2 Korint 2:12 - DAWAN BÎLA AISKA

¹² Bamna Troas tawanka ra Kraist sturka yamni smalkaia wari ba ra, bahara piua pain kum briri Dawan sturka smalkaia.

2 Korint 2:12 ပူးပေါင်းရင်းမြစ်များ

Apastil Nani Sturka 14:27

Witin nani Antíoco ra balan ba ra, serts uplika nani sut asla paiwan, bara baha nani ra win, dîa dîa Dawan bui witin nani ra daukan ba, bara nahki Gâd mita Ju apia nani ra sin yabalka ba sakan kasak lukaia dukiara.

Apastil Nani Sturka 16:11

Bamna yang nani Troas wina duri tara aimaki, ban impaki Samotracia ra bal banhri, yu wala lika Neápolis ra.

Apastil Nani Sturka 16:8

Bamna witin nani Misia ba laihku lui, Troas ra iwi wan.

Apastil Nani Sturka 20:8

Witin nani utla purara rum kum ra asla takan, bahara sin lamp nani manis angkan kan.

Roman 1:1

Yang Pal, Jisas Kraist dukia dadaukra sna, Gâd ai paiwan witin ai apastil kaia bara Gâd bui witin swaki wan saki sturka ba upla nani ra smalkaia.

1 Korint 16:9

Bahara yang maipa ra sans tara pain kum bâra sa, Dawan warkka pain pali daukaia dukiara, bara upla ailal baha mapara banhwi ba bâra sa.

1 Korint 9:12

¿Upla wala nani mita man nani puramra naku aimakaia sip sa kaka, yang nani kau lâ brisna apia? Baha raitka yang nani brisna ba, baku daukras. Sakuna, naha sut ban twilki banhwisna, Kraist sturka yamni aisi smalkanka ba yabalka prakaia apia dukiara.

1 Korint 9:14

Baku sin, Dawan lâ mangkan swaki sakan sturka aisi smalki nani ba, baha warkka wina ai rayaka bribia.

1 Korint 9:16

Swaki sakan sturka aisi smalkaia ba lika, yang maipa ra aimayunaia dukia apia sa, kan yang baha daukaia sna. Sturi yamni ba aisi smalkras sna kaka, yang maipa ra saura pali kabia.

2 Korint 10:14

Baha mita sika, wan markka ba wina yang nani taki waras sna ba; baha ba baku kaia kan, yang nani na man nani ra pas balras katna kaka. Yang nani pas sika man nani ra balri Kraist sturka yamni ba wal.

2 Korint 11:4

Kan man nani lika uya kupiam alki takaski brisma, baha nani Jisas sât wala dukiara smalki ba mapara, yang nani mita smalkatna Jisaska sât apia ba; bara spirit sât wala, yang nani smalkri Spiritka sât apia ba, man nani pain brisma, bara swaki sakan sturka yamni pat mai smalkri ba sâtka apia smalkanka sin alki bri banhwisma.

2 Korint 11:7

¿Yang na saura smalkri ki, swaki sakan lâka mana âpu kira man nani ra mai smalkri bamna, bara yang baku mâyara bawri ba man nani purara mai bukaia dukiara?

2 Korint 4:3

Swaki sakan sturka yang nani smalkisna ba, param apia sa kaka, baha lika tanis tiwaia uplika nani ba mapa ra prakan sa.

2 Korint 4:4

Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.

2 Korint 8:18

Taitus wal wan muihni kumi sin bliki banhwisna, bara serts nani sut mita wisa, witin lika swaki sakan warkka pain pali daukisa.

2 Korint 9:13

Naha hilpka yabi banhma ba mita witin nani kaikbia man nani lika Kraist smalkanka bîla kat wali daukisma, bara baha mita witin nani bui Gâd nina mayunbia, kan man nani lika witin nani ra bara upla wala nani ra sin kupiam wilinkira hilp munram bamna.

Kolosi 4:3

Yang nani dukira sin puram suni bas, Dawan mita yang nani ra dur kum saki aikbia sturi yamni ba smalkaia; bara Kraist tânka prakan ba sin aisaia, kan naha sin dahra prakan tânka na dukiara silak ra ai brisa.

1 Tesalonaika 3:2

bara wan muihni Timoti ba man nani mai kaikaia blikri, kan witinka ba lika Gâd warkka dadaukra kum sa, bara yang nani aikuki Kraist sturka yamni ba aisi smalkaia warkka daukan. Witin ba bliki banhwisna wih mai kaikaia, man nani ba kau karna mai daukaia bara kasak lukankam lâka ba tâ baikaia sin,