2 Korint 12:6 - DAWAN BÎLA AISKA

⁶ Ban kra yang painki tânka aisamna kra, kuna baha lika sinskas tânka lika apia, kan diara kasak ba baman aisi kamna sa; kuna baha daukras sni, baku lika upla kumi sin wibia apia, yang na kau tara dîa ai kaiki ba wal, apia kaka upla wala yang aisari wali ba wal sin.

2 Korint 12:6 ပူးပေါင်းရင်းမြစ်များ

Job 24:25

Naha na baku apia sa kaka, ¿ya sip sa kuninkira apia sna ai wiaia, bara tâinka pliki kaikaia, swakwanki ba sin?

Roman 9:1

Yang Kraist ra kasak lukisna ba mita, kunin aisaras, diara kasak ba aisisna. Baha purkara, yang kupi lukanki ra Spirit Holikira tâi brisa, bara mairikisa aisisna na kasak sa:

1 Korint 3:5

Bamna, ¿Pal ba ya?, ¿bara Apolos ba ya? Yang nani lika Gâd dukia dadaukra nani baman sna, bara yang nani mita sika Dawan ra kasak luki banhram ba. Yang nani kumi bani lika Dawan wark aikan ba kat daukisna:

2 Korint 1:18

Bamna Gâd lika witnis sa, yang nani bui man nani ra mai wiras sna “daukamni” bara “daukamna apia.”

2 Korint 11:16

Bamna kli wisna: upla kumi sin lukbiara, yang na tanis takisna; kuna baku ban lukbia kaka, ban ai swis tanis baku ban aisi kamna, bara baku mika yang sin sip kamna wiria pan aimayunaia.

2 Korint 11:31

Gâd wan Dawan Jisas Kraist Aisika ba, witinka mayunan lâka ban kaia ra briaia aitani ba mita kaikisa, yang lika kunin aisaras sna.

2 Korint 12:11

Yang lika upla tanis kum baku diara daukri, sakuna man nani mita ai munram baku daukaia. Kan man nani lika yang painki bara yamniki aisaia sip kapram. Kan apastil tara nani man nani mita nina blikisma ba wal, yang kau mâyara apia sna, man nani diara apia ai kulkisma sakuna.

2 Korint 12:7

Diara nani param kaikri ba lika diara aihka pali kan, baha mita yang sip maiyunamna apia, wîni ra latwan kum aikan kata sin wîni tara ra kiaya kum ai diman ba baku, bara baha lika Sitan warkka baku balan kan wîni tara ra rausauhkaia.

2 Korint 5:13

Bamna yang nani na tanis atia sna kaka, baha lika Gâd dukiara ba mita; bara tanis apia banhwisna kaka, baha lika man nani dukiamra.

2 Korint 7:14

Man nani dukiamra yang âiyapah sna ba Taitus ra wîri ba ra, sari lika ai daukras kan. Sakuna, diara nani man nani ra wi nani ba lika kasak sa, bara baku sin Taitus ra wi banhri dukia nani ba sut kasak kat takan, yang nani na man nani sut dukiamra âiyapah banhwisna.