2 Korint 1:1 - DAWAN BÎLA AISKA

¹ Yang Pal, Gâd kupia lâka ba mita Jisas Kraist apastilka kum sna, wan muihni Timoti wal, Gâd sertska Korint tawanka tara ra banhwi ba sut ra bara Acaya tasbaya aiska ra, Gâd uplika nani bâra ba sut ra sin ulbisna.

2 Korint 1:1 ပူးပေါင်းရင်းမြစ်များ

Apastil Nani Sturka 16:1

Pal bara Silas wal impaki witin nani Derbe ra wan, baha wina Listra ra balan. Bahara sika lalukra kum wal prawan nina ba sika Timoti; witin ba Ju lalukra mairin kum luhpia, ai aisika lika Grik kata.

Roman 15:26

Kan Macedonia wina bara Acaya uplika nani sin lukan lalah sakaia, bara wan muihni umpira nani Jerusalem ra bâra banhwi ba nani ra blikaia.

Roman 16:21

Pâinika Timoti yang wal wark dauki ba mita ai lakula blikisa, bara Lucio, Jasón bara Sosípatro sin, witinka nani kuntriki wina ba.

Roman 16:5

Laikula wis wan muihni nani Priscila bara Áquila wal watla ra bal asla taki banhwi ba sut ra. Laikula wis upliki laitwankira Epéneto ra, witin sika Acaya ra pas upla Kraist ra kasak lukan ba.

1 Korint 10:32

Upla kumi ra sin trabil munpara: Ju nani sapa, Ju apia nani sapa, Gâd sertska uplika nani sapa sin.

1 Korint 16:10

Timoti balbia kaka, man nani trai kaiki witin ba tilamra aikuki liliam bris, kan witin ba Dawan warkka daukisa, yang wal baku.

1 Korint 16:15

Estéfanas ai watla uplika wal tânka ba kaikisma; witin nani sika Acaya tasbaya ra pas upla nani kristian takan ba, bara witin nani ai wîna aiska ni Gâd uplika nani dukia daukisa.

1 Korint 16:24

Man nani sut ra Kraist Jisas ra latwanka ba mai blikuna.

1 Korint 6:11

Man nani tilam wina tila nani ba baku nani kata. Sakuna man nani ba saurka wina pat klin mai sakan sa, holikira nani sin mai daukan sa, bara Dawan Jisas Kraist nina ba mita bara wan Gâdka Spiritka ba mita sin, kasakkira nani mai kulkan sa.

2 Korint 1:19

Kan Kraist Jisas Gâd Luhpia ba tânka yang, Silvano bara Timoti kira man nani tilamra smalki banhwisna ba, apia sika “âu” ba “apia” ba, sakuna Kraist sika “âu” ba Gâd wina;

2 Korint 1:23

Sakuna yang luki kapri ba kat sip Korint ra waras katna, Gâd ba witniski sa, yang bui man nani ra uya lukisna ba; ridi sna rayaki pali ba yaia.

2 Korint 11:10

Kasak daira walisna, Kraist kasakka tânka ba yang ra sa, bamna baha âuyapah lâka yang brisna ba Acaya tasbaya aiska ra upla âpu sa ai dakbaia.

2 Korint 9:2

kan man nani kupiam wilin ba tânka param kaikisna. Baha dukiara kupi aiska ni Macedonia tasbaya aiska ra aisisna, nahki man nani Acaya uplika nani ba, mani luan wina ridi pali banhwisma hilp munaia; bara Macedonia uplika nani aihkika prais man nani ra mai kaiki karna taki buan.

Galesha 1:1

Yang Pal, apastil kum sna, upla nani bui ai brinka kat upla kumi saki blikan ba sâtka lika apia, sakuna Jisas Kraist pali bara Gâd Aisa mita ai blikan, witinka Jisas pruan wina kli bukan ba mita.

Galesha 3:26

Kan kasak lukan lâka ba mita man nani sut lika Gâd luhpia nani sma, Kraist Jisas wal asla takram ba mita.

Epesus 1:1

Yang Pal, Gâd kupia lâka ba mita Jisas Kraist apastilka kum sna, baha tânka ba lika, naha wauhkataya na ulbisna, Epesus tawanka ra Gâd uplika nani bara Kraist Jisas ra kasak luki nani ra.

Pilipai 1:1

Yang nani, Pal bara Timoti wal, Jisas Kraist napakanka nani sna ba, muihni nani sut Pilipai tawanka ra iwi nani ba ra naha wauhkataya ulbisna, pura kakaira nani ra bara hilpa nani ra sin. Witin nani ba Gâd uplika, bara Jisas Kraist wal asla mai prakan banhwisma.

1 Tesalonaika 1:1

Yang Pal, Silvano bara Timoti aikuki Tesalonaika tawanka sertska ra wan muihni nani bâra ba, naha wauhkataya na ulbisna, witinka nani Gâd Aisa wal asla ba bara Dawan Jisas Kraist wal sin. Gâd ai yamnika bara ai kupia kumi lâka man nani puramra laikbia.

1 Tesalonaika 3:2

bara wan muihni Timoti ba man nani mai kaikaia blikri, kan witinka ba lika Gâd warkka dadaukra kum sa, bara yang nani aikuki Kraist sturka yamni ba aisi smalkaia warkka daukan. Witin ba bliki banhwisna wih mai kaikaia, man nani ba kau karna mai daukaia bara kasak lukankam lâka ba tâ baikaia sin,

2 Tesalonaika 1:1

Yang Pal, Silvano bara Timoti kat asla Tesalonaika tawanka sertska ra wan muihni nani bâra banhwi ba ra, naha wauhkataya ulbisna, witinka nani lika Gâd wan Aisa wal asla ba, bara Dawan Jisas Kraist wal sin.

1 Timoti 1:1

Yang Pal, Jisas Kraist apastilka sna, Gâd wan Sasakra bara Dawan Jisas Kraist adarka mita ai blikan, witinka wina yawan wan kainara diara briaia luki ba,

2 Timoti 1:1

Yang Pal, Jisas Kraist apastilka sna, Gâd kupia lâka ai blikan uplika, Dawan Kraist Jisas wal asla lâka ra, rayaka bri kaia pramiska wankan ba, yang aisi smalkamna dukiara.

Taitus 1:1

Yang Pal, Gâd dukia dadaukra, Jisas Kraist apastilka sna, ba mita naha bîla ulbisna. Yang na witin mita ai blikan sa, Gâd mita bâk saki brin uplika nani kasak lukanka lâka ba hilp munaia; bara witin nani ba sin, Gâd ra luki kaia tânka kasak ba kakaira taki banhbia dukiara,

Pilimon 1:1

Yang Pal, Kraist Jisas tâwan silak ra ai brisa, bara naha wauhkataya na, yang wan muihni Timoti wal wina upliki Pilimon ra mai ulbi banhwisna, wan uplika latwankira aikuki wark daukri ba.

Hibru Nani 13:23

Man nani ra maisam pakisni wan muihni Timoti ba pat silak wina takan. Witin pat pali balbia kaka, man nani mai kaikaia wamna ba ra, witin ba sin brih wamna.