2 Korint 3:7 - DAWAN BÎLA AISKA

⁷ Bamna Moses lâka na lika walpa tanhta ra ulbi mangkan kan, bara Moses ai mawan ba ingni pali kan balan ba ra, Israel luhpia nani mita sip witin mawan kaikras kan, ai mawan ba ingni kan bamna. Sakuna baha ingnika ba tawa tawa tiwi kan. Kuna baha lâka mita upla pruaia pâtka mihta ra mangki ba lika, pranakira pali balan kaka,

2 Korint 3:7 ပူးပေါင်းရင်းမြစ်များ

Blasi Sturka 3:21

Bara Dawan Gâd daiwan taya wina, waitna bara mairin ba dukiara prâk daukan bara witin nani ra dingkan.

Nihimaya 9:13

“Baha ningkara, Sainai ilka bahna ra bal iwram, bara witin nani wal aisaram laih kasbrika pura ba wina; bara witin nani ra lâ kasak kat daukaia lâka yaram, smalkanka kasak nani, lâ nani bara adar yamni nani ba sut.

Lawana Nani 119:174

Dawan, ¡swaki ai sâkma brinki sa, yang yamni lilia daira walisna!

Lawana Nani 119:97

¡Nahki man smalkankam ra latwan kaikisni! Bahara yang yu aiska lukisna.

Impakan Sturka 24:12

Dawan mita Moses ra win: —Il ra uli bal, yang nâra sna na kat, bara bîli kaiki bas, yang bui man ra walpa tanhta wâl maikaisna, bahara lâ nani ba ulbi maikamna, Israel luhpia nani ra smalkaia dukiara.

Impakan Sturka 31:18

Dawan ba Sainai ilka ra Moses wal aisi swin ba ra, Dawan bui witin ai mihta tâ ni baha lâka nani ulban walpaya tanhta wâl ba, Moses ra yan.

Impakan Sturka 32:19

Moses kiamp ba lamara wan ba ra, kaikan bîp lilka daukan kan ba, bara dans puli banhwi kan ba sin. Bamna Moses kupia baiwan bara il playa kat ai mihta ra lâ nani ulban walpaya tanhta wâl bri kan ba lulki saban bara baiwi pîs pîs takan;

Impakan Sturka 34:1

Bara Dawan mita Moses ra win: —Man mita walpa wâl klaks, pas walpaya kata ba yahpika baku. Bara pas walpa tanhta nani ra ulbri kan man mita kriki tikram bîla nani kata ba, kli ulbamna.

Apastil Nani Sturka 6:15

Bara lâ wihtka tara nani bara upla sut bâra iwi kan ba mita Stiben ra tawi kaikan ba ra, witin mawan ba sin insal mawan baku kan.

Roman 10:4

Bamna Kraist ra sika Moses lâka aiska daukisa, bara ya witin ra kasak luki ba Gâd mita yamni kulkan sa.

Roman 4:15

Kan lâ ba klala bri aula; kuna anira lâ âpu sa kaka, lâ bîla lui sauhkaia lâka sin âpu sa.

Roman 5:20

Bamna Moses lâka balan saurka ba kau manis takaia dukiara, sakuna saurka ba kau manis takan ba ra, Gâd kupia yamnika ba kau tara pali takan.

Roman 7:10

bara yang katna ba pruri. Baku bamna, lâ mita raya kaia lâka aikaia kan ba, prura ra ni ai brih wan.

Roman 7:22

Kupi munhtara lika, Gâd lâka ba yamni kaikisna,

Roman 7:5

Bamna yawan upla saurakira nani baku kan ba piua ra, lâ ba wan wîna brinka saura nani buki kan, bara baha mita prura ra wan brih wan.

1 Korint 13:10

sakuna aiska aihwa tânka ba balbia ba ra, wiria baman ba lap tiwbia.

2 Korint 3:3

Man nani sika Kraist pali mita ulban wauhkataya kumi sma ba, bara yang nani bâk blikan ba. Man nani sika wauhkataya kumi ink laya ni ulbras ba, sakuna Gâd rayakira Spiritka ba ni; naha lika wauhkataya kumi walpa ra ulban ba sâtka lika apia, kuna upla nani kupia ra ulban ba.

2 Korint 3:6

Kan Gâd mita sika sip wan daukan lâ raya bâk ai dukia daukaia, bara baha lika wauhkataya ra dîa ulban ba bîla wali daukaia tânka lika apia, sakuna rayaka kumi Spirit Holikira mita pain bribia ba. Lâ ulbanka ba pruaia pâtka mihta ra wan mangkisa, sakuna Spirit ba lika raya kaia wankisa.

2 Korint 3:8

¡Spirit Holikira smalkanka ba nahki prais kau pranakira kaia kan!

Galesha 3:10

Bamna ya nani Moses lâka bîla wali daukaia luki ba lika, saura pali kulkan lâka mununhtara sa. Kan Ulbanka wisa: “Lâ wauhkataya ra dîa ulban ba aiska daukras uplika nani ba lika, saura pali kulkan lâka mununhtara sa.”

Galesha 3:21

¿Bamna naha tânka na mita, Moses lâka ba Gâd pramiska nani ba mapara sa wisa ki? ¡Apia pali! Kan lâ kum yan ba upla nani ra raya kaia lâka yabi kata kaka, lâ dîa wi ba kat dauki mita Gâd pain kaikaia kan.

Kli Smalkanka 4:13

Dawan wal aisi daukan lâka ba mamrikan, baha sika lâ nani matawalsip ulban kata ba walpa ulbanka wâl ra, bara aisi wiaia dîa win ba daukaia.

Kli Smalkanka 4:8

¿Nisan tara pali aihwa bâra sa ki, naha lâka nani diara daukaia lâka nani kasak pali ba, naiwa yang bui man nani ra mai smalki mamrikisna na lâka bri ba?

Kli Smalkanka 5:22

“Naha bîla nani sika Dawan ai bîla baikra tara ni aisin pauta klauhan lilapas wina, mukus tila wina, upla sut il playa munhtara banhwi kan piua ra. Ningkara baha wina kau sturi aisaras, bara naha bîla nani walpa tanta wâl ra ulbi aikan.

Kli Smalkanka 9:15

“Il wina bal iwri piua ra, baha lika klauhi kata ba, mihti ra bri aulna kapri lâ tatka walpaya wâl ba.

Hibru Nani 12:18

Man nani lika Israel luhpia nani baku, diara kum upla bui ai mihta ni kangbaia sip kan ba, bara pauta ni sin ami kan ba lamara waras katma, bahara tihmu, tihmia tara bara pâsa karna sin kan ba;

Hibru Nani 3:3

Waitna kum utla kum mâki ba, watla ba wal witin kau pain kulkan lâka brisa. Baha sim natka ra, Jisas ba Moses purkara kau prana tara briaia sa.

Hibru Nani 9:4

Bahara dus mâka kîa pain angkaia dukiara gul altarka kum bâra kan bara lâ auhbaia watla ba sin, baha ba aiska pali lalah pali ni lalaubi prakan kata. Lâ auhbaia watla ba gul ni lalauban kan kir ba bahara kâp kum bâra kan bara bahara manâ ba bri kan; Eran bri kan dusa urhwi pâwata ba sin lâ auhbaia watla bilara kata, bara lâ daukan bîla ulban walpaya wâl ba sin.