpu ai daukuya, kan yang waihli nani ba man bîlam nani ba ai âuya tikan bamna.

Lawana Nani 130:6

Yang lika Dawan ra bîla kaikisni, aihwawakra nani, titan ingwaia ra bîla kaiki ba purkara. Aihwawakra nani bui titan ra bîla kaiki ba baku,

Lawana Nani 145:19

Witin ra luki banhwi ba brinka kat, witin daukbia: witin nani wini yaba sin walbia, bara swaki sâkbia.

Lawana Nani 2:11

Man nani bui Dawan ra liliakira mayuni banhs, bawikira lâka ni, tatatwi ai mawanra lulam kriks,

Lawana Nani 35:13

witin nani siknis kan, yang ai sarka briri, sari prâka dimi bara plun piras kapri, bara yang kupi ra puri sunisna ba swiras kapri.

Lawana Nani 38:9

Dawan, yang kupi lukra ra dîa brin ai dauki ba tânka man sut kaikisma; ¡baihkia puhbisna ba man ra yukuwras sa!

Lawana Nani 42:1

Sula ba, diran pali dauki kan awala lî pliki tauki ba baku, Dawanki, yang sin mai pliki taukisna.

Lawana Nani 69:9

Man wamtla tâwan lawanka ba mita, ai angki âpu ai daukisa; saura munaia ba purira kauhan sa, baha nani man ra saura mai wi nani ba.

Sins Lâka 14:16

Upla sinskira lika saurka ra sibrin lukisa, bara saura ba wina mahka taki auya, sakuna sinskas ba mapara, diara kumi sin tânka tara aihwa ba âpu sa.

Sins Lâka 28:14

Yamni pali sa, Dawan sibrinka brih ban luki uplika ba, sakuna ai kupia karna dauki ba uplika lika trabil ra kauhi dimbia.

Yamni Kulki Lawana 8:6

¡Man kupiam bilara ulbanka baku ai mangki bri bas! ¡Klamhkla kat sin ulbi mangki ai bri bas! Latwan lâka lika, karna pali sa, prura ba baku, brinka lâka ba, pruan nani tasbaya baku karna sa; latwan lâka pautika klauhan ba lika, pauta klauhanka laknika kum, Dawan wina sika.

Aiseya 26:8

Dawan, man lâ daukisma ba yabalka ra, yang nani bîlam kaikri: man ninam ra wan kupia kraukaia lâka ba briaia, baha baman sika yang nani sulki brinka pali ba.

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Daniel 6:14

King naha walan ba ra sari pali takan, bara yabal plikan Daniel ba swaki sakaia, ban yu dimaia kat dîa sip ba kat trai munan,

Mark 3:5

Bara Jisas lawi pali kir kaikan, sakuna sari pali sin takan, witin nani tânka briaia briras kan bamna. Bara skahwa waitna ra win: —Mihtam ba sakbram. Bara sakban, ai mihta ba pain takan.

Jan 2:17

Baha kat disaipil nani ba Ulbanka ra aisi ba tânka bri banhwan: “Man wamtla na tâwan, yang kupi aiska ni lawri.”

Apastil Nani Sturka 17:16

Pal ba Atenas ra, Silas bara Timoti wal bîla kaiki kan ba ra, witin ai kupia ba sâp apia kan, baha tawanka ba aidul lâka ni banhwan kan kaikan bamna.

Roman 11:20

Aitani, sakuna baha nani kasak lukras kan ba tâwan klaki sakan, bara man lika ban bâra sma kasak lukram ba mita. Baku bamna, man mamyunpara, sakuna sibrinka lâka ni bri bas.

Roman 14:18

Ya naha natka ra Kraist dukia dauki ba, witin ra Gâd mita pain kaikisa bara upla nani mita sin.

Roman 3:5

Sakuna wan saurka lâka ba mita Gâd ba kasakkira sa tânka marikisa kaka, ¿yawan dîa sip sa ki aisaia? ¿Gâd ba saurakira sa ki, witin mita klala wanki ba mita? (Naha na upla natka kat yang aisisna.)

1 Korint 12:25

bara baku wan wîna tara ra dakwi takan lâka âpu kabia; sakuna wîna sirpika bani ba sirpika wala nani dukiara trabil taki luki kabia.

1 Korint 5:2

¡Baku kan, man nani lika yamni daukram luki banhwisma! ¡Kau ni sari pali banhwi kaia kapram! Ani waitna nahmuna dukia daukan ba, man nani tilam wina kangbi sakan kaia sa.

2 Korint 13:7

Yang nani puri sunisni, man nani diara saura kumi sin daukma apia ba mata, naha na yang nani raitki brisna ba marikaia lika apia, sakuna brin wan daukisa man nani diara pain dauki kama; wan kupia lukras man nani mampara yang nani raitki âpu kabia sin.

