2 Korint 10:5 - DAWAN BÎLA AISKA

⁵ Baku bamna, dahra kwakwahkra nani, wan mapara babura nani bara ai prautka lâka ra Gâd tânka kaikaia wina wan takaski nani ba sut, yang nani mita bataki banhwisna. Wan wîna sinska lâka ba sut Kraist mihta ra mangkisna, witinka ba bîla wali daukbia dukiara,

2 Korint 10:5 ပူးပေါင်းရင်းမြစ်များ

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

2 King Nani 19:22

¿Ya ninara saura aisi lawaska kikram? ¿Ya mapara bîlam karna saki aisaram bara namkra nani ba kwalhwi pura kat bukram? ¡Israel Gâdka holikira ba mapara sika!

2 King Nani 19:28

Bara kupiam sauhkan lâka brisma ba kaikisna mita, bara pren takankam ba sin, baku ba mita yang bâra diara krukma kum kakmam ra klauhbi pamamna bara unam mangkaika sin mangkamna; baku kli mai lakrika wama ani yabalka balram bâk.”

Job 42:6

Baha mita dîa sna ba wina kupi lakisna, tasba yuya bara yamhpus ra iwisna ba wina.

Lawana Nani 10:4

Ai kakma snungki lawi bara aisisa: “Gâd âpu. Dîa daukisna ba ya mita maikabi walaia âpu sa.” Baha baman witin lukisa.

Lawana Nani 139:2

Man, yang daukanki nani sut ba kaikisma; yang kupi ra lukisna ba, man laih wina kaikisma.

Lawana Nani 18:27

Upla bawikira nani ba man swaki sakisma, sakuna pura lui ai mayunra nani ba, man mâyara batakisma.

Lawana Nani 18:44

Witin nani naha walbia ba ra, yang bîli wali daukbia; tringsar nani ba maiwanra mâyara bawbia,

Impakan Sturka 5:2

Sakuna king fero aisi pana win: —¿Bara ‘Dawan ba’ yamna? ¿Bara dîa muni yang bui witin ai bîla wali Israel luhpia nani ba swirka taki wabia? Baha purkara, yang sin Dawan ba kakaira apia. Bamna Israel luhpia nani ba swirka taki wabia apia.

Sins Lâka 15:26

Upla saurakira luki paskan tânka nani ba, Dawan mita saura pali kaikisa, sakuna ai uplika sunukira bîla tâski âpu aisi ba lika, yamni kaikisa.

Sins Lâka 24:9

Upla taniskira lukanka ba sika, saurka lâka ba; ¡upla âpu sa taniskira wal ai kupia alki takaskaia!

Aiseya 2:17

Witin nani baman sa luki purara uli wan nani ba mâya pali kat batakan kabia. Baha yua ra Dawan mita, witin baman purara ba tânka marikbia,

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Aiseya 59:7

ai mina nani ba saura ra plapisa, aihni taukisa tala pâtkas ba laikaia dukiara. Ai lukanka ba upla ikaia baman lukisa, bara yabal ra lui auya ba, sauhki tikaia, bara kriki tikaia lâka nani man sa.

Aiseya 60:14

Taibi mai muni kan luhpia nani ba, man mamwanra bawikira balbia, lamwaska kiki nani kata ba sut sin, bal minam ra ai lula kriki ai pura sunbia bara mai wibia: ‘Man ba Dawan Tawanka ba’, ‘Gâd Saionka, Israel ra Holikira ba.’

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Isikiel 17:24

Bara dus nani sut ai dahra walbia, yang sika Dawan sna ba. Yang ba dus kwakwalhra ra batakisna bara dus sirpi ba yabri pâwisa. Yang dus kura ba yâri lâwisa, bara yabri dus lâwan ba kli sangni takisa. Yang, Dawan, baku wisni bara daukisna.’ ”

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Matiu 15:19

Kan wan kupia wina aula ba lika naha nani: lukanka saura nani, upla ikaia lâka, marit lâka sauhkaia, tâski lâka nani, implikan lâka nani, kunin lâka nani, upla nina ra kunin aisaia lâka nani sin.

Luk 1:51

Ai karnika sut wal daukan, prautkira nani lukanka ba âpu daukan.

