2 Korint 5:9 - DAWAN BÎLA AISKA

⁹ Baha mita piua bani Dawan dîa want ba kat daukaia trai muni banhwisna, wan wîna tara kau raya na piua ra sapa, wan wîna tara wina laihura kabia kra sin.

2 Korint 5:9 ပူးပေါင်းရင်းမြစ်များ

Blasi Sturka 4:7

Yamni daukram kaka, man purara mai bukan kaia kan. Sakuna man yamni daukras kapram bamna, saurka ba durkam kat bâra sa. Saura lâka ba puram luaia munisa, ban sakuna man mita baha ba sip muni pura luaia sma.”

Aiseya 56:7

yang bui witin nani ba ilki holikira ra brih wamni, yang ra ai pura sunaia watla ra witin nani ba bri balamna lilia kaia daukamni. Altarki ra daiwan aiska angki sakripaiska nani dauki ba sin yang brimna. Kan waitla ba wan pura sunaia watla mâkan kabia upla nani sut ba dukiara.

Jan 6:27

Wark taki banhpara, baha pata isti aisawi ba dukiara; sakuna wark taki banhs, ban kaia ra pata ba dukiara, rayaka ban kaia lâka yabi ba dukiara sin. Naha pata ba sika Upla Luhpia Waitna bui maikbia, kan Gâd Aisa mita witin ra bâk sakan sa.

Apastil Nani Sturka 10:35

sakuna witin pain kulkisa ani nisanka witin ra sibrin luki bara diara pain sin dauki ba.

Roman 14:18

Ya naha natka ra Kraist dukia dauki ba, witin ra Gâd mita pain kaikisa bara upla nani mita sin.

Roman 14:8

Baku bamna, yawan raya sa kaka, Dawan dukiara raya sa; bara pruisa kaka, baha sin Dawan dukiara pruisa. Baha mita yawan raya kabia kra bara prubia kra, Dawan dukia sika.

Roman 15:20

Baku sika trai kaikri swaki sakan lâka sturka ba smalkaia, Kraist nina kau walras pliska nani ra, upla wala mita pat playa kum bapan purara utla paskamnara sîa.

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

2 Korint 5:6

Bahamna, piua bani ban baha kat, yang nani kupi mangki lukisna. Yawan kaikisa, wan wîna tara ra kau raya iwi ba piua ra, utla ba wina laihura banhwisa, wiaia kaka, yawan ba Dawan wal sin asla apia sa;

2 Korint 5:8

Wan kupia ra aitani kat mangki luki banhwisa, bara kau ni brin wan daukisa, naha wîna tara lâka ra iwisna na mahka swi si, Dawan lamara wih iwaia.

Epesus 1:6

Baha mita yawan piua bani Gâd ra mayunisa ai latwanka tara ba dukiara, baha sim latwanka ni yamni wan munan sa, yawan ai Luhpia latwan pali wal asla sa bamna.

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

Kolosi 1:29

Naha dukiara yang wark takisna, bara Kraist mita karnika aikan ba ni, aiska pali karna trai kaikisni.

1 Tesalonaika 4:1

Nanara, muihki nani, Dawan Jisas nina ra man nani ra mamkabisna bara sin kupiam kraukisna: man nani iwankam natka yamni ra yu bani kau pâwi kama, baha sika yang nani wina lan takram ba Gâd kupia lâka daukaia dukiara, bara pat baku dauki banhwisma ba.

1 Tesalonaika 4:11

Man nani trai kaiks bisniskam nani ba kat sâpkira ban dauki kaia, bara yang nani mai wîri ba baku, mihtam nani wal wark taki kaia.

1 Timoti 4:10

Naha dukia tâwan sika yawan wark karna takisa, bara upla mita sin saura wan wisa, kan yawan na wan kainara diara briaia ba, Gâd rayakira kat brisa, bara witin sika upla sut Sasakrika ba, bara kau pali lika kasak luki nani ba.

Hibru Nani 12:28

Gâd king aimaki lâka wanki ba lika sip nikbras sa. Baku bamna, kaisa yawan tingki wiaia, bara Gâd ra wan pura suni mayunaia witin brin dauki natka ba kat, wan sulka mayunra ni bara kulkanka ba ni sin;

Hibru Nani 4:11

Baku bamna, yawan karna trai muni baha riska ra dimaia sa. Yawan tila wina kumi sin baha nani kasak lukras nani kan ba baku kaia apia sa.

2 Pita 3:14

Baha mita, muihki laitwankira nani, naha diara nani bîla kaikisma ba ra, dîa sip sma ba kat trai kaiki bas; bara Gâd bui man nani mai kaikbia ba ra, kupia kumi, tâski âpu bara pâtkas nani kama.