2 Korint 2:6

Man nani asla aidrubi banhram bara baha uplika ra klala yaram ba, baha ba nanara mahka ban swiaia aitani sa.

2 Korint 6:4

Sakuna, brin wan daukisa diara sut bâk marikaia, yang nani na Gâd dukia dadaukra, wan kupia alki takaskan lâka manis bri banhwisna ba mita pât nani ba wahwaia sip sna bamna, diara luha bara trabil nani sin.

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

2 Korint 7:7

bara witin balan ba baman apia, kuna man nani mita kasak tâ baikram ba Taitus wan win, nahki man nani brin mai daukisa wan kaikaia, bara sin wan win man nani sarkam lâka, bara yang dukira man kupiam trabil brisma ba; bara baha mita uya pali lilia ai daukan.

2 Korint 7:9

Sakuna nanara yang lilia sna, bara baha ba sari kapram ba dukiara lika apia, kuna baha sarka ba mita tânkam nani ba lakram bamna. Man nani sarkam ba wal ban kapram Gâd pain lukan ba kat, bamna yang nani pali man nani mai sauhkaia dukia kumi sin daukras.

2 Korint 9:2

kan man nani kupiam wilin ba tânka param kaikisna. Baha dukiara kupi aiska ni Macedonia tasbaya aiska ra aisisna, nahki man nani Acaya uplika nani ba, mani luan wina ridi pali banhwisma hilp munaia; bara Macedonia uplika nani aihkika prais man nani ra mai kaiki karna taki buan.

Epesus 4:26

Ban kra kupiam baiwbia kaka, kuna saura lika daukpara; bara kupiam baiwanka ra yu dimpara.

Epesus 5:11

Diara bahki nani tihmia uplika nani dauki ba wal sin prawpara; sakuna kau pain sa baha diara nani ba ingni ra sal sâkma.

Pilipai 2:12

Baku bamna, muihki laitwankira nani, piu bani man nani wal kapri bara bîli kat wali dauki kapram ba baku, nanara laihura sna ba ra, kau bîli wali dauki banhwi bas. Ban Dawan warkka taki bas, bawikira lâka brih bara sibrinkira sin, swaki mai sakan lâka briaia dukiara;

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.

1 Timoti 5:20

Sakuna saura dauki nani ba lika, upla sut mawanra lawi daukaia sma, uplika wala nani ba sibrin dauki banhbia dukiara.

2 Timoti 2:15

Man ba nahki sip kama ba kat bas, wark uplika aitani kulkan kum baku Gâd mawanra bus, wark tatakra kum ai warkka ba tâwan ai swira lukras baku, Gâd kasakkira tânka bîla ba wapni kat smalki uplika baku.

Taitus 3:8

Naha na lika kasak pali sa, bamna yang want sna man ba naha dukia nani na ban ba kat aisi kama, bara baku mika Gâd ra kasak luki nani ba wark yamni nani baman dauki kabia. Naha diara nani na lika pain atia, bara upla nani ra hilp sa.

Hibru Nani 4:1

Baku bamna, Gâd yawan ra pramis wan munan ba witin ai riska ra dimaia, wan dara wali kaia sa, ban man nani tilam wina kumi kra sip dimras kabia dukiara.

Jems 3:17

Sakuna Gâd wina sinska lâka bri uplika nani ba, tâura ai rayaka ba sunu brisa; baha ningkara, kupia kumi lâka brisa, upla ra pain munisa, bara diara tânka kat dauki uplika nani sa. Umpira lâka brisa bara ai uplika ra yamni munisa; witin nani kasak kat daukisa kunin lâka âpu.

1 Pita 1:17

Man nani bui Gâd ra puram sunisma ba ra, witin ra “Aisa” mâkisma, witinka upla mawan kulki kira lâ daukras ba, kumi bani dîa daukan ba kat lâka daukbia bamna; ba mita man nani naha tasba ra iwisma piua aiska ba, witin ra sibrinkira kaia sma.

1 Pita 2:2

Tukta swap lupia bisiura aisubi takan baku, plun mai dauki ba, spirit tialka laya pali ba pliks, bara baha bâk di pâwma, bara swak takan lâka ba brima.

Judas 1:23

Upla tila nani ba, pauta wina swaki sâks; bara kli upla wala nani ra lika umpira kaiks, witin nani ba sîa bris, ai kwalka nani ba kat sin sibrinka bris, kan baha ba sut sin tâski pali takan sa, ai rayaka saura ba mita.

Param Marikanka 3:19

Yang lika latwan kaikisna bara uplika sut ra lawi daukisni, wapni sin daukisna. Baku bamna, man kasak bas bara kupiam sin laks.