Roman 1:21

Bamna baku Gâd ra kakaira sa, sakuna Gâd ra mayunras bara tingki sin wiras. Kau ni diara bahki nani ra baman ai lukanka mangkan, bara witin nani ai kupia tanis ba tihmia ra bamna, ba kat takaskan sa.

Roman 1:5

Bara Jisas Kraist bâk, Gâd bui yang na witin ai apastilka baku ai blikan, witin ai nina sturka ba aisaia, nisan nani sut tilara witin ra kasak luki ai bîla wali dauki ba bâra kaia.

Roman 16:26

sakuna nanara baha tânka ba param marikan sa prapit nani bâk Ulbanka mita, Gâd ban rayakira adarka ba kat. Naha dahra yukukan kan tânka na nisan sut ra param marikan sa, kasak lukbia bara bîla kat wali daukbia.

Roman 7:23

kuna yang wîni tara ra diara aihka kum kupi brinka ba mapara aiklabi kan kaikisna; baha sika saurka lâka yang wîni ra bâra ba mita silak ra ai mangki ai bri ba.

1 Korint 1:19

Kan Ulbanka ra wisa: “Sinskira nani sinska lâka ba yang bui sauhki tikamna, bara tânka kakaira nani tânka lâka ba tnaya ra laki swimna.”

1 Korint 3:19

Kan naha tasba sinska lâka ba Gâd mapa ra sins âpu dukia baku sa. Ulbanka ra wi ba baku: “Gâd mita sinskira nani ba ai âuyama lâka kat prak alkbia.”

2 Korint 11:20

Bamna man nani lika kupiam alki takaskisma ai dukia daukaia adar maiki nani ba mapara, aiska mai langki pi nani ba mapara, man nani dawankam taki nani ba, swiram paski nani ba mapara, mamwanra mai pruki nani ba mapara sin.

2 Korint 9:13

Naha hilpka yabi banhma ba mita witin nani kaikbia man nani lika Kraist smalkanka bîla kat wali daukisma, bara baha mita witin nani bui Gâd nina mayunbia, kan man nani lika witin nani ra bara upla wala nani ra sin kupiam wilinkira hilp munram bamna.

Kli Smalkanka 15:9

Naha lukanka saura na kupiam ra bripara: ‘Mani 7 upla traska ban swih tikaia manka ba pat baila sa,’ bara man uplikam umpira bâra sa kaka, mamwan saura dauki diara kumi sin lin munras kama kaka, witin mampara winanka daukbia, Dawan ra sin, bara baha daukanka ba man ra saurka baku mai kulkbia.

Pilipai 4:7

Bara Gâd ai kupia kumi lâka bara upla tânka briaia praiska sut pura lui ba, witin maikbia; bara naha kupia kumi lâka na, man kupiam nani lukanka nani sin main kaiki kabia, Kraist Jisas wal asla.

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.

2 Tesalonaika 2:8

Bâra mika, baha saurakira ba bal takbia ba ra, Dawan Jisas mita ai bîla wingka puhbanka ni ikbia, bara witin aula ingnika ba wal sauhki tikbia.

Hibru Nani 4:12

Kan Gâd bîla ba rayaka brisa, bara karnika sin brisa. Baha ba sika sord mala napa wâl bri ba sut purkara kau mala sa, bara wan sulka bara wan spiritka biara pali ba kat dimi wisa, wan lukutbaika bara wan dusa bîla kat sin. Baha bîla ba mita wan kupia lukanka nani ba bara dîa daukaia luki ba sut sin klir pali sakisa.

Hibru Nani 5:9

Witinka ra aiska aihwa daukan kan ba ra, witin ba ban kaia ra swaki sakan lâka kârma laya takan, ai bîla wali dauki nani sut dukiara;

1 Pita 1:2

Man nani ba Gâd Aisa mita bâk mai sakan sa patitara wina, dîa daukaia lukan ba kat. Spirit bâk man nani ba upla holikira nani mai daukan sa; witin ra ai bîla wali daukma dukiara, bara Jisas Kraist tâlia mita klin mai daukbia dukiara sin. Bamna, man nani ba yamnika nani bara kupia kumi lâka manis pali bri kama.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.