2 Korint 11:20 - DAWAN BÎLA AISKA

²⁰ Bamna man nani lika kupiam alki takaskisma ai dukia daukaia adar maiki nani ba mapara, aiska mai langki pi nani ba mapara, man nani dawankam taki nani ba, swiram paski nani ba mapara, mamwanra mai pruki nani ba mapara sin.

2 Korint 11:20 ပူးပေါင်းရင်းမြစ်များ

Aiseya 50:6

Yang nini ba ai praprukra nani ra yabri, ai wipan, yang maiwan nani ba sin wan unmaya dadaikra nani ra yabri, bara maiwan ba sin yukukras kapri saura aisi nani ba wina, yabalaya ni ai tuhbi kan ba sin.

Inanka Nani 3:30

ai mawan taya ba yabaia sa witin ra prukbia uplika ra, bara swira daukanka lâka manis sin briaia sa.

Mark 12:40

piarka mairin nani ra sin ai watla dakbisa, bara kunin man ai pura sunra yari sunisa. Witin nani sika kau klala tara bribia ba.”

Luk 6:29

Ya kra mita mamwan tanhtika kumi ra mai prukbia kaka, mawan tanhtika wala ba sin laki yas mai prukbia; ya kra mita prâmka pura tani ba mihtam dakbi brih wabia kaka, prâmka pali ba sin yas brih wabia.

1 Korint 4:11

Naiwa yua pali kat plun wahwi banhwisna, din wan daukisa, bara kwala sin âpu banhwisna, upla nani rau wan sauhkisa, yang nani waitla pali âpu,

2 Korint 1:24

Luki kapara yang nani bui man nani dîa kasak lukaia sma ba taibi mai munamna, kasak lukan lâka ra man nani aitani kat sma; bamna kau lilia lâka bri banhma dukiara hilp mai munaia want banhwisna.

2 Korint 10:5

Baku bamna, dahra kwakwahkra nani, wan mapara babura nani bara ai prautka lâka ra Gâd tânka kaikaia wina wan takaski nani ba sut, yang nani mita bataki banhwisna. Wan wîna sinska lâka ba sut Kraist mihta ra mangkisna, witinka ba bîla wali daukbia dukiara,

2 Korint 11:3

Kuna si brisna piuta ai kuninka ba ni Iv ra kunin munan ba baku, swirka man nani ra sin kunin mai munbia, bara kupiam lukanka kumi ba bara sunu kaia lâka Kraist tani brisma ba sin swima.

2 Korint 12:16

Apia, yang lika man nani puramra karban wirha kum baku apia katna. Ban sakuna, upla tila aisi banhwisa yang namna âiya mâira sna bamna man nani minam ba alkaika kum ra wilkri.

Galesha 2:4

Kasak pali, wan muihni kuninkira tila nani yukuwi, yang nani tilira dimi banhwan ba bui lika want kan, Taitus ba Aisa sainka bribia. Naha nani lika biki kakaira nani baku diman, yang nani Jisas Kraist wal asla takri mita pri lâka brisna ba kaikaia, bara kli alba wan daukaia wisi.

Galesha 4:25

Bamna Agar tânka ba wan marikisa, Sainai ilka Arabia ra bâra ba dukiara, bara naha wan marikisa naiwa yua Jerusalemka ba dukiara; bara naha tawanka lika ai luhpia nani aikuki alba nani takan sa.

Galesha 4:3

Yawan wan mapa ra sin baku sa: kau tuktan kata ba piua ra, baku wibia, yawan bâra kata naha tasba ra pura aimaki karnika nani bâra kan ba mina ra kan.

Galesha 4:9

Sakuna nanara Gâd kakaira takram na ra, apia kaka kau param wiaia, Gâd sin man nani mai kakaira takan na ra, ¿nahki baha karnika swapni bara umpira nani kata ba ra kli tawi alkma, baha nani albika kli takaia wisi?

Galesha 5:1

Bamna yawan pri kabia wisi, Kraist mita pri wan sakan. Baku bamna baha pri lâka ba kat ban bapi bûi bas, bara kli sin alba lâka twilkaika ra kapara.

Galesha 5:10

Yang Dawan ra kasak lukisna man nani diara sât wala luki kama apia; man nani kupiam warbi mai muni uplika ba, ya ya kabia kra, kuna Gâd bui klala yabia.

Galesha 6:12

Baha nani mita mai priski lâka ra Aisa sainka daukaia mai muni ba, witin nani baha daukisa upla nani wal pain kaia dukiara baman, bara Kraist dusa prihni tâwan rausauhkan kabia apia dukiara.

Pilipai 3:19

piua tnata ra, naha nani sut sauhki tikan kabia. Witin nani gâdka lika ai wîna brinka nani, bara ai swira briaia dukia nani ba watlika ra, kalwi banhwisa. Witin nani ba naha tasba dukia nani ra baman lukisa.

1 Tesalonaika 2:5

Kan man nani kaikisma ba baku, yang nani mita man nani ra mamyuni bîla painkira nani aisaras, bara lalah briaia wisi kunin bîla nani sin aisaras katna. Gâd baha witniska sa.