2 Korint 13:11 - DAWAN BÎLA AISKA

¹¹ Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

2 Korint 13:11 ပူးပေါင်းရင်းမြစ်များ

Blasi Sturka 37:4

Sakuna ai muihni nani ba ai dara wali kaikan ai aisika ba Josep ra kau latwan kaiki ba, witin nani ra lika baku apia. Bara witin nani Josep ra misbara kaikan, bara lakula sin daukras kan.

Blasi Sturka 45:24

Witin nani mahka impakan, bara Josep witin nani ra lakula dauki, win: —Man nani yabal ra unsabi lika wapara. Bara witin nani impakan.

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Matiu 5:48

Man nani upla kasakkira banhwi bas, kasbrika purara ba kasakkira sa baku.

Mark 10:49

Bara Jisas takaski, naku win: —Witin ba paiws. Bara witin nani blain waitna ba wini, naku win: —Tâm baiki bus, witin mai winisa bamna.

Mark 9:50

Saúl ba pain sa, sakuna ai damnika tikbia kaka, ¿nahki man nani kli yamni daukma? Man nani wînam ra sâl bri bas, bara pana pana uplikam wal kupia kumi lâka ra iwi bas.

Luk 9:61

Bara wala kum bila: —Dawan, ninam blikaia want sna, sakuna ai swis yang waitla uplika nani ra pas aisabi wimna.

Jan 17:23

Yang mita witin nani ra bara man mita lika yang ra, bara baku mika witin nani ba kumi aihwa pali kabia, bara baha mita tasba uplika nani mita kaikbia man mita ai blikram ba, bara man mita witin nani ra latwan kaikisma, sim yang ra latwan ai kaikisma ba baku.

Apastil Nani Sturka 15:29

daiwan wîna aidul nani ra sakripais daukan ba lika pipara, tâlia ba sin apia, daiwan nani langki ikan wîna ba sin apia, bara upla kumi marit takras kaka ai maya ba briaia apia sa. Naha diara nani alki brima kaka, man nani pain daukisma. Bara yamni wama.”

Apastil Nani Sturka 18:21

Bamna witin nani ra lakula dauki si, win: “Dawan hilpka ra yang kli bal, man nani mai kaikamna.” Bara witin duri tara ra aimaki, mahka takan Epesus wina.

Apastil Nani Sturka 23:30

Sakuna yang sturi walri, Ju nani mita witin na ikaia lâ daukan, bamna man ra blikuna, bara yang wîri dahra kwakwahkra nani ba sin man mamwanra bal aisabia. Bamna aisabi.”

Roman 12:16

Uplikam wal asla iwi bas. Man nani ba kau tara sma lukpara, sakuna bawikira baku bas. Man nani ba sinskira sma lukpara.

Roman 12:18

Man nani sin trai kaiks, sip sma ba kat, upla sut wal kupia kumi lâka ra iwi kaia.

Roman 14:19

Baku bamna, kupia kumi lâka dauki dukia nani ba nina blîkpi, baha diara nani wal sip ba, wan walka wal pana pana hilp munaia spirit lâka mapara pâwaia dukiara.

Roman 15:13

Bamna Gâd bui man nani ra bîla kaikaia lâka maiki ba, lilia bara kupia kumi lâka ni mai banhkbia, kan man nani sika witin ra kasak lukisma ba, bara bîla kaikanka sin uya maikbia Spirit Holikira karnika ba mita.

Roman 15:33

Kupia kumi Gâdka ba, man nani sut wal kabia. Baku kabia.

Roman 16:20

Bara naika pali kupia kumi Gâdka mita man nani minam mununhtara Sitan ba taibia. Bamna wan Dawan Jisas Kraist mita yamni mai munbia.

1 Korint 1:10

Muihki nani, wan Dawan Jisas Kraist nina ra man nani ra makabisni: diara nani aisisma ba mapa ra aikuki kupia kumi asla taks, bara baku mika, man nani tilamra dakwi takan lâka nani âpu kabia; sut aikuki asla pali banhwi bas, kupiam lukanka kumi brih, bara dîa daukaia lukisma ba mapa ra sin kumi kaia.

2 Korint 1:4

Pât nani sut yawan wahwi ba tilara witin yawan wan maisa nihkisa, bara baku yawan sin sip kabia wala nani pât wahwi ba sin maisa nihkaia, witin wina baha maisa nihkra yawan ra wanki ba, baha nani ra yabaia.

2 Korint 13:9

Baha mita, yang nani ani piua swapni takisna bara man nani karna sma ba ra, uya lilia banhwisna; man nani karna takma dukiara yang nani ban puri suni kamna.

