2 Korint 13:3 - DAWAN BÎLA AISKA

³ Baku mika kaikma Kraist yang bâk dîa aisi ba tânka. Bamna Kraist man nani wal pramis daukan ba lika swapni daukras sa, sakuna man nani ra ai karnika ba mamrikisa.

2 Korint 13:3 ပူးပေါင်းရင်းမြစ်များ

Matiu 10:20

Kan man nani lika aisama apia, kuna Aisikam Spiritka sika man nani bâk aisabia ba.

Luk 21:15

kan yang mita dîa aisaia sma bîla nani bara sinska lâka ba sin maikamni, bamna waihlam nani kumi sin baha mapara bubia apia, aisabia sin apia.

1 Korint 7:40

Sakuna, mairka ba kli marit takras kaka, witin kau lilia kabia. Yang maipa ra lika baku sa, bara lukisni yang na sin Gâd Spiritka ba brisna.

2 Korint 10:1

Bamna yang, Pal, man nani ra mamkabisna Kraist kupia swapnika bara latwanka ba dukiara. Upla nani aisisa, yang na man nani tilamra sna ba ra lika bawikira pali sna, kuna laihura sna ba ra man nani mampara aisasara sna.

2 Korint 10:4

Kan yawan ra aiklabaia dukia ba lika naha tasba wina apia sa, sakuna Gâd wina karnika brisa, bara ba mita kan kahbaika pliska nani ba sip sa âpu daukaia, baku dahra kwakwahkra nani ra sin.

2 Korint 12:12

Baha warkka man nani tilamra kupi bawikira pali daukri ba ai marikan sa, sain nani ba mita bara wark aihka nani ba mita sin, yang na kasak apastil sna.

2 Korint 2:10

Bamna nanara, ya dîa dîa saurka daukan ba ban swih tikma kaka, yang sin baha uplika saurka ba swih tikamna. Saurka swih tikri ba lika, swih tikaia dukia bâra kan kaka, baha lika man nani tâmwan Kraist mawanra swih tikri,

2 Korint 2:6

Man nani asla aidrubi banhram bara baha uplika ra klala yaram ba, baha ba nanara mahka ban swiaia aitani sa.

2 Korint 9:8

Gâd sip sa man nani ra dîa dîa brin mai dauki ba purkara kau maikaia, bara baha purkara man nani dukiam kau manis pali bri kama bara wark yamni sât sât daukaia dukiara sin aitani kat.