2 Korint 6:18 - DAWAN BÎLA AISKA

¹⁸ bara yang baman man nani Aisikam kamna, bara man nani ba luhpi waitna nani bara luhpi mairin nani kama, Dawan, karnika sut bri ba, baku wisa.”

2 Korint 6:18 ပူးပေါင်းရင်းမြစ်များ

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

Blasi Sturka 48:3

Bara witin Josep ra win: —Gâd karnika sut bri ba, Luz tawanka tara Kenan tasbaya ra bahara yang ra latan takan bara ai yamnika aikan,

2 Samuil 7:14

Yang lika witin ai aisika kamni, witin ba yang luhpi waitna kum kabia, witin ai swakwanka nani daukbia bara klala yamni wal wipamna, aisa nani sut ai luhpia ra muni ba baku.

1 Kronikas 17:13

Yang lika witin aisika kamna, bara witin ba yang luhpi waitna kabia. Umpira kaikisna lâka ba, witin pura wina sakamna apia, man kainamra kan uplika ra daukri ba baku,

Lawana Nani 22:30

Yang kiamki nani ba Dawan ra mayunbia, bara ai rayaka aiska witin tânka ba aisi kabia;

Aiseya 43:6

Yahbra ra wimna: ‘Upla nani ba nâra laki yas’, bara waupasa ra wimna: ‘Man alki takaskpara.’ Luhpi waitna nani ba laih wina bri bal, bara luhpi mairin nani sin, tasba tâ wala ba wina bri bal,

Jirimaya 3:19

“Israel, luki kaikri man ba luhpi waitna baku mai briaia bara tasba pain pali kum maikaia, tasba ra kuntri kum kau pranakira ba. Yang lukri ba man ai wima yang lika man aisikam bara yang laima wima kli taki wama apia.

Jirimaya 31:1

Gâd aisisa: “Baha piua ra yang kamna Israel kiamka nani sut Dawanka, bara witin nani ba yang upliki.”

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Jan 1:12

Sakuna ya nani witin ra brin bara kasak sin lukan nani ra, witin mita naha uplika nani ra Gâd luhpia takaia karnika ba yan.

Roman 8:19

Paskanka aiska Gâd daukan ba brin pali dauki ai kainara lukisa, Gâd luhpia nani ra param takaia nani ba kaikaia.

Roman 8:29

Patitara piua Gâd mita upla nani paiwan ba, baha uplika nani ba paiwan ai Luhpia baku kaia, baku mika Gâd Luhpia ba ai muihni ailal ba tilara tawahkia kaia.

Galesha 3:26

Kan kasak lukan lâka ba mita man nani sut lika Gâd luhpia nani sma, Kraist Jisas wal asla takram ba mita.

Epesus 1:5

Kaina wina pat luki kaikan, Jisas Kraist bâk ai luhpia nani baku kli wan briaia, witin daukaia ai kupia ra lukan ba kat.

Param Marikanka 1:8

“Yang sika tâ bara tnata lâs ba sin,”, Dawan karnika sut bri ba baku wisa, witinka bâra ban ba, kan wina sin ban kan ba, bara balaia ba sin.

Param Marikanka 21:22

Tawanka ba ra yang tempel kumi sin kaikras, baha ba Dawan Gâd, karnika sut bri ba, witinka sin Sîp Luhpia ba, witin ai tempelka sa bamna.

Param Marikanka 21:7

Bamna ani uplika nani sip muni pura lui bubia ba, naha sut ai dukia bribia; bara yang na witin nani Gâdka kamna, bara witin nani ba yang luhpi nani kabia.