Epesus 4:12

Witin naku daukan, Gâd uplika nani bani kristian warkka daukaia ba mata, Kraist wîna tara ba pain paskaia dukiara,

Epesus 4:3

Trai kaiks, piua bani aikuki kumi kaia Spirit Holikira hilpka ra, kupia kumi lâka mita asla mai praki bamna.

Epesus 6:23

Bamna Gâd Aisa bara Dawan Jisas Kraist mita, wan muihni nani ra kupia kumi lâka bara latwan lâka yabia, kasak lukan lâka ba wal;

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

Pilipai 3:16

Sakuna naha na lika: yawan luki iwi kaia sa dîa pat alkan ba kat.

Pilipai 4:2

Evodia ra bara Síntique ra sin makabisni, trai kaiki wal ai kupia kumi lâka daukbia Dawan ra, ai muihni nani baku.

Pilipai 4:4

Man nani piu bani ra, Dawan ra liliam bas. Yang kli wisni: ¡Liliam banhwi bas!

Pilipai 4:9

Diara nani man nani ra mai smalkri ba, maikatna ba, diara nani yang aisari walatma ba bara daukri kaikatma ba sin, baha sut dauki bas; man nani baha dauks, bara kupia kumi Gâdka ba man nani wal kabia.

1 Tesalonaika 3:10

Kakna bara tihmia Gâd ra makabi banhwisna, yang nani naikra pali ni wih mai kaikaia, bara kasak lukankam lâka mapa ra dîa dîa kau luha sma ba sin maikaia.

1 Tesalonaika 4:1

Nanara, muihki nani, Dawan Jisas nina ra man nani ra mamkabisna bara sin kupiam kraukisna: man nani iwankam natka yamni ra yu bani kau pâwi kama, baha sika yang nani wina lan takram ba Gâd kupia lâka daukaia dukiara, bara pat baku dauki banhwisma ba.

1 Tesalonaika 4:18

Baku bamna, pana pana walkam nani aikuki naha bîla nani wal maisa nihki tâm baiki bas.

1 Tesalonaika 5:13

Witin nani ra kasak kulki bas, bara kasak sin latwan kaiks, witin nani wark dauki nani ba dukiara. Pana pana walkam nani aikuki kupiam kumi lâka ba brih iwi bas.

1 Tesalonaika 5:16

Man nani piu sut liliam bas.

1 Tesalonaika 5:23

Gâd pali mita, witinka kupia kumi lâka wanki ba, man nani ba witin ai uplika pali mai daukbia, bara spiritkam, sulkam bara wînam tara ba sin tâski âpu yamni bri kabia, wan Dawan Jisas Kraist balaia ba dukiara.

2 Tesalonaika 2:16

Wan Dawan Jisas Kraist pali mita bara Gâd wan Aisa, witinka ai yamnika ra latwan wan kaikan ba, ban kaia ra maisa nihkra wankan ba, bara bîla kaikanka yamni kum sin wankan sa,

2 Tesalonaika 3:1

Tnata ra, muihki nani, yang nani maita puram suni bas, Dawan sturka yamni ba aihni pali plis plis ra wabia, bara baha ba yamni kulki bribia, man nani tilamra takan ba baku.

2 Tesalonaika 3:16

Bara kupia kumi lâka Dawanka ba mita, piu bani kupia kumi lâka natka sât sât ra maikbia. Dawan ba man nani sut aikuki kabia.

2 Timoti 2:22

Baku bamna, wahma nani brinka karna ba wina tnaya ra taws, bara kasakka lâka nina blîks, kasak lukan lâka, latwan lâka bara kupia kumi lâka ba sin, baha nani ai kupia klin brih, Dawan ra hilp makabi wini nani ba sut aikuki.

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.

Hibru Nani 13:20

Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.

Jems 1:4

Trai kaiks baha bapi buram ba kat kauhras ban kaia, baku mika man nani upla aiska bara aitani kat kama, diara sut sin bri kama.

1 Pita 3:11

Saurka ba wina tnaya ra taki diara yamni daukaia sa; witin kupia kumi lâka pliki, baha nina kat waia sa.

1 Pita 3:8

Tnata ra, man nani sut kupia kumi lâka ra iwi bas; pana pana walkam ra umpira kaiki bas, bara pana pana sin aikuki muihkam baku latwan kaiki bas. Man nani kupiam swapnikira bara bawikira nani bas.

1 Pita 5:10

Sakuna piu wiria pât wauhram kabia ningkara, Gâd mita man nani ba aihwakira, dutki pali, karna kasak pali mai daukbia. Baha sim Gâdka sika yamnika nani sut wanki ba, bara ai prana ban kaia bara wan dukia briaia wan paiwan sa, Jisas Kraist wal asla.

Param Marikanka 22:21

Wan Dawan Jisas Kraist mita man nani sut ra yamni mai munbia.