2 Korint 4:5 - DAWAN BÎLA AISKA

⁵ Yang nani aisi smalkisna ba, wîni tânka lika smalkras, sakuna aisi smalkisna Jisas Kraist ba Dawan sa; yang nani lika man nani dukiam dadaukra nani sna, Jisas latwanka lâka ra.

2 Korint 4:5 ပူးပေါင်းရင်းမြစ်များ

Matiu 23:8

“Sakuna man nani lika upla nani yarka smasmalkra mai wibiara, kan man nani sut muihkam atia, bara Smasmalkra ba kumi baman brisma.

Matiu 3:11

Kasak pali mai wisna: yang lika lî ni baman tahbi mai daukisna, saurkam nani wina kupiam laki Gâd ra balaia; sakuna yang ninira wala kum aula ba lika Spirit Holikira ni bara pauta ni sin tahbi mai daukbia. Witin ba yang purkira kau karnika brisa, ban tara bamna, witin ai sûska nani twilkaia sin yang aitani apia sna.

Jan 7:18

Ya yakan ai kupia wina baman saki smalki ba lika, upla wina mayunra lâka plikisa; sakuna ani uplika witin ra blikan uplika mayunra pliki ba, baha lika diara kasak ba aisisa kunin sin âpu.

Apastil Nani Sturka 10:36

Bamna Gâd bui Israel kiamka nani ra win, Jisas Kraist bâk kupia kumi lâka ba maisa pakan, witinka yawan sut wan Dawanka ba.

Apastil Nani Sturka 2:36

“Israel nisanka ba sut naha diara na dukiara pain ai dara walaia sa: Baha sim Jisaska man nani dus ra sabi ikram ba, Gâd mita witin ba Dawan bara Misaya sin mangkan sa.”

Apastil Nani Sturka 5:31

Gâd mita witin ba purara buki ai mihta aihkika tani ra yan iwan. Witin ba sin Wihta Tara bara Sasakra sin mangkan, Israel nisanka ra piua yaia, ai kupia lakaia bara ai saurka nani ban swin tikan lâka briaia ba dukiara.

1 Korint 1:23

sakuna yang nani lika Kraist dus prihni ra pruan sturka ba aisi smalkisna. Sturka yamni na, Ju nani mapa ra swira dukia sa, bara Ju apia nani ba lika sins âpu dukia baku kulki banhwisa;

1 Korint 10:33

Yang daukisna ba baku dauki bas: yang lika dîa dîa daukisna ba ra upla nani dîa lihki ba kat daukaia trai kaikisna; yang painki plikras, sakuna upla wala nani painka lika, witin nani swaki sakan kabia dukiara.

1 Korint 12:3

Baha mita, nanara want sna kaiki kama, ani uplika naku wibia kaka: “¡Jisas ba lahtuban kabia!”, witin ba Gâd Spiritka karnika mita aisaras sa. Bara upla kumi sin sip wiras: “¡Jisas ba Dawan!”, witin ba Spirit Holikira karnika mita aisisa kaka lika.

1 Korint 15:47

Pas upla tasba yuya ni paskan kan ba tasba wina kan; waitna wala witinka ba kasbrika pura wina sa.

1 Korint 2:2

Kan man nani tilamra katna piua, diara wala kaikaia ai daukras kan, Jisas Kraist tânka baman, bara kau pali lika, witin dus prihni ra saban ba.

1 Korint 4:15

Bamna man nani ba, Kraist tânka mai smalkaia smasmalkra 10,000 bri kama sakuna, aisikam ailal lika âpu sma. Kraist Jisas ra kasak lukan lâka brisma ba mapa ra, yang sika man nani aisikam, swaki sakan sturka yamni maikri ba mita.

1 Korint 8:6

ban sakuna, yawan mapa ra lika Gâd kumi baman sa, baha sika wan Aisa. Bara Aisa ba diara sut paskan, yawan na lika witin dukiara raya iwisa. Dawan sin kumi baman sa, baha sika Jisas Kraist. Witin mita diara sut ba bâra sa, bara witin bâk yawan raya iwisa.

2 Korint 1:19

Kan Kraist Jisas Gâd Luhpia ba tânka yang, Silvano bara Timoti kira man nani tilamra smalki banhwisna ba, apia sika “âu” ba “apia” ba, sakuna Kraist sika “âu” ba Gâd wina;

2 Korint 1:24

Luki kapara yang nani bui man nani dîa kasak lukaia sma ba taibi mai munamna, kasak lukan lâka ra man nani aitani kat sma; bamna kau lilia lâka bri banhma dukiara hilp mai munaia want banhwisna.

Galesha 5:13

Man nani, muihki nani, mai paiwan sa pri lâka bri kaia. Kuna naha pri lâka brisma wisi, wînam brinka nani nina blîkpara. Sakuna, pana pana dukia dadaukra nani bas, latwan lâka aikuki brisma ba tânka kat.

Pilipai 1:15

Tila nani tuman lâka brih, pana pana unsabi Kraist tânka smalki banhwisa, sakuna wala nani lika yamni luki smalkisa.

Pilipai 2:11

Bara upla param pali aisabia, Jisas Kraist ba Dawan sa, Gâd Aisa ra kulkanka yabaia dukiara.

2 Timoti 2:10

Baha mita sika, yang diara sut mapara ban bapi buisni, Gâd mita bâk saki brin uplika nani painka dukiara, bara baku mika ban kaia ra swaki sakan lâka pranakira yawan Kraist Jisas wal asla mita bri ba, witin nani sin alki banhbia dukiara.

Taitus 1:11

Baha nani bîla ba prakaia sa, kan witin nani mita diara smalkaia apia ba smalki, watla bîla aiska nani kupia aihka lakisa; ai swira sin âpu lalah nahki briaia dukiara baman luki banhwisa.

2 Pita 2:3

Lalah ra uya want ba mita, kunin smalkanka ni kasak pali mai smalkbia; kuna witin nani ra pât ra lulki swiaia ba lika ai bîla kaikisa, kan witin nani ba pat piua wihka luan wina pât ra lakan sa bamna.