2 Korint 4:14 - DAWAN BÎLA AISKA

¹⁴ Kan yang nani pain kaikisna, Gâd, witinka mita wan Dawan Jisas pruan wina bukan ba, yawan na sin pruan wina kli wan bukbia Jisas wal; bara man nani aikuki wan brih wabia ai mawanra.

2 Korint 4:14 ပူးပေါင်းရင်းမြစ်များ

Aiseya 26:19

Man pruankam nani ba kli raya takbia; pruan nani ba kli raiti wina bubia. Tasba ra yapi nani ba rawi bubia bara aiwani banhbia. Kan man ingnikam blikisma, diara mangkan wahia purara diwas laya buski ba baku, bara tasba ra pruan nani ba kli rawi bubia.

Luk 21:36

Bamna man nani ridi bas, bara piu bani sin puram suni bas, bara baku mika sip kama naha diara nani takaia ba wina swakwaia, ban sin Upla Luhpia Waitna maiwanra kaia.”

Apastil Nani Sturka 2:24

Sakuna Gâd bui witin ba prura karnika mununhta wina kli bukan, prura sip witin ba ai karnika mununhtara taibi briras kan bamna.

Apastil Nani Sturka 2:32

Bamna sim Jisaska sika Gâd mita pruan kan ba wina kli bukan. Bara yang nani sut baha witniska nani sna.

Roman 8:11

Jisas Kraist pruan nani tila wina bukan Gâdka Spiritka ba man nani ra raya sa kaka, sim Kraist pruan wina bukan Gâdka Spiritka ba wînam tara prui kira nani ra raya kaia lâka kli yabia, Spirit man nani ra raya iwi ba mita.

1 Korint 6:14

Bara Gâd mita Dawan ba pruan wina kli bukan ba baku, yawan ra sin ai karnika ni wan bukbia.

2 Korint 11:2

Kan yang lika man nani tâmwan lawisna, tâmwan lawanka kum Gâd wina sa; kan man nani ba Kraist mihta ra mai mangkri, bamna brin ai daukisa man nani ba witin mawanra mai brih waia, sim tiara pain kumi waitna kumi kat wal marit taki ba baku kaia.

Epesus 5:27

bara baku mika witin ai mawanra bri balan sim serts pranakira baku, taya tâski âpu, bara taya sriwan âpu, dîa dîa bahmuna sâtka wala sin âpu, sakuna holikira bara kasakkira pali.

Kolosi 1:22

Kuna nanara, Gâd mita man nani ba witin wal kupia kumi mai daukan Kraist ai wîna tara pât wahwi pruan ba mita. Witin naha daukan, man nani sut witin ai mawanra holikira, tâski âpu bara pâtkas pali kama dukiara.

Kolosi 1:28

Yang nani Kraist dukiara smalkisna, upla nani sut ra kupia krauki smalki banhwisna sins tânka manis ra baku dauki Kraist ra kasak wapni brih waia dukiara.

1 Tesalonaika 4:14

Yawan kasak lukisa Jisas ba prui kli buan; baku bamna, yawan kasak lukisa sim natka ra Gâd mita, witin ra kasak luki pruan nani ba, Jisas wal kli bukbia.

Jems 5:15

Bara witin nani kasak luki ai pura sunbia ba ra, siknis uplika ba rawbia, bara Dawan mita witin ra bukbia; bara saurka nani daukan kaka, sut swih tikan kabia.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.