2 Korint 11:13 - DAWAN BÎLA AISKA

¹³ Kan baha nani ba apastil kuninkira nani, kunin mamunra nani sa, bara Kraist apastilka nani baku talia takisa.

2 Korint 11:13 ပူးပေါင်းရင်းမြစ်များ

Jirimaya 23:16

Karnika sut bri ba, Dawan, aisisa: “Israel luhpia nani, prapit nani aisi ba walpara. Witin nani aisi ba kunin baman aisisa, witin nani luki kaiki si ban baku aisisa yakan, yang bui witin nani ra diara wiras.

Jirimaya 27:14

Baha prapitka nani ra walpara Babilon kingka ra bawaia apia mai smalki ba, baha man nani ra mai wi ba kunin.

Matiu 25:24

“Sakuna alba 1,000 brin ba balan bara ai dawanka ra naku win: ‘Dawan, yang kaikri man ba waitna kupiam karna, bara mangkras sma ba wina man dâkisma, diara yakabras sma ba wina sin wahbisma.

Apastil Nani Sturka 15:1

Baha piua ra tila upla nani Judia wina Antíoco ra balan. Baha nani mita wan muihni nani ra naku smalkan: swaki sakan lâka ba briaia kaka, Aisa sainka ba ai wîna ra briaia, Moses lâ yan ba kat.

Apastil Nani Sturka 15:24

Yang nani tânka briri tila upla nani adar yaras katna ba, naha wina taki man nani ra wan; bara witin nani bui man nani ra aisi ba mita ambuk mai muni mamwahkan.

Apastil Nani Sturka 20:30

Bara man nani pali tilam wina sin upla tila nani bubia, bara diara kasak ba swi si kunin ni smalkbia, kristian nani ai nina blîkbia wisi.

Roman 16:18

kan bahmuna sât uplika nani ba wan Dawan Jisas Kraist dukia daukras sa, sakuna ai biara warkka daukisa, bara witin nani ai bîla damnika bara ai bîla ni pain aisi ba mita upla sins aitani briras nani ra kunin munisa.

2 Korint 11:15

bara baha mita Sitan dukia dadaukra nani ba sin diara pain dauki uplika talia takisa. Sakuna baha nani yua tnata ba alkbia ai warkka nani ba kat.

2 Korint 2:17

Yang nani lika Gâd smalkanka bani bisnis daukras, upla manis mita aihka laki dauki ba baku; sakuna, yang nani lika baha smalkanka ba aitani kat kunin âpu smalkisna, Gâd mita wan blikan baku, bara Gâd mawanra aisisna sim Kraist uplika nani baku.

2 Korint 4:2

Wan swira daukaia dukia baman yukuwi dauki ba, yang nani swiri; bara kunin lâka wal taukras, Gâd bîla smalkanka ba kunin lâka praki smalkras. Sakuna baha watlika ra diara kasak ba baman aisisna, bara baku yang nani tâinka ba upla wala nani sut kupia lukra ra mangki swiri Gâd mawanra.

Galesha 1:7

Man nani kasak lukpara, swaki sakan lâka smalkanka wala kum bâra sa. Baha lika, upla tila nani mita trabil mai munisa, bara Kraist swaki wan saki smalkanka ba bahki ra lakaia lukisa.

Galesha 2:4

Kasak pali, wan muihni kuninkira tila nani yukuwi, yang nani tilira dimi banhwan ba bui lika want kan, Taitus ba Aisa sainka bribia. Naha nani lika biki kakaira nani baku diman, yang nani Jisas Kraist wal asla takri mita pri lâka brisna ba kaikaia, bara kli alba wan daukaia wisi.

Galesha 4:17

Baha uplika nani ba uya man nani ra lukisa, kuna ai kupia pain lâka ni lika apia. Witin nani brin daukisa man nani ba, yang nani wina dakbi mai sakaia, bara ningkara man nani mita, witin nani ra brin mai dauki kira plikma dukiara.

Galesha 6:12

Baha nani mita mai priski lâka ra Aisa sainka daukaia mai muni ba, witin nani baha daukisa upla nani wal pain kaia dukiara baman, bara Kraist dusa prihni tâwan rausauhkan kabia apia dukiara.

Epesus 4:14

Bara yawan na tuktan ban kaia apia sa, witin nani ai natka isi sât wala takisa, ya ya smalkanka raya smalki nani ba payaska ba mita raski brih auya, âuya mâira nani aimawahkan yabalka ra tauki nani ba mita sin kunin munisa.

Pilipai 3:18

Naha dukia na man nani ra pat aima manis mai wîri, bara nanara naikra laya saki kli mai wisni: upla ailal bâra sa, witin nani Kraist dusa prihni ba wal ai waihla brih iwisa,

Pilipai 3:2

Aman kaiki banhwi bas baha upla saura nani ba mapara, witinka nani diara saura dadaukra nani bara wan wîna tara ra klaki banhwi ba.

Kolosi 2:4

Naha yang bui man nani ra mai wisna, upla kumi mita sin yarka ai bîla damni aisi ba ni, kunin mai munbia apia dukiara.

Kolosi 2:8

Man nani aman kaiki bas: Upla nani kunin baman diara bahki aisi ba mita yarka kunin mai muni mai brih wabiara; kan baha nani ba Kraist ra ai tâ baikras sa, sakuna upla iwanka lâka kat bara naha tasba lâka karnika baman ra wataukisa.

1 Jan 2:18

Luhpi lupia nani, piua tnata ba pat baila sa. Man nani walram upla kumi Kraist mapara ba dukiara, witin aula; nanara upla manis buan sa Kraist mapara, baha mita yawan kaikisa tnata yua ba baila sa.

1 Jan 4:1

Muihki laitwankira nani, Spirit brisa wisi aisi nani ba sut ra kasak lukpara, sakuna tânka nani ba pliki kaiks, Spirit brih aisi ba sut Gâd wina sa sapa. Kan tasba na prapit kuninkira nani ni aibanhwan sa, bamna wisa dîa witin nani aisi ba lika Gâd wina baman sa.

Judas 1:4

Bamna upla tila nani, kunin lâka ni tilara diman sa. Baha nani ulbanka ra pat maisa pakan sa, pât ban kaia ba ai dukia bribia. Baha nani lika upla saura nani sa, witin nani lika Gâd umpira kaikanka lâka ba brih, kunin lâka ra laki wan Dawanka kumi ba, Jisas Kraist ra kulkaia apia wisa.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.

Param Marikanka 2:2

Dîa daukisma ba, yang sut kaikisna; wark karna daukisma ba bara ban bapi buisma ba sin, bara kaikisna upla saura dauki nani ba mapara sip ban swiras. Baha nani ai nina apastil mâkisa, sakuna apastil apia bara ai tânka trai kaikram ba sin, yang pain kaikisna; bara kaikram baha nani ba kuninkira nani sa.

Param Marikanka 2:20

Sakuna mampara diara kum brisna: baha mairka Jezabel wi ba man mita ban brisma, bara witin wisa Gâd prapitka kum sa. Ai smalkanka ni duki dadaukra nani ra kunin munisa rug lâka daukbia wisi, bara aidul nani ra sakripais daukan dukia nani sin pibia wisa.

Param Marikanka 2:9

Man pât nani wahwisma bara umpira sma ba sut yang kaikisna, man lika yuyakira sma sakuna. Witinka nani ai nina Ju mâki ba bara mampara saura aisi ba sin kaikisna, sakuna baha nani lika Ju apia sa; baha nani lika Sitan daknika uplika nani sa.