2 Korint 10:1 - DAWAN BÎLA AISKA

¹ Bamna yang, Pal, man nani ra mamkabisna Kraist kupia swapnika bara latwanka ba dukiara. Upla nani aisisa, yang na man nani tilamra sna ba ra lika bawikira pali sna, kuna laihura sna ba ra man nani mampara aisasara sna.

2 Korint 10:1 ပူးပေါင်းရင်းမြစ်များ

Lawana Nani 45:4

Man pramna ba sika, pura lui kainamra auya, kasak tânka ba dukiara aiklabi kaia sa; bara kasakka lâka daukaia, upla bawikira nani ra bara mihtam aihkika ba, ¡kupiam karnika tara ba warkka daukisa!

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Matiu 11:29

Twilkaika puramra sunisna ba man nani bris, bara yang wina lan taks, kan yang lika praut âpu, kupi sin bawikira sna; baku lika man nani riskam brima.

Matiu 21:5

“Man nani Saion tawanka ra wis: ‘Kaiks, Kingkam ba man ra aula, bawikira pali, biriku kum purara uli, biriku luhpia sin, baha ba wark daiwra luhpia kum.’ ”

Apastil Nani Sturka 8:32

Ulbanka pîs witin aisi kaiki kan ba lika naku kata: “Witin ba sîp baku ikaia pliska ra brih wan kata; sîp luhpia bîlas baku ai tâwa âirbra ba mawanra kan, baku sin witin ai bîla kwâki diara aisaras kan.

Roman 10:20

Ningkara Aiseya baha tila bâk dimi, naku wisa: “Ai plikras nani kan ba mita ai sakan; makabi walras kan nani ra, yang param takri ai kaikan.”

Roman 12:1

Baku bamna, muihki nani, Gâd kupia pihni lâka ba dukiara mamkabisna, man nani wînam aiska ba prisant raya kum baku ai mihta ra mangkma, baha ba holikira prisant yaia sma ba tânka sa.

Roman 15:15

Sakuna naha wauhkataya na wal, yang sibrin âpu param pali diara tila nani man nani ra ulbisna, âmya tiwbia apia ba mata. Naha daukisna Gâd ai kupia yamni bâk adar aikan ba mita,

1 Korint 2:3

Man nani tilamra balri piua, yang swapni kapri bara sibrin mita sin tatatwi katna;

1 Korint 4:10

Kraist tâwan yang nani na sins âpu baku ai kulkan; sakuna man nani lika Kraist tânka nani briaia mapa ra sinskira nani sma lukisma. Yang nani na swapni, sakuna man nani lika karna. Yang nani bahki ai kulki, sakuna man nani ra lika mai kulkisa.

1 Korint 4:21

Bamna, ¿man nani dîa ba kau lihkisma: man nani ra balamna bara klala maikamna, apia kaka, latwan lâka bara kupi swapni bri balamna?

2 Korint 10:10

Upla nani wisa, yang wauhkitaya nani ba lika wirha bara karna pali sa, kuna wîni tara mapa ra wîk bara bîlas baku sturi sip pain aisaras sna.

2 Korint 10:2

Baku bamna, mamkabisna man nani mai kaikaia wamna ba ra, taibi ai muni banhpara man nani wina tila nani wan wîna lâka kat diara dauki ba mapara bûi aisaia; bahmuna uplika nani ba mawan kat aisaia ridi sni.

2 Korint 10:7

Man nani lika diara nani wan mawan kat ba baman kaikisma. Bamna ani uplika kasak lukisa witin ba Kraist dukia sa, baha ba ban ai kupia ra bri kaia sa, baha sim natka ra yang nani sut na sin Kraist dukia sna.

2 Korint 11:21

Swiri uya brisni naha mai wiaia kuna, ¡kau yang nani uya pali swapni nani katna baha daukaia! Sakuna upla bisniska dadimra nani ba baku, yang sin tilamku dimuna, upla tanis aisi baku sna kuna.

