2 Korint 6:11 - DAWAN BÎLA AISKA

¹¹ Muihki Korint nani, kunin tânka âpu kira yang nani bui man nani ra aisari, bara yang nani kupi ba man nani ra param kwâki banhri sa.

2 Korint 6:11 ပူးပေါင်းရင်းမြစ်များ

Job 32:20

Sturi brisna mai aisi âuyapah takaia, pana diara mai wiaia brisna.

Lawana Nani 119:32

Yang pat pali man lâmka bîla nani ba aiska daukamna, kan man bui yang kupi ba lilia lâka ni banhkisma bamna.

Lawana Nani 51:15

Dawan, yang uni nani ba ilingks; bara uni nani wal mamyunra lawana nani aiwanamna.

Aiseya 60:5

Man baha kaikma piua ra, bara mamwan ingbia lilia mita, man kupiam ba lilia ni banhwan kabia; man ra dukia kukan ba kabu un tawanka wina kli tawi man ra aula ba kaiki. Nisan nani yuyaka kukanka nani ba sin kli tawi man ra aula bamna.

Isikiel 33:22

Tihmia kum kainara plapan ba balras kanra, Dawan ba ai mihta yang purira mangkan; bara titan ra, waitnika ba balan ba ra, Dawan kli bîli aisanki ba aikan, bara sip sturi aisaras kapri ba swiri.

Abakuk 2:5

Upla prautkira aimayunra nani ba, sâp taki iwras, ai karnika alki briaia lâka ba pliki wataukisa, bri bara kau briaia sin lukisa; ban sakuna, baha karnika alki bri ba wina, witin silp pât ra dimisa. Raiti baku ai bîla kwâki banhwisa, raiti baku sip biara banhras. Baha mita witin nani nisan nani sut ba pura luaia pliki wataukisa.

Apastil Nani Sturka 18:1

Naha diara ningkara, Pal Atenas wina taki Korint tawanka ra wan.

Apastil Nani Sturka 18:8

Bara Crispo, Ju nani priaska watla wihtka ba, ai watla uplika sut aikuki Dawan ra kasak lukan. Korint uplika nani ailal pali sin Dawan sturka walan, bara kasak lukan ba sut tahbi daukan.

2 Korint 12:15

Bamna yang maipa ra wilin pali tikamna dîa brisna ba man nani sulkam dukiara, bara yang pali wîni tara na sin ban tikamna; kaiks, man nani ra kau latwan mai kaikisna ba ra, man nani ba lika kau latwan ai kaikras taki banhwisma.

2 Korint 2:4

Bara baha wauhkataya man nani ra ulbri ba ra, uya kupi ra trabil bri kapri, bara sari ai daukan ban sin ini katna; sakuna sari bri kama wisi lika ulbras katna, kuna kaikma man nani ra latwan mai kaikisna ba lika tara pali sa.

Galesha 3:1

¡Galesha uplika nani, tanis nani! ¿Ani sukika pali ba kupiam yabaki alkan? Yang nani smalkanki ba ni man nani namkra kat, Jisas Kraist dus prihni ra saban ba mamrikatna.

Galesha 4:12

Muihki nani, mamkabisni yang baku taks, kan yang lika man nani baku takri. Man nani mita rausauhkram baku lika apia.

Epesus 6:19

Yang dukira sin puram suni bas, aisaia awarka ra Gâd mita bîla nani aikka aisamna, bara baku mika yang sip kamna swaki sakan sturka yamni yukukan ra ba sibrin âpu param aisaia.

Epesus 6:8

Bamna man nani lika pat kaiki banhwisma kumi bani, alba apia ba sut, Dawan wina ai mana yabia dîa yamni daukan ba kat.

Pilipai 1:8

Gâd pain kaikisa, yang bui Jisas Kraist latwanka lâka swapnikira bri ba ni, man nani ra latwan mai kaikisna ba.

Pilipai 4:15

Man nani Pilipai nani sin pain kaikisma, swaki sakan sturka yamni mahka smalkri ba ra, Macedonia wina taki wari ba ra, man nani baman sika yang ra hilp ai munan sertska ba; man nani baman sika yang diara nani briri bara tikri bara sin aikuki asla kata ba.

Param Marikanka 22:12

“Âu, yang aihni aulni. Kumi bani ra mana yabaia sna ba yang brisna, bara dîa daukan ba kat yang mana ba yabamni.

1 Samuil 2:1

Ana naku ai pura sunan: “Dawan, yang kupi ra man ra lilia tara brisni, kan man karniki raya aikisma. Waihli nani mapara aisaia sip sna, kan man tâi baikram bamna. ¡Âu, yang lilia sni!