2 Korint 4:16 - DAWAN BÎLA AISKA

¹⁶ Baku ba mita piua kumi sin yang nani si briras. Wan wîna tara ba tawa tawa mâyara iwisa sakuna, wan spiritka lika yu bani kau raya sakisa.

2 Korint 4:16 ပူးပေါင်းရင်းမြစ်များ

Lawana Nani 119:81

Brin ai daukisa, kupi ba bîla kaikisa swaki ai sâkbia; ¡bîla kaikanka sut ba, man bîlam ra swiri!

Lawana Nani 27:13

Yang daihra wali kaikisni, Dawan ai kupia yamnika aiki ba kaikamna rayaki yua nani ra.

Lawana Nani 51:10

Gâd, ¡yang ra kupi lukanka tâski âpu ba aik! ¡Bara spirit raya kum kasak ba sin aik!

Lawana Nani 73:26

Yang wîni aiska ba âpu takisa, ban sakuna, Dawan ba sika yang prapatiki ban kaia ra bara witin sika yang kupi alki bri ba.

Aiseya 40:29

Swapan bara witin mita karnika yabisa, karnika âpu pali takan ba ra sin witin mita kli karnika ailal yabisa.

Aiseya 40:31

sakuna Dawan bîla kaiki luki nani ba, witin nani karnika raya bribia, witin nani yakal tara nani baku ai tnawa nani buki pâlbia; sip kabia plapaia bara bahkia takbia apia, bara sin wapbia swapras kira.

Luk 11:3

Yu bani, yang nani aitani piaia praiska plun aiki bas.

Roman 12:2

Bamna kli naha tasba lâka tânka ba kat iwi kapara; sakuna lukankam pali ba lakma, bara baku mika rayakam aiska ba tâwan kabia. Baha mita sip kama Gâd kupia lâka pali ba tânka briaia, baha tânka ba lika dîa pain ba, Gâd yamni kaiki ba, bara witin wapni kaiki ba lukma.

Roman 7:22

Kupi munhtara lika, Gâd lâka ba yamni kaikisna,

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

2 Korint 12:15

Bamna yang maipa ra wilin pali tikamna dîa brisna ba man nani sulkam dukiara, bara yang pali wîni tara na sin ban tikamna; kaiks, man nani ra kau latwan mai kaikisna ba ra, man nani ba lika kau latwan ai kaikras taki banhwisma.

2 Korint 4:1

Ba mita, yang nani lukanki ba kauhras, kan Gâd umpira wan kaiki ba lâka ra naha warkka ra wan mangkan bamna.

Epesus 3:16

Aisa ra puri sunisna ai prana kukanka ba wina, Gâd ai Spiritka ba ni man nani ra karnikam bara dîa daukaia karnika sin maikbia,

Epesus 4:23

Sakuna man nani lika spiritkam bara sinskam wal ba aiska pali raya nani kaia sma,

Kolosi 3:10

bara tânka raya ba prâmka baku dimram, baha ba kli raya takisa Gâd bui daukan ba tânka kat, witin ai tânka pain bribia ba kat.

Taitus 3:5

witin swaki wan sakan. Baha ba lika yawan mita diara pain nani kra daukan tâwan lika apia, sakuna umpira wan kaikan ba mita. Sikbi wan sakan bâk witin mita swaki wan sakan, bara baha tânka ba lika, yawan na kli aisubi takan, bara Spirit Holikira mita rayaka raya wankan ba bâk sin.

1 Pita 3:4

Sakuna baku daukaia watlika ra, pramna ba kupiam bilara kaia sa; baha painka ba sip tiwras sa, bara baha lika wan spiritka praut âpu bara sâpkira ba sika, baha ba Gâd mawanra kau tara pali sa.

1 Pita 4:14

Kraist tâwan saura pali mai wibia kaka, man nani liliam bas; kan Gâd Spiritka pranakira ba man nani puramra bal iwi bahara takaskisa.