1 Timoti 4:6 - DAWAN BÎLA AISKA

⁶ Naha smalkanka nani na wan muihni nani ra smalkisma kaka, man ba lika Jisas Kraist napakanka pain kama, bara kasak lukan lâka bîla nani ba wal bara baha smalkanka pain nina blikram ba mita sin, man sulkam pata pima.

1 Timoti 4:6 ပူးပေါင်းရင်းမြစ်များ

Lawana Nani 19:7

Dawan lâka smalkanka ba kasak yamni pali sa, kan rayaka raya yabisa. Dawan adarka bîla ba kasak ban buisa, ai dahra yamni walras nani ba, sinskira daukisa.

Sins Lâka 4:2

Yang bui man ra smalkanka pain kum maikri sa, baku bamna smalkanki ba kupiam lukras kapara.

Jirimaya 15:16

Man bui yang ra aisi kapram ba ra, aisinkam nani ba langki katna; baha nani sika yang liliaki âiyapah ai saki kan yang kupi ra, kan yang sika aiska man dukiam sna, Dawan bara Gâd karnika sut man brisma ba.

Matiu 13:52

Baku bamna, Jisas bila: —Lâ Smasmalkra kum kasbrika purara ba kingka aimaki ba lâka tânka ba pain lan takuya ba ra, kiaptin kum baku sa; witinka ai yuyaka nani wina diara raya nani bara almuk nani sin sakaia ba pain kaikisa.

Apastil Nani Sturka 1:15

Baha yua nani kum ra, Pita lika wan muihni nani lilapas kat buan. Upla nani asla bâra kan ba lika 120 baku kan. Witin bila baha nani ra:

Apastil Nani Sturka 20:31

Bamna aman kaiks, kupiam sin krauki bas, mani yumhpa, kakna bara tihmia, naikra laya saki man nani kumi bani ra mai smalki kupiam kraukatna ba.

Apastil Nani Sturka 20:35

Piua bani pain mai smalkri, baku wark taki uplika, diara âpu nani ra hilp munaia. Bara Dawan Jisas dîa aisin ba dukiara sin wan kupia krauki kaia, witin naku wisata ba: “Pain pali sa, upla ra diara yaia ba kau yamni sa, briaia ba wal.”

Roman 15:15

Sakuna naha wauhkataya na wal, yang sibrin âpu param pali diara tila nani man nani ra ulbisna, âmya tiwbia apia ba mata. Naha daukisna Gâd ai kupia yamni bâk adar aikan ba mita,

1 Korint 4:17

Naha dukiara, Timoti ba man nani ra blikuna. Witin sika Dawan ra luhpi laitwankira bara kasak pali ba. Witin ba yang na Kraist ra lalukra baku nahki iwisna tânka ba man nani kupiam kraukbia, plis sut ra serts bani ra smalkisna ba baku.

2 Korint 11:23

¿Bara witin nani ba Kraist dukia dadaukra sa ki? Yang lika witin nani purkara sna, aisisna ba sin tanis baku aisisna kuna. Bamna yang lika kau wark takri witin nani ba wal, witin nani wal yang ra kau ai wipan, silak ra sin kau ai mangkan, bara prura pâtka sin manis wauhri.

2 Korint 3:6

Kan Gâd mita sika sip wan daukan lâ raya bâk ai dukia daukaia, bara baha lika wauhkataya ra dîa ulban ba bîla wali daukaia tânka lika apia, sakuna rayaka kumi Spirit Holikira mita pain bribia ba. Lâ ulbanka ba pruaia pâtka mihta ra wan mangkisa, sakuna Spirit ba lika raya kaia wankisa.

2 Korint 6:4

Sakuna, brin wan daukisa diara sut bâk marikaia, yang nani na Gâd dukia dadaukra, wan kupia alki takaskan lâka manis bri banhwisna ba mita pât nani ba wahwaia sip sna bamna, diara luha bara trabil nani sin.

Epesus 6:21

Wan muihni latwankira Tíquico, witin lika Dawan warkka dadaukra painkira pali sa, bamna witin mita yang tâinka na bara dîa daukisna ba sut mai wibia.

