2 Korint 5:15 - DAWAN BÎLA AISKA

¹⁵ Kraist upla sut tâwan pruan, baha mita raya nani ba ai wîna dukiara raya kaia apia sa; sakuna witinka, witin nani ai dukiara pruan bara kli sin raya buan ba dukiara mika raya kabia.

2 Korint 5:15 ပူးပေါင်းရင်းမြစ်များ

2 King Nani 5:17

Bara Naamán mita win: —Ban kaka, aikrika Israel tasbaya na wina tasba muyul nina wâl brih wamna, kan nanara wina albikam na gâd bahki nani ra daiwan wîna aiska angki yabamna apia, sakripais sin gâd wala nani ra daukamna apia, sakuna Dawan ra baman.

Isikiel 16:6

Yang lamak luri, bara mai kaikri minam mai kaikri mai baikan tala tilara kapram, yang lukri aitani sma raya kaia.

Isikiel 37:14

Yang bui man nani ra wingka puhbra ba mangkamna, bara man nani kli rawi buma; bara kli man nani tasbayam ra mai swimna. Baku lika man nani kaikma, yang, Dawan aisari ba bara daukri ba. Yang, Dawan, kasak aisisna.’ ”

Isikiel 37:9

Bamna Dawan bui ai win: “Yang nini ra pâsa ra aisas raya kaia wingka puhbi ba ra wis: ‘Dawan naku aisisa: Tasba mapa walhwal wina bal bara upla pruan nani na ra rayaka yas.’ ”

Abakuk 2:4

Naha smalkanka bîla ulbi bris: Upla watawikira nani ba ai prautka lâka ra iwisa; sakuna kasakkira nani ba lika Gâd ra kasak luki ba mita raya kabia.”

Sakaraya 10:9

Yang bui witin nani ba nisan nani tilara yakabrira daukri, ban sakuna, laihura ba wina yang ra luki kabia, bara yu kum ai luhpia nani wal kli tawi balbia.

Luk 1:74

witin wan waihla nani wina swaki wan sâkbia, bara sibrin âpu kira yawan ai dukia daukbia,

Jan 5:24

“Kasak pali mai wisna: Yang aisisna ba ra ya aman walisa, ai blikan ba ra sin kasak lukisa kaka, witin raya ban kaia lâka ba brisa, pât ra sin lulkan kabia apia; kuna pruan wina taki pat raya kaia ra luan sa.

Jan 6:57

Aisa rayakira ba mita ai blikan, bamna yang na witin ba mita raya sni. Baku sin ya yang wina plun pi ba, yang wina raya kabia.

Roman 12:1

Baku bamna, muihki nani, Gâd kupia pihni lâka ba dukiara mamkabisna, man nani wînam aiska ba prisant raya kum baku ai mihta ra mangkma, baha ba holikira prisant yaia sma ba tânka sa.

Roman 4:25

witin mita Jisas ba yan wan saurka tâwan pruan bara pruan wina kli buan, baku mika Gâd mita kasakkira wan kulkan kaia dukiara.

Roman 6:2

¡Sip apia pali! Yawan lika pat saurka lâka mapara pruan; bamna, ¿nahki yawan saurka lâka wal ban raya iwi kaia sa ki?

Roman 6:6

Yawan kaikisa, kaina piua ra yawan dîa kata ba lika Kraist wal dus prihni ra saban, baku mika saurka wan wîna tara ra ba sauhki tikan kabia, bara kli baha albika kaia apia dukiara, saurka lâka bîla wali dauki kaia wan wihtka kum baku.

Roman 8:10

Ban sakuna, Kraist ba man nani ra raya sa kaka, wînam tara ba saurka mita pruan kabia kra, kuna spiritkam ba lika Gâd kasakkira kulkan ba mita raya kabia.

Roman 8:2

Jisas Kraist ra raya kaia spiritka lâka ba mita, pri wan sakan sa saurka lâka ba prura lâka ba wina.