2 Korint 11:30

Aimayunan lâka briaia sna kaka, swapniki wina diara nani taki ba dukiara lika maiyunamna.

2 Korint 12:5

Baha sât waitnika ba dukiara lika yang sip sna maiyunaia, kuna yang pali dukira lika sip maiyunras, ban diara nani swapniki tânka param saki ba kaka lika.

2 Korint 3:12

Yang nani kainira diara briaia lukisna ba mita sika, kupi aiska ni aisisna ba.

2 Korint 5:20

Baha mita yang nani ra Kraist ai blikan sturi yamni smasmalkra nani, baha lika Gâd bui man nani ra yang nani bâk mamkabisa. Bahamna, yang nani Kraist nina ra man nani ra mamkabisna, mahka Gâd wal kupia kumi takma.

2 Korint 6:1

Baku bamna, Gâd warkka dadaukra aikuki wan uplika nani sma ba, mamkabi banhwisna Gâd ai kupia latwanka lâka mamrikan ba, tikpara pali.

2 Korint 7:4

Man nani dukiamra uya pali lukisna bara sin âiyapah sna. Pât nani yang nani wahwisna ba tilara, tâi baikisna bara sin lilia pali sna.

Galesha 4:13

Pat kaiki banhwisma, tâ pali piua ra swaki sakan lâka man nani ra mai smalkri ba, yang baku daukri wîni tara ra siknis kum mita rau ai sauhki kan ba mita.

Galesha 5:2

Man nani, yang ra pain ai wals. Yang, Pal, mai wisna man nani Aisa sainka daukma kaka, Kraist ba man nani mampara bahki pali kabia.

Epesus 3:1

Naha tâwan, yang Pal, Kraist Jisas tâwan silak ra sna, man nani Ju apia nani mampa ra pain kaia ba dukiara.

Epesus 4:1

Baha mita, yang Dawan warkka ba tâwan silak ra sna ba, man nani ra mamkabisna, Dawan mita mai paiwan tânka kat iwi kama, sim piua luan ra nahki kapram ba baku.

Pilipai 4:5

Yarka upla sut mita man nani ba upla yamni baku mai kaikbia. Dawan ba wan lamara sa.

Kolosi 1:23

Sakuna naha dukiara, man nani kasak lukan lâka ra ban bapi bûi kaia sma, playkam ba tihu bapi bri bara kainamra diara briaia dukiara, swaki sakan lâka smalkanka wina walram ba wina tnaya ra takaia apia. Kan naha smalkanka na lika tasba aiska ra smalkan sa, bara yang Pal pali mita sin smalkaia hilp munisni.

2 Tesalonaika 3:17

Yang Pal mihti ni naha lakula na mai ulbisna. Wauhkitaya sut ra yang nini naku sain munisna; naku ulbisna.

Pilimon 1:19

Yang Pal, mihti pali ni naha na mai ulbisni: Swis yang mai aibapamna. Yang mita kupiam kraukan lika ai daukras, kuna damra walisma si man pali rayakam ba yang ra tras aikaia brisma.

Pilimon 1:9

sakuna latwan lâka ba nina ra man ra mamkaban ai daukisa. Yang Pal lika pat almuk pali sna, bara nanara sin Kraist Jisas tâwan silak ra ai brisa.

1 Pita 2:11

Laitwankira nani, man nani ra bik takisna, man nani naha tasba ra impapakra tringsar nani baku, wan wîna brinka nani wan sulka mapara aiklabi ba, dauki banhpara.

Param Marikanka 1:9

Yang Jan, man nani muihkam sna, bara man nani wal aikuki asla sna pât wahwan nani mapa ra, Gâd King aimaki ba lâka ra, bara ban bapi buaia lâka Jisas Kraist mita wanki ba ra sin. Kî dakura kum nina Patmos wi ba ra lulki ai swin kan, Gâd sturka yamni aisi smalkri ba tâwan, bara Jisas Kraist witniska aisari ba tâwan sin.