2 Korint 2:13 - DAWAN BÎLA AISKA

¹³ Kuna kupi sip lilia apia kapri, wan muihni Taitus wal prawras kapri bamna. Baha mita, uplika nani ba ra lakula baman wih, mahka taki Macedonia tasbaya ra wari.

2 Korint 2:13 ပူးပေါင်းရင်းမြစ်များ

Daniel 6:19

Titan pali ra king ba buan, bara pat pali layan nani watla ra wan.

Mark 6:46

Bara sut blikan wan piua ra, il kumi ra wan ai pura sunaia.

Apastil Nani Sturka 21:6

Bara yang nani pana pana laikula dauki si duri tara ra aimakri; bara witin nani lika mahka ai watla ra wan.

Roman 15:26

Kan Macedonia wina bara Acaya uplika nani sin lukan lalah sakaia, bara wan muihni umpira nani Jerusalem ra bâra banhwi ba nani ra blikaia.

2 Korint 12:18

Man nani mai kaikaia Taitus ra makabi blikri ba ra, wan muihni wala kum ba sin blikri. ¿Taitus mita kunin mai munan ki? ¿Kasak apia yang nani wâl ba sim sât tâinka briri, bara sim spiritka sin bri banhri?

2 Korint 7:13

Baha mita, yang nani maisa nihkra briri. Bara maisa nihkra briri nani ba purkara, yang nani uya lilia takri, Taitus ai âuyapah pali kan ba dukiara; bamna man nani sut mita hilp munram witin ba ai kupia kumi kaia.

2 Korint 7:14

Man nani dukiamra yang âiyapah sna ba Taitus ra wîri ba ra, sari lika ai daukras kan. Sakuna, diara nani man nani ra wi nani ba lika kasak sa, bara baku sin Taitus ra wi banhri dukia nani ba sut kasak kat takan, yang nani na man nani sut dukiamra âiyapah banhwisna.

2 Korint 8:16

Bamna Gâd ra tingki wisna, yang kupi ra dîa man nani dukiamra luki kapri ba, baha sim lukanka witin Taitus kupia ra sin mangkan.

2 Korint 8:23

Upla kumi Taitus dukiara makabi walbia kaka, wis witin na lika yang pâinika sa bara aikuki asla wark dadaukra nani banhwisna man nani dukiamra. Wan muihni wala wâl ba dukiara makabi walbia kaka, wis baha nani lika serts nani ba mita blikan sa, bara Kraist ra mayuni banhwisa.

2 Korint 8:6

Bahamna, yang nani Taitus ra makabri, naha latwan lâka lalah sakaia warkka na man nani tilamra aiska pali daukbia, kainara pat witin daukata ba baku.

Galesha 2:1

Bamna 14 mani luan ningkara, kli Jerusalem ra wari Bernabé wal, baha piua Taitus sin yang wal brih wari.

Galesha 2:3

Sakuna Taitus pali sin yang wal tauki kan, bara witin Ju apia kan ba, Aisa sainka bribia dukiara taibi munras kan.

2 Timoti 4:10

kan Dimas ai lulki ai swih Tesalonaika ra wan, witin naha tasba dukia nani ba kau want kan bamna. Crescente lika Galesha tasbaya ra wan, bara Taitus ba Dalmacia ra.

Taitus 1:4

Taitus, kasak lukan lâka ban bri ba tânka ra luhpi aihwa sma ba, naha wauhkataya mai ulbisni. Gâd wan Aisa bara Dawan Jisas Kraist wan Sasakra wal mita man ra yamnika maikbia, bara kupia kumi lâka sin.