Pilipai 2:20

Witin baman sika yang lukisna ba baku luki ba, bara man nani painkam dukiara sin trabil taki luki ba.

Pilipai 2:22

Sakuna man nani kaikisma nahki Timoti ai tânka kasak marikan ba, bara nahki sin yang wal sturi yamni aisi smalkaia warkka daukan ba, sim luhpa kum ai aisika ra hilp muni ba baku.

Pilipai 3:16

Sakuna naha na lika: yawan luki iwi kaia sa dîa pat alkan ba kat.

Kolosi 2:19

Witin nani lika lal pali Kraist ba wal asla apia sa; witinka mita sika wan dakaki, wan paki ba; bara wan wîna tara pîska bani asla dauki ba, Gâd ai kupia ra luki ba kat.

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.

Kolosi 4:7

Bamna wan muihni latwankira Tíquico, witinka lika wark dadaukra painkira kan, bara yang wal Dawan dukia daukan ba mita yang tâinka nani sut pali witin mita man nani ra mai wibia.

1 Tesalonaika 3:2

bara wan muihni Timoti ba man nani mai kaikaia blikri, kan witinka ba lika Gâd warkka dadaukra kum sa, bara yang nani aikuki Kraist sturka yamni ba aisi smalkaia warkka daukan. Witin ba bliki banhwisna wih mai kaikaia, man nani ba kau karna mai daukaia bara kasak lukankam lâka ba tâ baikaia sin,

1 Timoti 1:10

marit takras tâski lâka dauki nani ba, waitna ai tahkia wal tâski lâka dauki nani ba, upla ai tahkia ra impliki nani ba, kuninkira nani, swer taki kunin aisi nani ba sut, wibia sa kaka, ani uplika nani smalkanka kasak ba mapara bûi ba tani ra lâ ba bâra sa.

1 Timoti 4:16

Man pali wînam ba kat aman kaiki bas, bara smalkankam ba sin, naha nani na ban dauki bas. Man naha na daukma kaka, wînam ba swaki sâkma, bara upla nani man ra wali banhwi ba sin baku takbia.

1 Timoti 6:3

Upla kumi kunin lâka smalkbia kaka, bara witin ba wan Dawan Jisas Kraist smalkanka yamni ba kat, bara Gâd ra luki kaia lâka wan smalki ba kat sin kasak kulkras kaka,

2 Timoti 1:6

Baha mita yang pain pali mai wisna, man puramra mihti nani kahbri ba ra, Gâd prisantka nani briram ba, ban raya bri kama.

2 Timoti 3:10

Sakuna man lika yang smalkanki nani ba pain nina blikram sa, nahki yang iwi kapri ba, yang dîa daukaia want kapri ba sin; man ba yang kasak lukanki lâka ba pain alki briram, wihka bîla kaikisna lâka ba, latwanki lâka ba, bara ban bapi bûi kaia lâka ba sin,

2 Timoti 4:3

Kan piu kum balbia ba ra upla nani ba smalkanka yamni ba kau lika walan daukbia apia, sakuna ai brinka karna nani nina blîkbia, bara smasmalkra ailal pliki bribia, witin nani dîa walaia want ba baman baha nani mita smalkbia dukiara.

Taitus 2:1

Sakuna man lika piu bani smalkanka yamni tânka ba kat smalkaia sma.

1 Pita 2:2

Tukta swap lupia bisiura aisubi takan baku, plun mai dauki ba, spirit tialka laya pali ba pliks, bara baha bâk di pâwma, bara swak takan lâka ba brima.

2 Jan 1:9

Ani uplika Kraist smalkanka ba swi si ai kupia lâka kat ban tauki ba, witin lika Gâd luha pali sa; kuna ani uplika Kraist smalkanka kat ba, witin lika Aisa ba brisa bara Luhpia ba sin.

Judas 1:5

Man nani pain nu sma, kuna brin ai daukisa, Dawan ba mita sika Israel luhpia nani ba Idsip wina sakan, ningkara witin nani tilara, ani uplika nani kasak lukras kan ba âpu sauhki tikan.