2 Korint 12:7 - DAWAN BÎLA AISKA

⁷ Diara nani param kaikri ba lika diara aihka pali kan, baha mita yang sip maiyunamna apia, wîni ra latwan kum aikan kata sin wîni tara ra kiaya kum ai diman ba baku, bara baha lika Sitan warkka baku balan kan wîni tara ra rausauhkaia.

2 Korint 12:7 ပူးပေါင်းရင်းမြစ်များ

Blasi Sturka 32:25

Bara waitna ba kaikan Jekob kau karna, witin mita sip pura luras kan, bara Jekob kilka dusa ra prukan, bara ai kuhma dusa dingkanka ba kat snikwan.

Blasi Sturka 32:31

Yu kalwi ulan ba ra, Jekob Penuel wina taki wan; sakuna ai kilka dusa latwan bri kan bamna, prutwi wan.

2 Kronikas 26:16

Sakuna ai karnika ba brin ba ra kli praut takan, baha tâka witin ra sauhki tikan. Witin Dawan ai Gâdka ra kulkras daukata, kan witin Dawan tempelka ra dimi mahka kîa yamni dukia nani ba angkan altar ra.

2 Kronikas 32:31

Baku takan kata Babilon ra sin, baha nani ai tâ uplika nani blikan wan ba piua ra, bara sin bal win kan nahki sain aihka tara kum takan ba baha tawanka ra. Bara Dawan bui Ezequías ra yakan swin, witin ai kupia mununhta ba kaikaia bara dîa luki ba sin kaikbia dukiara.

Job 2:6

Bara Dawan pana dahra kwakwahkra ra win: —Aitani, dîa witin ra daukan mai dauki ba kat dauks, ban sakuna ai rayaka ba lika tikpara.

Job 2:7

Dahra kwakwahkra ba Dawan wina mahka taki wan, bara witin mita Job purara siknis saura blikan, taya ra bara mina wina lal kat yukri takan.

Isikiel 28:24

‘Israel ba kli pât wauhbia apia, kiaya tatwa bara latwan pali ba misbara ni upla wala nani kîa ba mita kaiki ba. Bara ai tânka bribia yang sika Dawan sna ba.’

Daniel 5:20

Sakuna ai kupia ra pura luan lâka ni banhwan, ai kupia karna daukan, ai wîna kulkanka lâka sin brin. Bamna karnika bara prana kulkan lâka king bri kan ba, witin wina sakan.

Oseas 2:6

“Baha mita ai yabalka ba, kiaya nani ni prakamni bara kaina kir kutbamna, bara ai yabalka nani ba pliki sâkbia apia.

Kulki Kaikanka 33:55

Man nani tasbaya uplika nani ba kangbi sakras kama kaka, baha nani takaskuya ba man nani mampara pât bukbia, dus tatwa baku kiaya wînam ra ba dimi baku kabia, tasba ba man nani paskma piua ra.

Matiu 26:67

Ai mawan ra yabalaya tuhbi, prukan. Wala nani mita mawan ra pruki,

Matiu 4:10

Bara Jisas bila: —Sitan, na wina taki was, kan Ulbanka ra wisa: ‘Man Dawan Gâdkam ra lulam kriki puram suni mayunma, bara witin dukia baman sin daukma.’

Luk 13:16

Bara naha mairka na lika Ebraham kiamka, kuna Sitan mita naha sikniska wal priski bri kan 18 mani; ¿bara ris yua ra ai sikniska ba wina lanhkaia sip apia kan ki?

1 Korint 4:11

Naiwa yua pali kat plun wahwi banhwisna, din wan daukisa, bara kwala sin âpu banhwisna, upla nani rau wan sauhkisa, yang nani waitla pali âpu,

1 Korint 5:5

baha waitnika ba Sitan mihta ra mangkan kaia sa, ai wîna tara ba sauhki tikaia dukiara, bara ai spiritka ba lika Dawan Jisas balbia yua ra, swaki sakan kabia.

2 Korint 10:10

Upla nani wisa, yang wauhkitaya nani ba lika wirha bara karna pali sa, kuna wîni tara mapa ra wîk bara bîlas baku sturi sip pain aisaras sna.

2 Korint 10:5

Baku bamna, dahra kwakwahkra nani, wan mapara babura nani bara ai prautka lâka ra Gâd tânka kaikaia wina wan takaski nani ba sut, yang nani mita bataki banhwisna. Wan wîna sinska lâka ba sut Kraist mihta ra mangkisna, witinka ba bîla wali daukbia dukiara,

2 Korint 11:20

Bamna man nani lika kupiam alki takaskisma ai dukia daukaia adar maiki nani ba mapara, aiska mai langki pi nani ba mapara, man nani dawankam taki nani ba, swiram paski nani ba mapara, mamwanra mai pruki nani ba mapara sin.

2 Korint 12:1

Diara kumi sin hilp sakras upla kum witin yakan ai dukiara diara aisaia tânka ba wina, bamna kanra pain kabia diara aihka nani bara param kaikri dukia nani Dawan ai marikan nani ba aisaia.

Galesha 4:13

Pat kaiki banhwisma, tâ pali piua ra swaki sakan lâka man nani ra mai smalkri ba, yang baku daukri wîni tara ra siknis kum mita rau ai sauhki kan ba mita.

Kli Smalkanka 17:20

baha mita witin ai tawanka uplika nani ba wal kau tara sa lukaia apia sa, naha lâka nani na wina sin tnaya ra tawaia apia sa. Baku lika witin bara ai kiamka nani ba sin piua yari bribia, Israel kingka aimakaia.

Kli Smalkanka 8:14

Tara pulan lâka ni aibanhwi, Dawan Gâdkam âmya tikpara, alba kapram Idsip wina mai sakan ba.

1 Timoti 3:6

Bamna, tâ bri uplika ba, bisi pali Dawan ra tawan uplika kaia apia sa, witin ai wîna ba tara puli dibil pât ra lulkan ba baku witin ra sin lulkbiara sîa.

Wihta Nani 2:3

Baha mita nanara yang bui man nani ra mai wisni: Baha uplika nani ba man nani mamwan wina kangbi sakamna apia, witin nani aidulka nani ba sin man nani minam prukaika nani kabia.”