Roman 8:6

Wîna tara brinka ba trabil taki lukaia lâka ba mita pruaia ra wan brih auya; sakuna Spirit brinka ra trabil taki lukaia ba lika, raya kaia bara âuyapah lâka ra wan brih auya.

1 Korint 10:33

Yang daukisna ba baku dauki bas: yang lika dîa dîa daukisna ba ra upla nani dîa lihki ba kat daukaia trai kaikisna; yang painki plikras, sakuna upla wala nani painka lika, witin nani swaki sakan kabia dukiara.

2 Korint 12:10

Baha ba mita swapnika lâka nani wal lilia sna, swira paskan lâka nani, dîa dîa want kaia, rausauhkan lâka nani Kraist tâwan trabil nani brisna ba sin. Kan ani piua kau swapni sna kaka, kau karna sna baku daira walisna.

2 Korint 3:6

Kan Gâd mita sika sip wan daukan lâ raya bâk ai dukia daukaia, bara baha lika wauhkataya ra dîa ulban ba bîla wali daukaia tânka lika apia, sakuna rayaka kumi Spirit Holikira mita pain bribia ba. Lâ ulbanka ba pruaia pâtka mihta ra wan mangkisa, sakuna Spirit ba lika raya kaia wankisa.

2 Korint 5:16

Baha mita, yang nani kum dukiara sin tasba uplika nani luki ba baku kli lukras: Kraist dukiara sin kanra yang nani tasba uplika nani luki ba baku luki kapri; sakuna nanara yang nani witin dukiara kli baku lukras.

Galesha 5:25

Spirit mita yawan raya ba baku, dîa dîa dauki ba sut Spirit mita tâ bribia.

Epesus 4:17

Bamna Dawan nina ra, yang naha na taibi pali mai wisna: man nani kli Dawan ra tawras uplika nani baku raya iwi kapara, kan baha nani lika gâdkas nani ba tânka kat baman taukisa,

Epesus 5:14

Bahamna naku wisa: “Man yapisma ba, mahka rawi bus; pruan nani tila wina sin mahka raya taki bus, bara Kraist man puramra ingbia.”

Kolosi 2:12

Bara man nani sut tahbi mai daukan ba ra, Kraist wal raiti ra mai bikan kan, baku sin witin wal kli pruan wina mai bukan, kan man nani kasak lukram, Gâd karnika mita Kraist ba pruan nani tila wina kli bukan.

Kolosi 3:1

Bamna, man nani pat Kraist wal pruan wina mai bukan ba mita, diara nani kasbrika purara ba pliks, kan bahara sika Kraist ba Gâd lama pali kat iwisa.

Kolosi 3:17

Dîa dîa daukma, apia kaka aisama ba sut, Dawan Jisas nina ra dauki bas. Witinka bâk Gâd wan Aisa ra tingki wi bas.

Kolosi 3:23

Dîa dîa man nani daukisma ba ra wilinkira dauki bas, Dawan warkka daukisma baku, upla nani warkka daukisma baku lika apia.

1 Tesalonaika 5:10

Jisas Kraist yawan dukiara pruan, bara baku mika yawan raya kabia, pruan kabia kra, witin wal asla raya iwi banhbia dukiara.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

1 Pita 4:6

Bamna pruan nani ra sin sturi yamni ba aisi smalkan, witinka nani ba naha tasba ra upla wala nani ra lâka dauki ba baku lâka daukan kabia sakuna; witin nani ra aisi smalkan ai spiritka mapa ra Gâd raya ba baku banhwi kabia dukiara.

1 Jan 4:9

Gâd yawan wan dukiara ai latwanka lâka ba param marikan, witin ai Luhpia kumi pali bri kan ba naha tasba ra blikan bamna, bara baku mika Kraist ba yawan sut raya kaia lâka bri kabia dukiara.

Param Marikanka 1:18

Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna.